اكتشفت ان زوجي ....؟؟؟صحيح اني مغفله

السلام عليكم ورحمه الله وبركاته

انا ترددت إني اكتب مشكلتي ...

بس من زود التعب والتفكير حسيت اني ابنجن وقلت لازم افضفض والتمس حلول من حبيباتي بنات حواء

المشكله صارت معي اليوم ...

بعد مانام زوجي بعد العصر ...قفل جواله وحطه فوق طاوله بغرفه الملابس زي عادته اليوميه

دخلت الغرفه وشدني الفضول اني افتح جواله واشوف الرسايل..

شفت رساله مريبه بجواله كلها شوق وغرام...موجهه لبنت .بتقولون وشلون عرفتي ؟؟؟من صيغه الرساله موجهه لبنت ...

زي كلمه تدرين ....

المهم اخذت الرقم وخزنته بجوالي ودقيت عليه كذا مره بس محد يرد ابد

المهم وقت المغرب رحت اصحيه ...

ودخلت المطبخ وتذكرت اني كاتبه رقمين شاكه فيهم لقيتهم بجواله ...رحت شفت الورقه والقى واحد من هالارقام نفسه اللي كنت ادق عليه اليوم

واتذكر اني كتبت الرقم عندي لأني شفت مرسل لهالرقم رساله بعد مريبه ..

وتأكدت انها بنت ...بس مو ميه بالميه ..ماراح اجزم وافاتحه بالموضوع الا لما ترد علي واتأكد انها بنت

على فكره دقيت على الاستعلامات عشان اسأل عن صاحب الرقم بس رفضوا لأنه ممنوع

وان الحين قاعده اتعذب احس ان ابولد من المغص اللي يجيني ..ان حامل بشهري الاخير

وفيني غثيان وماني مشتهيه شي ...

مكنت اتوقع بيوم ان زوجي يسوي كذا ...كنت واثقه فيه ثقه عمياء ...وهذي نهايه الثقه الزايده
تكفون عطوني حلول الله يخليكم

اللي ترد علي وتعطيني حل راح ادعي لها من قلبي ....

الله ينول اللي في بال كل وحده ترد علي وتعطيني حل ارجوكم ؟؟؟

شاكره لكم مشاركتكم سلفا ..