الصراحه تعاملت ويا بنات ويا الوقت اللى لازم اكشف كل وحده على حقيقتها

اولا انتى يا complex1664
كلمة شكرا وجزاك الله خير اشوى عليج الصراحه انسانه قمه وقمه وقمه في الرقي والله الشاهد على ما اقول من ناحيه معاملتها واغراضها المميزه خذيت من عندها اشياء وايد على مدى سنتين وكنت اخذ من عندها اراوى اهلى الاغراض من صياني وكانت تامنى عليهم واردلها الباقي فشكرا الغاليه على هذه الثقه وها التعامل اللى ما بنساه وما مرعلى حد مثلج وهذه ورده منى لك
وجزاك الله خير

ثانيا روح العطور
خذيت من عندها عطور وطرشتلى سنابل من الدخون اللى عندها والصراحه انسانه راقيه بمعنى الكلمه وصبوره وخاصه بالموقف اللى صارلنا وياها طرشت السائق لنا 3 مرات لين ما استلمنا الاغراض فشكرا وجزاك الله خير ...

ثالثا الفريدة 7
اشتريت من عندها دخون بن لوتاه القرص ومخمرية وطرشتلى سنابل من العود والدخون المكور
مابقول غير ما شميت مثلهم ادخنت بالقرص وسرت بيت اهلى الكل اتخبل على الريحه من امر عدال حد قالى بشو مدخنه ولا لاحظت الكل يسالنى عن الدخون والسنبل الدخون المكور دخنتبه الغرفه ريلي اتخبل والمخمريه يالله حطيتها في راسي ريحتها روعه حتى اختى خذت منها
شكرا

كان بخاطرى اصورلكم الاغراض بس ما قدرت
18-05-1427 هـ, 04:22 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فلا أنا تعاملت مع الاخت complex1664 ( أم عبد الله )

انسانه قمه في الذوق والاحتراااااااااام تستاهل كل خير

روح العطور و لفريدة 7 يستاهلون كل خير والله...
18-05-1427 هـ, 04:27 مساءً
 
الله يهنيج بالبضاااعة حبووبة

ويوفق التاااجرات المتميززات فعلا
18-05-1427 هـ, 04:29 مساءً
 
والنعم فيهن خوات غاليات وتاجرات يستاهلن كل خير

ومبروك عليج الأغراض تتهنين فيهن ان شاء الله.
18-05-1427 هـ, 04:32 مساءً
 
يستاهلون كل خير ولو أني ما أعرفهن لكن من مشاركاتهم عرفت أنهن قمة في الذوق والأنسانية، مبروكات عليج البضاعة اللي شريتيهم من عندهن، ويعطيهن ألف عافية
18-05-1427 هـ, 04:35 مساءً
 


الساعة الآن 10:08 .