اقتباس مشاركة  (نجمة الفجر 2000)
السلام عليكم الغاليات

اكيد حرام هذا اللي يصير بس الغاليات انتو تكمتوا من جانب واحد وانا معاكم ان احسن حل للتاجرة هو الدفع مقدم بس بعد شي بنات الله يهديهم يتعرضون على البنات انهم تاجرات ويقدرون يوفرون اغراض معينة بس للضمان تطلب ان البنت تدفع لها مقدم وبعدين تختفي فجأة البنت وبدون سابق انذار وكأنها تقول حق اللي كانت طالبها منها اغراض ودافعه لها (( راحت عليك يا صاحبي )) والبنت حليلها لا اغراض ولا حتى فلوس فكيف تمنعين مثل هذيل النصابات من انهم يتخفون ورا ستار الدفع مقدم من انهم يقصون على البنات شو تسوون تجاههم

والله انتوا لو ييتوا علي انا اقول ان انسب شي ان الزبونة تدفع نص قيمة الاغراض مقدم وعند تسليم البضاعة يتم تسليم باقي المبلغ المستحق على اساس لو لا سمح الله صار في نصب من جهة الزبونة نعزي نفسنا والله هي دافعة نص قيمة الاغراض ولو صار نصب من جانب التاجرة نفس الشي نعزي نفسنا ونقول والله ما دفعنا غير نص القيمة

ادري ان رايي شوي غريب ويمكن ما يعجب الاكثرية بس هو اولا واخيرا مجرد راي

على العموم الله يهدي الجميع ويوفق الجميع ويسر الخير للجميع ان شا الله دنيا واخره

@ اختكم في الله @
أعتقد مصداقيتها بأكثر من شي... يعني أسم التاجرة رقم تلفونها .. عنوانها.. رقم حسابها . كلهم بيكون عند الزبونة ...و.هذولي اكبر ضمان

والتاجرة الامينة ..تريد أن تكون ثقة في تعاملها وماتبغى تخسر زبوناتها ..صح ولا لا..

لكن اذا التاجرة بتعطي بس لقب او ماتبغى تعطي معلومات فهنا على الزبونة انها تنسحب فالنصب وارد..

وحصل لي موقف الاسبوع الماضي.. بنت من الرياض طلبت 3 فساتين سهرة وملحقاتها... فلما ابغى ارسلهم لها رفضت تعطيني اسمها الكامل!! ورفضت تعطيني عنوانها الكامل !! ورفضت تعطيني رقم تلفون ولي الامر او حتى تلفون البيت!!
وهنا وقعت في ورطة مع شركة الشحن يعني لازم المعلومات حتى يوصل اغراضها فأضطرت الشركة توافق على الاسم الاول فقط ورقم الجوال !!


بالنسبة لنص القيمة ..صعب بالنسبة لي لان الطلبات احيانا توصل لـ50 الف ريال ..فمن وين ادفع 25 الف ريال ؟... فنصيبي هو من العمولة اللى تجيني فقط... وحتى العمولة تروح على من بعض اللى ماعندهم امانة

ومشكورة ياغالية على المشاركة
.
25-05-1427 هـ, 08:06 مساءً
 
اقتباس مشاركة  (مليكة القلم)
جزاك الله خير

وافضل شيء لضمان حق التاجره والمشتريه انه التاجره تقبض الثمن مقدم وانه المشتريه تبحث عن التاجره الثقه وتستخير قبل ما تشتري اي شيء وربنا ما يضيع حقها ابدا باذن الله

والله المستعان

كلامك 100%.. ومافي افضل من أهل الثقة وقبل كل شئ الاستخارة

ومشكورة حبيبتي على المشاركة والرأي الطيب
25-05-1427 هـ, 08:14 مساءً
 
اقتباس مشاركة  (الـــحـ دبدوب ــب)
والله صاجه ياام صهيب

بس شنونسوى وربى ساعات وحدة تغث تطلع لى من بين ناس عسل من صج

بس الحين صرت اخذ مقدم بصراحه تحملت خساير وتعب وتعطيل مصالح علشان مصالح وهم ولايبين بعيونهم

خليها على ربج

والله يوفقج بالمركز ويعطيج على قدنيتج الصافيه
كلامك صحيح... اعتقد مايحسون بتعبنا ..صدقوني الرزق الحلال مايجي الا بالتعب والركض.. والا فالحرام سهل اعوذ بالله منه

فالتاجرة اللى تتحرى الحلال تتعب أكثر .. فحرام يروح تعبها بعدم أخذها حقها

ومشكورة ياغالية على الدعوة الطيبة وجميعا يارب
25-05-1427 هـ, 08:21 مساءً
 
اقتباس مشاركة  (رشفة حنين)
السلام عليكم

طبعا ضروري يكون مقدم

اولا التاجره بتكون مضمونه لسبب واحد
انو ماحتخسر زباينها وتنصب على البنات عشان كم طلب

بس الزبونه ممكن تطلب اغراض وترجع بكلامها

وهنا خساره على التاجره

بس الدفع مقدم مريح
وعليكم السلام ورحمة الله وبركاته

كلامك 100% فعلا التاجرة ماتبغى تخسر زباينها وتنصب على البنات ان كانت تاجرة مضمونة وهذا هو الاساس ... يعطيك الف عافية

لكن لما الزبونة ترجع في كلامها هنا مصيبة.. خاصة ان البيع والشراء مو لعبة

الف شكر لك ياغالية
25-05-1427 هـ, 08:49 مساءً
 
اقتباس مشاركة  (كوكيتاا)
صادقه والله يا ام صهيب انا صارت لي مره واحده ولله الحمد وكثير اتعرض لنفس الموقف يطلبون ارسل الاول وانه
وش يضمنهم توصلهم اولا ومن هالكلام بس اللي ماتثق فيني لاتتعامل معي مو ضروري لان المؤمن لايلدغ من جحر مرتين قررت
انه الدفع مقدم اضمن لحقي
واعتقد اي تاجره ماتبي تخسر سمعتها عشان كم ريال وهي اللي تحاول الليل والنهار تزرع الثقه
بينها وبين عملاءها
اقتباس مشاركة
واعتقد اي تاجره ماتبي تخسر سمعتها عشان كم ريال وهي اللي تحاول الليل والنهار تزرع الثقه
بينها وبين عملاءها
جملتك هذه هي اساس امانة كل تاجرة صادقة مع نفسها والاخرين.. الله يوفقك

ومشكورة حبيبتي على الرد الطيب
25-05-1427 هـ, 08:57 مساءً
 


الساعة الآن 08:26 .