Analysis Services
السلام عليكم ورحمه الله وبركاته..
بنات حواء...
اليوم جبت لكم السفيد آب الي كلكم تعرفون الاريانيات يسنخدمونه وماشالله البياض فيهم انا جبته لكم والي تبي تشتري ترسلني على الخاص ..
والطريقه التاليه: نقلته من منتدى اخر لتعم الفائدة..
صيري بيضه بشهرين بس وادعيلي

--------------------------------------------------------------------------------

السلام عليكم ورحمة الله وبركاته
تحياتي واحترامي لكل العرايس
فيه كثير من الاخوات العزيزات طلبوا مني معلومات عن كيفية استخدام اقراص السفيداب , وبصراحه هذي الايام مشغوله اجهز اغراضي ومشترياتي للعرس مع اني ما اعمل حفله بس لان اسافر عند زوجي الي في اخر الدنيا
>>>>> تحكي قصة حياتها
بس حبيت اوضح ظروفي ما اقدر ارد على كل رساله خاصه وفيها نفس الطلب ونفس الموضوع لذا قررت انزل الموضوع عشان الكل يستفيدو
اول شي احب اقولكم اني مجربه السفيداب بنفسي ويشهد الله حتى اني نفسي مو مصدقه بياضي ونعومتي ,,, قبل كنت استخدمه بس بصراحه كنت اتكاسل ,, بس حاليا صار لي 3 شهور استعمله بانتظام والنتائج والله والله اكثر من روعه اصلا مدهشه

الاشياء المطلوبه

قرص من اقراص السفيداب
كيس للتدليك >>>>> اي بنطلون جينز ما تحتاجي قصي منه وخيطي على شكل مستطيل وبقي طرف منه مفتوح لادخال اليد فيه

واليكم الطريقه الصحيحه 100%

اول ما تدخلي الحمام وانتو بكرامه , افتحي الدوش الحار واغسلي شعركم وانتي تحت الدوش عشان جسمك يصير طري او بالاحرى عشان الجسم يتنقع
يعني اقل شي لازم تطولين مع شعرك في الغسل اكثر من 15 دقيقه
كملتي غسل الشعر اخرجي من تحت الدوش وبقي الدوش مفتوح عشان يبقى بخار الماي الحار مستمر
هاتي كيس الجينز وهو ناشف ودخلي ايدك فيه وبايدك الثانيه امسكي قرص السفيداب مثل الصابون وافركي فيه الكيس بعدين افركي اول شي الرقبه بخفه شديده عشان ما تخدشي الجلد
بعدين مره ثانيه افركي القرص على الكيس ودلكي بقية اجزاء الجسم بحركات عموديه يعني دلكي الايد من فوق الى تحت وبالعكس وهكذا مع الساقين
ركزي كثير على الارداف ودلكيهم بحركه دائريه وبخفه لان هذي المنطقه تكون خشنه اكثر من باقي الجسم بسبب كثرة الجلوس
والركب والمرفقين ركزي عليهم ايضا >>>>> لان خشنين وسمر والجلد يكون قاسي
راح تشوفين خيوط من الجلد الميت والدهون والسواد , بعد ما تكملين جسمك تركي الكيس وخذي قرص السفيداب لوحده ودلكي بخفه وجهك مع التركيز على منطقة الشنب وجانبي الوجه القريبه من الاذن >>>>> لان مع الاستمرار بعد فتره تشوفين الشعر في هذي المناطق يختفي خاصتا الشعر الناعم
من تشوفين صارت تحت اصابعك خيوط , قومي بتدليك وجهك وفركه باطراف اصابعك , مدة دقيقتين او ثلاثه
كملتي كل شي دخلي تحت الدوش واخذي حمامك عادي باي صابون متعوده عليه عشان تنظفين جسمك من خيوط الجلد الميت >>>>>> يفضل صابون الغار لان ما فيه ريحه ومفيد جدا خاصتا للمكان الحساس
اشطفي جسمك من الصابون بالماي ادافئ
اخر شي افتحي الدوش على الماي البارد و اشطفي جسمك لغلق المسامات وتنشيط الدوره الدمويه للجسم وشده
نشفي جسمك ورشي ماي ورد على كل جسمك >>> ونعيما
تسوين هذي العمليه في الاسبوع مره مثلا كل يوم جمعه
بعد شهرين تشوفين نتائج مذهله
اول شي بياض غير متوقع
ثاني شي نعومه وطراوه
ثالث شي التمس منكم الدعاء بالذريه الصالحه
____________

























:
17-05-1427 هـ, 07:51 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شلونك يالغالية ..
أنا من المنطقة الغربية شلون أحصل عليه
لوسمحتي التفاصيل على الخاص
ومشكورة
18-05-1427 هـ, 09:43 صباحاً
 
حبيبتي كم سعره وانا بالرياض ممكن رقمك
18-05-1427 هـ, 10:50 صباحاً
 
أحب اشكرك يا السالمية لأني أدور عليه من زمان
ممكن التفاصيل على الخاص
18-05-1427 هـ, 11:00 صباحاً
 
كم السعر وانتي من وين
18-05-1427 هـ, 11:17 صباحاً
 


الساعة الآن 10:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏