سلة تفاح

سلة تفاح @sl_tfah

عضوة جديدة

الله مع كل وحدة تحس بمعاناتي ساعدوني

الأسرة والمجتمع

انا اختكم متزوجة من خمس شهور اول شهر حلو بس بعدين احس الدنيا اظلمت بوجهي

انا فتاة جميلة براي كل من يشوفني وبراي زوجي كمان وهو ولد عمي وحنون وطيب بعد ماخلص الشهر رديت للمنطقة اللي انا عايشة فيها بحكم دراستي وهو رجع لمنطقته اللي تبعد عن منطقتي 500كم ويجي كل ثلاث اسابيع بحكم دراسته الجامعيه ماعندة اوف فزين يلقى اجازة ويجي المهم طولت عليكم كنت بالبداية استحي من العلاقة ومن اللبس الفاضح وبعدين تجرأت بس المشكلة اول ليله لمايجي تكون حلوة وثاني ليله تمشي الحال لكن الليلة الاخيرة لازم يصير شي يضيق الخلق اما انه ينام ويخليني ولايكلمني تخيلوا يمكن مايكلمني الا ساعتين وطول الوقت نايم نسيت اقولكم لقام طبعا ينزل لامه عشان يتغدى مع اخوانه هذا واجب عندهم وانا ماعندي اعتراض، شنو المشكلة فيني والا فيه والا هذا الامر عادي؟ الله يخليكم قولوا لي لانه بعد 3 اسابيع ان شاءالله راح يجي باجازة شهر كامل ابي اتلافى الاخطاء ابي اصير جديده معه بكل شي .
25
2K

يلزم عليك تسجيل الدخول أولًا لكتابة تعليق.

تسجيل دخول

حلوه بس مقروده
شوفي حبيبتي000خوذيها قاعده000الرجال دائما في بداية زواجه يحب يفرض رايه وخصوصا اذا كان عن اهله يجلس مع اهله ويتكلم بالساعات بس بعدين يخف شووووووووي0000هذا من ناحيه0000من ناحية انه مايتكلم معك000فهذا المر طبيعي وانا مجربته كنت مثللك اول ماجي يفز بي واليوم الثالث يطنشني000وهذا ياحبيبتي بسب البعد بينكم ماتعود عليك000والله انا جلست سنتين على الحال00بس اول ماستقريت عنده كل شي يتغير
BENT NASS
BENT NASS
ولاتحطي في بالك والله انا والله كنت مثلك ابكي بشده في شهور زواجي الاولى من التغيرات الي صارت لزوجي
ساكت بدرجه فضيعه مايكلمني ويخرج من الغرفه لاما اكون ابي انام
بس مع مرور الاشهر
والله صرنا زي العسل فهمنا بعض وعرفنا كيف نتعامل مع بعض
وراح الخجل
بس هاذي حاله موجده عندالاغلبيه
ولاتحطي في بالك الله يسعدكي
روحــ لك ـــي
روحــ لك ـــي
هلا عيوني .. لا الأمر جداً طبيعي!!

لو كنتوا عايشين مع بعض كنتي بتشوفينه طبيعي
بس لأنه بعيد وانتي تكونين متشوقه لجيته فتحسبين لها
ألف حساب أو تنتظرينه بفارغ الصبر فتتوقعين انها تكون بشكل مختلف
عن الواقع ..

شوفي هذا حال الحياة.. يوم حلو .. يوم عادي .. يوم مر!!! أنتو بكل بساطه
قاعدين تعيشونه في كل إجازة!!

أنا ما فهمت بالضبط وشو قصدج بأنه ثالث يوم لازم يصير شي يضيق الصدر
يعني لاسمح الله هواش او وشو؟

نصيحتي لج كيف تتلافين الأخطاء؟ ولو اني للحين ما اشوف فيه اي اخطاء الحمدلله
لاتركزين عليه وايد.. سويله الأشياء الحلوه اللي يحبها أي نعم.. قعدي معاه قعدات
حلوه شي طيب.. بس بعد سوي لنفسج التزامات ثانيه .. مثل ماهو عنده أوقات يبغي
ينام .. ينزل عند اهله!! عرفتي؟

أنا اول ما تزوجت كنت عكسج أنا اللي لاهيه عنه وهو احسه يبغي مني أكثر!!
بعدين انعكس الأمر صار هو لاهي وانا ابغي منه أكثر!!!!! لكن الحين كملنا سنه
احس بدا يصير فيه توازن!! صرت ما أركز وهو ما يركز!! وعايشين ميه ميه وكل
شي حلو، وصار كل واحد مننا يقدّر إلتزامات الثاني!! بالعكس اقوله وين ما رحت لأهلك
يومين مثلاً؟؟ وهو يقولي صارلج فترة ما طلعتي !! عرفتي تعودنا..

ترى وايد بنات اختربت حياتهم لأنهم كانوا يسعون انها تكون (كامله)..
خليه يشتاقلج وانتي موجوده شوي.. يتشفق عليج.. غيري يوم تلفزيون
يوم قعده رومانسية .. يوم اعزمي خواته او قعده مع أمه عرفتي؟
أحيان لأنه الزوجين دايم مع بعض ما يعود بينهم اشياء يتكلمون فيها
او لأنه مافي اشياء ممكن يتكلمون فيها!!

شاركيه بقعدات مع امه وسولفي معاه هناك!!.. بتشوفينه غير ومن منظار
مختلف.. ولا تتضايقين لا شفتيه يسولف أكثر طبيعي الوضع ترى

ألاحظ وايد متزواجات يقولون زوجي معاي ساكت .. بس خليه يقعد مع اهله
يصير يبربر ومايسكت! هذا أمر طبيعي

قوليله ودنا نزور بيت فلان .. أخوه مثلاً حد غالي عنده .. هالشي بيفرحه وبيفتح
بينكم مواضيع حوار أكثر..

وقت ما تحسينه ساكت قومي سوي شي ثاني .. أنشغلي بشي عشان لا تتعودون قاعدين
ساكتين.. لأنه بياخذ عليها...

أنا زوجي تقولين حد حاطه على الصامت!! لكن من تزوجت اتبعت هالأسلوب من أشوف
صار ما عندنا سالفه قمت سويت شي.. فتحت مجله.. سحبت كتاب .. شغلت كمبيوتر!!
ومن المجله او الكمبيوتر الاقي موضوع ثاني افتحه معاه او هو ينفتح تلقائي يعني
مش مهم نسولف دام مافي سوالف!!

فصار متى ما كنت محتاجه اتكلم معاه بأمر له دور في حياتنا ألقاه حاضر ..
لأنه يعرف اني وقت ما بتكلم !! يعني في شي مهم بقوله.. لأنه مب كل وقت
انا قاعده ما عندي سالفه عرفتي؟

مادري هذا اللي دار في بالي وما ادري هل هو الشي تبحثين عنه من موضوعج

وإنشاءالله البنات ما يقصرون
روحــ لك ـــي
روحــ لك ـــي
مكرر
ام الصالحين00
ام الصالحين00
لاتخافي شيء طبيعي حبيبتي