هلا حبايبي التاجرات

اممم لاحظت ان احنا كتاجرات ما نعرف عن بعض شي الا ان فلانه تبيع الشدو المخملي

وفلانه تبيع الديرماكول .... وفلانه تبيع نقابات و....الخ

لكن مافي بينا حوار وسوالف

شو رايكم لو نخلي هاي الصفحه نتعرف فيها على بعض

نسولف ... نضحك ... نتكلم عن نفسنا وعن المواقف الطريفه اللي تصير لنا

وليش دخلنا هالماجل

وهل نحن مستمتعين

مادري اذا توافقوني ع فكرتي

ودي نتعرف على بعض اكثر تاجرات المنتدى بغض النظر عن البلد من اي مكان مب مهم

المهم تجمعنا هوايه وحده او مهنه وحده هي التجاره في النت


ياريت اللي يردون هم التاجرات بس وياريت فعلا تتوثق علاقتنا ببعض اكثر

ونقوي روح المنافسه بينا ونتعاهد على ان نحافظ على اخلاقيات المهنه يعني مافي تاجره تظرب تاجره ثانيه .... مثلا لو تاجرتين يبيعن منتج بسعر معين ودخلت تاجره ثالثه ما تعفد جذيه وتحط سعر يدمر التاجرتين اللي قبل يمكن هم شارين غالي وهي يت وحصلت نفس البضاعه بسعر وايد ارخص

على الاقل يكون بينا اتفاق وتشاور وندور على مصلحة بعض

شو رايكم


انشالله تعيبكم فكرتي
فكره رائعه حراير دبي
انا تعرفت على اكثر من تاجره لاني كنت زبونه عندها
بس الأغلب ما أعرفهم وودي اتعرف عليهم
وبالتوفيق للجميع يا رب
اللهم إني إستودعتك أطفالي يا من لا تضيع ودائعه

مشكوره يالغلا
وفكره حلوه ونتمنى من التاجرات أنهن يدخلن ويسولفن عشان نتعرف عليهن

بسألج سؤال إختي حراير دبي إنتي ليش دخلتي هالمجال؟؟
والله فكره حلوه

نفسي اتعرف عليكم كلكم ^_^

بس شو اقول الحييييييييييين هههههههههههههه

تورطت يلا قولن شي *_*
فكره حلوه ونحتاجها
يعني فعلا نحتاج (كوفي شوب التاجرات) عشان نطلع شوي من جو التجاره ونسولف مع بعض

الصراحه تعرفت على اكثر من اخت من خلال المنتدى بعضهم اصبحوا صديقات لي وبعضهم مجرد زمالة وعلاقة تجارة او عمل لا اكثر

بالنسبة لي دخلت مجال التجارة في الانترنت بسبب الفراغ لانه قبل ما اتزوج كنت بالامارات اشتغل دوامين وتزوجت وجيت السعوديه وما اشتغل جالسه في البيت ومتزوجه جديد يعني ما عندي شي انشغل فيه وزوجي يشتغل 9 ساعات فقلت لازم استغل هالوقت الفراغ منها اقضي على وقت فراغي وبنفس الوقت يكون الشي مفيد لي ولزوجي بالاضافة طبعا للرغبة في التجارة واني اصير تاجره لكن الماديه ما تسمح اني افتح محل وغيره فنبدى بالبسيط لعل وعسى بيوم من الايام ربنا يوفقنا ونكبر شوي شوي

طيب شو بعد تحبونا نتكلم فيه !!


الساعة الآن 01:57 .