بنات جزاكن الله خير اللي تعرف المندي بالفرن تكتبلي الطريقه وبكون شاكره لها
واللي مر عليها الموضوع تحط لي الرابط لاني تعبت وانا ادور وحولت عيوني
ارجوكن لاتخيبن املي فيكن

اذا شعرت
بالغربه بينهم
والوحده في حضورهم
والوحشه برغم وجودهم
فلا تحزن يا قلبي
***
اذا اكتشفت
كلماتهم مصطنعه
وهمساتهم معلبه
واشواقهم مثلجه
فلا تحزن يا قلبي
***
السلام عليكم ورحمة الله وبركاته

حياك الله اختي

انا ماشفته بالمنتدى

بس ابي اعطيكي طريقتي

و***** الله تعجبك

اولا انت تحتاجي قدر
( حق المنتو طبقة قدر عادي والطبقة الثانية زي المصفاية والثالثة غطاية يعني لا تستخدمي كل الطبقات)

اذا ما عندك استخدمي اي قدر
واستخدي مصفاية ( اللي زي صينية الكيك وليست غويطة )
وطبعا غطاية تغطي المصفاية

نجي لطريقة العمل

دجاجة اذا حبيتي تقطعينها على اثنين او على اربعة حسب الرغبة طبعا تغسل وتنظف
( انا ما احب جلد الدجاج فانزعة دائم بس كل حسب رغبته )

ثم تتبل بـا
الملح
+
( شوي فلفل اسود +كمون+كزبرة ناشفة)
+
صبغة الزعفران ( رغم اني ما احبها كثير وافضل نقع الزعفران في الماء )
+
شرائح بصل
+
شوي زيت مازولا او عافية ( تستغني عن الزيت اذا خليتي جلد الدجاج )

هذا يكون كله في المصفاية اللي فوق

(((( رصي الدجاج بحيث يكون اللحم وليس العظم في الجهه الفلى والعظم من جهة فوق ))))


في القدر تحطين

الرز (انا استخدم الشعلان )

(بعد ما غسلتية ومنقوع في ماء حار وشوي ملح )
طبعا مصفى

+
هيل + خلنجان + قرفة + ملح ( لا تكثرين لانك حاطة بالدجاج )
+
شوي زبدة او زيت ( شوي لا تكثرين )
+
بصله بكبرها للنكهة ( بس مقطعة نصف الى نصفا لاتكملينها الى اخرها
+
تحطين ماء حار حوالي واحد اصبع فوق كمية الرز
لان الدجاج ينزل ماء عند السواء

بس وتغطينه

يصير القدر اللي فية الرز وفوقه المصفاية اللي فيها الدجاج وبعدين الغطاية

ويوضع في الفرن حوالي ساعة او ساعة الا ربع

ولما يخرج من الفرن
اي زبدية معدن حطي فيها شوي زيت حطيها وصت الرز
وبعدين حطي جمرة مولع
علشان تبخريه ويصير زي مندى السوق

وبالعــــــــــ ـــــــــــــــ ـــــــــــــاف ية



نصييييييييييييي يييحة

اول مرة تسوينة بعد نصف ساعة افتحي الرز وشوفي ناقصه ماء او ملح
لان كل واحدة فينا يختلف قوة فرنها من واحدة للثانية

وكمان نوعية الرز تختلف في حاجتها للماء فاذا شفتي له حاجة زيدي شوي
احيانا عيالي يحبون رز ابو بنت علشان يصير زي حق السوق بس هذا يحتاج ماء اكثر



ياريت اكون قدرت اوصلك الطريقة

( اليوم اللي اكون تعبانة ومالي مزاج اطبخ
هذا طبقنا لاني احطه بالفرن وانساه وما ياخذ وقت طويل في اعداده)
شوفي حبيبتي انا لي طريقه ثانيه للمندي شوفيها هنا:



http://forum.hawaaworld.com/showthread.php?t=543870







كأنك عارفه اني اتغديت مندي بالفرن اليوم
باقولك طريقتي ماادري تعجبك ولا لأ
اول حاجه تجيبي دجاجه تغسليها تماااام بعد ما تقطعيها نصفين بعدين تضيفي لها عصير ليموونه وكمون وفلفل اسود وصبغه صفراء او كركم وملح وتتركيها على جنب
ثم
تقطعي بصله صغيره وتحمريها ثم تضيفي لها ربع ملعقه كبيره صلصة طماطم وحبه وسط طماطم وتقلبيها ع النار
ثم تغسلي الرز تقريبا كاستين من رز ابو كاس وتضعيه بصينيه تيفال وتحطي البصل والطماطم فوقه وتضيفي البهارات اللي تتكون من هيل حب عود صغيره قرفه وقرنفل حب وملح واهم حاااااااجه 2 او 3 فلفل حااار وهدا اهم شي وتضيفي عليه المويه السااخنه بس ما تكثري يادوب يتغطى الرزوبعدين غطي الصينيه بطبقتين قصدير وخرميها وضعي الدجاج فوق القصدير ثم طبقتين ثانيه قصدير ودخليه الفرن لمدة سااعه
وصحتين على قلبك
ترى انا فصلت لك بالطريقه عشان تسهل عليكي ولا التطبيق اسهل من كدا بكثير
الله يعطيكم العافية اخواتي جميعا
من طلبت الطريقة ومن وضعو الطرق
الف شكر لكم
اللهم اني أسألك العفو والعافيه


الساعة الآن 10:14 .