ياليت سيدات الاعمال والتاجرات والي عندها خبرة في هالمجال انهم يساعدني. انا أفكر ابدأ مشروع صغير في البيت, أهو اني اشتري ملابس اطفال راقية ومميزة( بالجملة) من سوريا للعيد وابيعها بس عندي مشكلة صغيرة واهي كيفية التواصل والتعامل مع هذي المصانع والمعامل مع العلم ان ارقامهم متوفره عندي؟؟

شو هي الخطوات الي لازم اسويها للتعامل والتواصل معاهم؟؟؟

وبنات انتوا اتعرفون ان التواصل بيكون عن طريق التلفون, فما هي انسب طريقة ان الواحد يضمن حقه؟؟


فيا ليت سيدات الاعمال يعلموني بالطريقة المناسبة للتواصل مع هذي المصانع ؟؟؟؟

وأخيرا
>
>
(اشكر كل وحدة ترد علي وما تهمل موضوعي)
15-05-1427 هـ, 11:49 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالتوفيق حبيبتي
15-05-1427 هـ, 07:07 مساءً
 
السلام عليكم ورحمة الله وبركاته,إختي لي خبره بسيطه فهذا الموضوع وإن شاء العلي القدير أفيدج:
-كلمي السفاره أو القنصليه أو مكتب التمثيل التجاري أي واحد منهم .. وتأكدي بأنهم موجودين فالبلاد إلي بتشترين منها لا تكنفين بالتلفون فقط..لو إنتي فدبي زياره بسيطه لغرفة التجاره وهم بيعرفون من هم ويساعدونج حتى لو من القمر..
-الإتصال فيهم إما عن طريق القنوات الرسميه إلي ذكرتها أو بالفاكس بالهاتف ينفع ...
-إطلبي منهم البضاعه ولا تحسسيهم بأنج جديده فالمجال أبدا..
-ولاتطرشين ولا فلس بدون ماتشوفين العينات لا تشترين شي ما شفتيه ..كاتلوج لا لا لا..
-لا تطلبين بضاعه وايده فالبدايه أبدا علشان تشوفين التعمل كيف بيكوهم
-الدفع خليه يكون مقدم بسيط جدا والباقي بعد الإستلام..بيقولولج لا ومادري شو ومادري كيف مايهمج منه هو محتاجج ولو شفتيه مصمم قوليله يفتح الله.. وقوليله إشمعنى أنا أثق فيكم وأنتو لا ..صدقيني طرق النصب وايده..
-والافضل والأحسن والأنسب تقوليلهم يحضرولج البضاعه وتروحين تشوفينها وتشترينها بنفسج سلم وإستلم..أو حد من تلك البلد يجيبهم أويشوفهم يمكن مضروبين وخربانين شوبتسوين يوم يوصلولج خربانين..
- شوفي أي إخت من سوريا فالمنتدى وتعاملي معاهى وعطيها شي وهي تشوفلج كل هذي التفاصيل وتتأكدلج منهم..
-ولله الحمد بالنسبه لمحلي الله أكرمني بالأخوات فالمنتدى والحمد لله تعاملهم أكثر من راقي وشتريت قسم من ما أريد والباقي بعد ما أشوف السوق..
إن شاء الرحمن تتوفقين والله يحميج .. يرزقج ..وأنا بكون أول من يطلب منج بالجمله..
عندي طريقه حلوه جت في بالي..بطرشلج عالخاص..
15-05-1427 هـ, 10:09 مساءً
 
اختي كنونة انا مثلك ودي باحد يدلني ابغى ملابس اطفال بالجملة بس ابغاها اوربية مثل شركة (absorba ) وغيرها من المركات المعروفة والنادرة بالسوق اذا عرفتي لاتبخلي علي
الله يوفقكويرزقك
15-05-1427 هـ, 10:38 مساءً
 
انا بدي معلومات عن المصانع في لبنان لازياء السهره ماني عارفه اجيب معلومات عنها

سويت بحث في قوقل ما استفدت ممكن تفيدوني ياللي عندكم خبره
16-05-1427 هـ, 06:21 صباحاً
 


الساعة الآن 10:02 .