عجبني موضوعك بس المشكلة طولي من طولك بس وزني 55 والترهلات ما راحت بعدالولادة وحاولت من زمان وانا ماشية على برنامجك وما صار شي فتركت ورجعت اكل كل شي ....ادعيلي
صباح الخير ....
ريموني حبيبتي ... في أطعمة بالفعل مضرة ومافي منها فائدة للجسم وممكن تلاقي مكوناتها نفسها بأطعمة مفيدة ... يعني المقالي جدا مضرة لا وفيها مواد مسرطنة كمان .... ممكن تستعيضي عن الدهون اللي في زيوت القلي بزيت الزيتون في السلطة ... المعجنات كمان ممكن تعوضي نشوياتها بالبطاطا المسلوقة والخبز الأسمر الكامل .... الحلويات مكونة من سكاكر مصنعة جدا مضرة وبتأثر على عصبية الإنسان وصحته ... ممكن تعوضيها بسكاكر الفواكه والعسل ...
كليوباترا .... الشااااااااااااااااااااااام .... دخيل الشام وأهلها ... يا حبيبتي نحنا قلنا أنو البرنامج مانو سحر .... واللي ظهر عبر السنين بجسمك مارح يروح بيومين .... بدك تطولي بالك شوي ... بعدين هذا نمط لحياة صحية أكتر ولازم كلنا نتعلمه ونتعود عليه .... كل دول العالم هلق عمتغير أنماطها الغذائية والحياتية من أجل صحة أفضل ولتجنب الأمراض والسرطانات والذبحات القلبية اللي كتييييييييييير عمتزيد مع زيادة الحضارة والتطور وزمن السرعة ... الله يكفينا ويكفيكم شرها ...
نصيحة اليوم : السمك .... السمك .... السمك .... من أفضل الأغذية للجسم ... ويفضل تناوله بالفرن مع زيت الزيتون ... وليس مقلي .... حاولي تستبدلي وجبة العشاء بطبق شهي من سلطة الفواكه ... ولا مانع من إضافة شوية كريمة ( ملعقة صغيرة ) ... وإذا مابدك سلطة الفواكه وبدك تتعشي عشا نظامي يفترض يكون العشا قبل موعد النوم بـ 4 ساعات على الأقل لتجنب ظهور الكرش ...
العاصي : نهر يمر بمدينتي الغالية حمص في سوريا
السلام عليكم

ما شاء الله تبارك الله، تسلمين عالموضوع جدا مفيد و عالمفضلة على طول و باحاول اطبق معاكي ان شاء اله، بس عندي سؤال: كيف ننقع القهوة المطحونة؟؟ ما فهمت هالنقطة، من فضلك اشرحيها لي
مراحب يا صبايا .... اشتقتلكم ...
دافنشي كود ... حلو الاسم ... حبيبتي جيبي شوية بن مطحون ونقعيه بنص كاسة ماء ساخن شي نص ساعة بعدين صفيه من الماء واستخدميه ... النقع عشان يطرى البن ويصير أسهل بالاستعمال وتطلع منه المواد المفيدة ...
نصيحة اليوم : تمرين مفيد جدا لشد الأرداف ... قفي مقابل الجدار .. خلي وجهك للجدار ... مدي ذراعيك للأمام واسندي كفيك عالجدار ... ثم إبدأي برفع ساقك اليمين إلى الخلف ... ارفعيها إلى أعلى قدر ممكن ثم أنزليها ... يجب أن تكون مشدودة ومستقيمة .. لا تثني ركبتك ... كرري العملية مرة ثانية مع الساق الأخرى ... وهكذا .... وحاولي تعملي التمرين أكبر عدد ممكن من المرات ... بأي وقت من النهار ... إنتي وعم تطبخي وتنظري الأكل عشان يستوي ... وقفي قدام جدار المطبخ وسوي التمرين ...
العاصي : نهر يمر بمدينتي الغالية حمص في سوريا
الله يبارك فيكي أختي بنت العاصي، تسلمي يا جميلة على الشرح و على النصيحة الجديدة

كملي يا غالية و احنا متابعينك


الساعة الآن 08:00 .