خاطري اسوي غدا رومانسي حق ابو العيال ... مسكين فديته من زماااان ما سويت له شي و توني شفت موضوع وحده من الأخوات مسويه غدا رومانسي عيبتني الفكره عطوني افكاركم الله لا يهينكم .....
شو اسوي .. شو الأكلات ..
انا فكرت برياني دجاج بالروب + سلطه مشكله + سويت حلو و خفيف ( فواكهه مشكله مع قشطه بخبركم الطريقه عقب ) + عصير برتقال فرش شو رايكم ؟ أزيد شي ؟؟ ...

يلااااااااااااااااا تحمست بسويه يوم السبت لأني بكره برجع بيت زوجي عطوني افكاركم لا تبخلووووون علي ....انتظر ردكم اسرع وقت ممكن .. و بصور لكم السفره مع الأكلات اللي بسويها
ولا يهمج رووح الغلا ...

سوي مجبووس لحم + تبووله + بااذنجان بالرووب

والحلو كيكة الاناناس ....وممكن تطلبين عصير رماان من اي مطعم عداالكم ...
مشكوره اختي فرش ميلك عالمرور
بس انا ما اضبط مجبووس اللحم الدياي اضبطه عدل مدل ... كيف طريقة الباذنجان بالروب؟ و ما عرف طريقة كيكة الأناناس ...؟؟؟ تعرفين الطريقه ...؟
افكر اسوي ...

سلطة مشكله + دجاج مشوي بالرووب + رز ابيض و ملون + الحلو ( كريم كراميل ( ريلي يمووت عليه و من زماان ما سويت له + عصير برتقال فرش شو رايج ؟؟ يكون خفيف عالمعده ...؟؟؟
انتي اكثر وحده تغرفي زوجك ايش يحب سوي اكثر شي يحبه
هذا اسمه عشا رومانسي
سبحان الله وبحمده.. سبحان الله العظيم


الساعة الآن 02:59 .