السلام عليكم ورحمة الله وبركاته




مرحبا يا سيدات الأعمال



شلونكم إن شاء الله طيبين !!



أنا إن شاء الله بسافر بريطانيا في بداية شهر سبتمبر .. بالتحديد في منطقة مانشستر للدراسه

في هالفتره حابه أستغل غربتي تجارياً

ماأدري إذا عندكم أفكار ممكن تساعدني .. أنا فكرت إني آخذ شغلات من بريطانيا لبنات دول الخليج مبدئياً

بس مب عارفه شلون أبتدي وشاللي أبدى ببيعه أول شي

ياليت تفيدوني ياذوات الخبره في هذا المجال

وإللي جربت وإستفادت .. ياليت تعلمني شلون مشت أمورها

بإنتظاركم

لا إله إلا الله .. محمد رسول الله
up

لا إله إلا الله .. محمد رسول الله
السلام عليكم ورحمه الله وبركاته

هلا وغلا فيج اختي رفيعة الشان

الله يعينج ويصبرج على غربتج عزيزتي وترجعين لبلادج وانتي موفقه بشهادتك

بخصوص الافكار مممممممم

انتي مطوله بدراستك ولا فتره بسيطه لانه حسب المده يحدد نوع التجاره بعد

وحسب الامكانيه الماديه والوقت الي بتستغلينه في التجاره وما ياثر على دراستك

ان كنتي تسكنين بقرب تجمعات عربيه سهله لانج تقدرين توصين اهلك في قطر بأشياء عديده يرسلونها لك وتقومي تبيعينها هناك منها دعايه للوطن قطر ومنها رزق لك

اما ان كانوا اجانب فبيكون شوي صعب لانه ما تعرفين أذواقهم
غير هذا لو كنتي تبين تشترين اغراض من بريطانيا لبنات الخليج فالمحلات كثيره في دول الخليج الي تبيع أغراض مصدرها بريطانييا

الاجانب يحبون الحنه العربيه إن كان لج فيها خبره استغلي هالشي وهم يفكرونه وشم بس وشم مؤقت
يرسلون لك الاهل الحنه وتنحني هناك بسعر رمزي فالاول لين يسون لج دعايه وبعدين ترفعين السعر

تطورينها بعدين بمنتجات تستوردينها من قطر وهي منتجات تراثيه مثل الحقائب والاكسسوارات التراثيه المشغوله باليد يمكن لها اقبال هناك

وهنا لا تستوردين كميه كبيره فقط كميه بسيطه بس علشان تشوفين إذا عليها طلب او لا

اتمنى قدرت افيدك لو بفكره جت على بالك من كلامي مو لازم فكرتي

اتمنالك التوفيق في الشهاده والتجاره
انا اعرف ان بريطانيا غاليه والناس يبون الرخيص فما حس ان الفكره بتمشي
موفقة

وترجعين للبلادج سالمة


الساعة الآن 07:45 .