قوافل النور @koafl_alnor
محررة
الموضوع هنا(الحياة الزوجيه واقع وليس خيال)
بسم الله الرحمن الرحيم
هلااااااا وغلاااااا ومرحبا ألووووووووووف مؤلفه
حياكم يابنات حواء الغاليات
اليوم راح أتناول معاكم موضوع مهم جدا يهم المقبلات على الزواج والمتزوجات
الموضوع كان يشغل بالي والكثير من المتزوجات حديثا ً لكن توني فهمت الموضوع زين وقلت لازم أبلغ الأخوات حتى مايصير لهم اللي صار فيني
ندخل في الموضووووووووع:
الآن يالغاليات أغلبكم مرت بفترة الملكه وكلمها زوجها وبطبيعة الحال رسم لها قصور من الأحلام والخيالات
ومن هالكلام الحلوووووو والغراااااااااام والوحده فينا ماصدقت نسمع بهالسوالف وتستانس وتقول يابختي بعيش العمر كله وأنا أسمع هالكلمات الغراميه :26:
وش هلازوج الروماااااااااااانسي اللي ولا روميو ولا قيس
وبعد الزواج ومع شهر العسل يزيد الحب والغرام أكثر وأكثر ويصير مايبي يجلس الا معاها ولا يكلم غيرها ولايشوف غيرها
مقابلها اربع وعشرين ساعه و طيور الغرام تغرد من حواليهم....وفجأه يرجع الزوج لدوامة الدوام
ويبدأ يخف بالتدريج عن ماكان عليه أيام الزواج والملكه بمعنى يبدأ يخف في الكلام الغزلي ويتوجه للجديه أكثر
فهنا تبدأ الوحده تفتقد هذاك الدلع اللي كانت عليه من قبل ولسان حالها يقول:
ياربي وش غيره؟؟؟أجل هو كارهني؟؟؟صرف نظره عني؟؟؟ماأعجبته ؟؟و....و..... وغيرها من الأسئله
وتبدأ كل شوي تزعل :( منه لأنها لبست لبس ومامدحها مثل الأول أو حطت ميك أب وماقال وش هالجمااال وش هالعيوووون و لا قال أي تعليق وأرسلت له رسايل غرام ومارد عليها
هنا يبدأ دور الشيطان :30: ينزغ في قلب المسكينه
يقول لها شوفي تراه مايبيك ترى عينه زايغه أنتي زوجك مو رومانسي أنتي زوجك مو مثل جميل مع هناء(مسلسل جميل وهناء) ومو مثل الرومانسيين اللي يجون في الأفلام الهنديه روحي شغلي التلفزيون وشوفي الفيديو كليب والأفلام الغراميه والروايات شوفي الناس كيف تعشق خلي زوجك اللي مايحس فيك
وبعدين تلاقي نفسها في دوامه كبيرررررررره
وتصير كل أشوي تسوي مشكله وزعل أنته ليش كذا أنت ماتحس فيني انت ماتدري عني مادري وش اللي شاغلك وماخذ عقلك :30:
ويروح تفكير هالمسكينه وتقول مثل مايطنشني بأطنشه ومابعطيه وجه بأخليه يحس فيني يمكن يفتقدني ومايقصرون الصديقات يملون دماغها بنصايحك باليه وغبيه حبتين
وتكشر في وجهه وماتستقبله زين الناس وينقلب حياتها لجحيم لأنها تبيه يرجع لكلامه الغرامي الأول
وهنا تبدأ تغمض عيونها عن محاسنه وتفتح عينها على عيووووووبه وتشوف الحبه قببببببه
وتبدأ المشاكل اللي هي في عنها ليششششششش لأنها عايشه في وهم الحب والغراااام اللي تسمع عنه في الروايات والمسلسلات
تقول ليه مايقولي أحبك مثل الأول ليش مايجلس يقابلني مثل أول ليش بس متسمر عند شاشات الأسهم ورايح جاي مع أصحابه وأنا ناسيني ولايفكر فيني ولامهتم فيني و...و,,,,,
لكن تعالوا نشوف الموضوع بعقلانيه:
الآن الزوج بعد الزواج كان فرحان فيك وسعيييد بأنك انتي زوجته وحبيبته وشريكة حياته وكان يحاول أنه يعطيك كل حاجه من العواطف والهيام والغرام ولكن مهما كان الجديه لازم تاخذ مسارها في النهايه
لأنه بيرجع للدوام مره ثانيه والدوام مثل ماهو معروف موجالس على كنب وشاي وفصفص وبلوت ويصك صكتين :42: طبعا لا
الدوام كلها موظفين ومراجعين وضغوط ومدير فاتح حلقه اربع وعشرين ساعه بس يصارخ ويعابط وينكد على الموظفين
وأذا أنتهى الدوام وطلع لقي الزحام وحر وطفش فغصب عنه يرجع طفشان ومتنكد وماله خلق للسوالف ويدور غداه ويروح يمد جسمه الهلكان على فراشه وينام ليرتاح
لأنه ليش تعب عالتعب كله عشان خاطر عيون من مو عشانك ؟؟؟ هو يتعب لأنه يبي يوفر لك الراحه ويعطيك الفلوس لتشتري به أجمل الأغراض
شوفي الرجل يعبر عن حبه بهذي الطرق بأنه يكسيك ويعطيك فلوس ويسكنك في أحلى مكان ويشتري لك كل ماتتمنيه ويعطيك حقك في الفراش
لكن أحنا النساء بطبيعة حالنا مايشبعنا غير الكلمات الحلوه وياحبيبتي وياعيوني وحركات و....و....
لكن في الأخير هو لساته يحبك لكن مع الضغوط أنهيار الأسهم الله ياخذ من كان السبب غصب عنه يصير كذا
لكن هنا يجي دورك أنتي
ألتمسي له ألف ألف عذر وأن مالقيتي له عذر قولي لعل هناك عذر ثاني ماقدرت أوصل له
بأمكانك ترجعي الحب من جديد بدهائك وذكائك وأنوثتك
أذا رجع من الدوام هلكان رحبي فيه وأحضنيه وخففي عنه تعبه خلي غداه جاهز وشغلي المكيف في غرفة النوم عشان تكون بارده
ولا بأس من أنك تعملي له مساج خفيف لتريحي أعصابه
وحاولي تكوني له الأم الحنون والزوجه العاشقه والصديقه المرحه
أملي حياته لأن الدور الآن كله عليك أنتي وبس أشعلي الغرام من جديد اعطيه ولاتنتظري منه كلمه أوشكر
أعطي بدون حدود وأحتسبي أجرك عند الله
فاجئيه بحركات جديده ولبس جديد طلعي كلام الحب من فمه
أرسلي له رسايل وحتى أذا مارد عليك كوني المبارده دائما ولا تيأسي
كوني مرحه معاه سولفي وأضحكي وجيبي له قصص طريفه ومواقف مضحكه
تذكري محاسنه دااااااااائمااا واتركي عيوبه
ولعلمكم حتى الزوج يشوف فينا العيوب لكنهم يسكتون عنها مومثلنا بس نصارحه بعيوبه انت فيك كذا وكذا وكأننا أحنا الخاليات من العيوب خخخخخخخخخخ
ولا تصدقين القصص الغراميه والله ثم والله لو تزوج قيس من ليلى كان قد تلاعنوا وتضاربوا وتخانقوا ولا عرفنا لهم الطاري :22:
وهذولا الممثلين والممثلات اللي يبدعون في مسلسلات وأفلام الغرام وراهم مطلقين ومطلقات؟؟؟؟ وين الغرام وين هذاك الحب والحركات ...كلها كذب في كذب
الحياه الزوجيه واقع وليس خيال
مستحيييييييل يكون في الآرض زوجين سمن على عسسسسسسسسل طوال العمر....
لابد من وجود بعض من المشاكل الخفيفه وهذا من الله حتى لانتمسك في الدنيا ونغفل عن الأخره
سعادة حياتك الزوجيه بيدك أنتي مو بيد زوجك
أقرئي وأسمعي في الأشرطه اللي تتكلم عن الحياه الزوجيه
وأنصح بشريط فهم النفسيات بين الزوجين للأستاذ جاسم المطوع
وعالم حواء مليااانه بالحركات اللي تعيد الرومانسيه لحياتك
ولا تنسيــــــــــن الدعاء الدعاء وكثرة الصدقات
الله يوفقكم وييسر أمركم ويسخر أزواجكم لكم ويظهر لهم محاسنكم ويستر عنهم عيوبكم ويوفقكم لكل مايحبه ويرضاااه
عموما أنما أنا بشر قد أصيب وقد أخطيء فأن أخطأت فصوبوني وأن أصبت فقوموني
15
1K
يلزم عليك تسجيل الدخول أولًا لكتابة تعليق.
يااااااااااااااااااااااه!!!!!!!!!!
جردتي الحقيقة من كل ماعلق بها من أوهام وتخيلات!!!!!!!!!!!
هذي هي الحياة الزوجية فعلاً!!!!!!!!
يوم حلو ويوم مر,,,حلاها مايدوم ,,,,وكدرها بعد!!!!!!!
الزواج يحتاج زوجة ذكية,,,وزوج يقدر,,,
أما إن الوحدة تغرق نفسها في حلوووووووووم مالها تالي!!!!!!!!!
ترى تاليتها بتخبط على راسها!!!!!!!!!!
الله يجزاك خير ياقوافل النور,,,لاشلت يمينك,,,
موضوعك رائع فعلاً ووالله إنه يستحق التميز والتثبيت أيضاً,,,,
بارك الله لك في عقلك,,,ومتعك بصحتك,,,وأقر عينك بزوجك,,,,
اللهم آآآآآآآآآآآآآآآآآآآآآآآآآآآميــــــــــــــــــــــــن............
جردتي الحقيقة من كل ماعلق بها من أوهام وتخيلات!!!!!!!!!!!
هذي هي الحياة الزوجية فعلاً!!!!!!!!
يوم حلو ويوم مر,,,حلاها مايدوم ,,,,وكدرها بعد!!!!!!!
الزواج يحتاج زوجة ذكية,,,وزوج يقدر,,,
أما إن الوحدة تغرق نفسها في حلوووووووووم مالها تالي!!!!!!!!!
ترى تاليتها بتخبط على راسها!!!!!!!!!!
الله يجزاك خير ياقوافل النور,,,لاشلت يمينك,,,
موضوعك رائع فعلاً ووالله إنه يستحق التميز والتثبيت أيضاً,,,,
بارك الله لك في عقلك,,,ومتعك بصحتك,,,وأقر عينك بزوجك,,,,
اللهم آآآآآآآآآآآآآآآآآآآآآآآآآآآميــــــــــــــــــــــــن............
الصفحة الأخيرة
ويلامس الواقع بكل خطواته ومراحلة
واكثر شي توقفت عنده
ولعلمكم حتى الزوج يشوف فينا العيوب لكنهم يسكتون عنها مومثلنا بس نصارحه بعيوبه انت فيك كذا وكذا وكأننا أحنا الخاليات من العيوب
مو بس نصارح الا نتجاوز الحدود في المصارحة
وما كذب الرسول صلى الله عليه وسلم
تكثرن اللعان وتكفرن العشير
سلمت اناملك