السلام عليكم و رحمه الله و بركاته ...


اخواتي في المنتدى ....



حبيت اسلم عليكم و اقولكم في موضوع في خاطري اقولكم اياه و لا حظته وايد .... يمكن في حد مثلي لاحظه بس ما سنحت له الفرصه انه يعبر عنه ... و بعدين في شي ثاني ... في بنات يحاولون انهم يبيعون في المنتدى و بضاعتهم تاخذ وقت ايدورون و يصورون و يجهزون كل شي و في المقابل زيارات على الموضوع .... ما تحاول انها تجرب من عندها و تشوف بضاعتها ... ما تجبر بخاطرها بكلمه حلوه بس كلام ايضيق بالخاطر...!!!!!!
بنات اعطوا غيركم فرصه جربوا منتجاتهم .... شاركوهم بكلمه او بابتسامه حلوه منكم ...
حتى الكلمه الزينه اتشجع البنت على انها تحاول ... مش لازم تكون محرره علشان الواحد يشتري من عندها او يمدحونها البنات .... .
لازم نحاول نعطي غيرنا فيرصــــــــــــــــــــــــــــــه للدخول في عالم التجاره ...
و شي ثاني من اللي لاحظته يا اخوات انه كثرت المشاكل في المنتدى يعني ما كانه نتعامل ويا خواتنا....

ليش بنات !!!!! ما يصير جذيه .... التجاره مش بس منتجات بيع و شرا .... اهم الشي ايكون في تعامل من بيننا ... لازم نكسب بعض ... لازم ايصير اخذ و عطا ......

حبوبات .... الدنيا ما تستاهل ... لازم نتحد و نخلي هذا المنتدى رائـــــــــــــــــــــــــــــــــــــــــــع .....

مندوبتي في السعوديه لبخاخ السيقان ام الطموح
تسلمين اختي على هالموضوع الحلوو
فعلا لازم انكون خوات قبل كل شي وانشجع بعض
تسلمين يالغاليه على المشاركه

مندوبتي في السعوديه لبخاخ السيقان ام الطموح
صح اللسانك والله
تسلمين على طرح هالنقطه (لانه فعلا انا الاحظ البنات مايثقون في اي واحده مشاركاتها
قليله ليش ؟؟؟؟؟
ما اعرف
هل الثقه تنبع من عدد المشاركات ؟؟؟؟مو مقياس !!!!!
لا وبعد في شي اذا كانت جديده التاجره واخذت منها شي حتى لو عجبها ماتكلف خاطرها وتنزل مو ضوع عشان تقول تجربتها مع هالتاجره !!!مع انها بامس الحاجه لتعليقات البنات !!!
حتى البنات الثانيين يستفيدون ويتشجعون يتعاملون معاها !!!
انا مثلا ....
اعتبر نفسي جديده في التجاااره لي شهرين والحمدلله بعت للبنات كثير لكن مشكلتي قليل منهم اللي علق على بضاعتي نفسي اعرف ليه يرسلون لي على الموبايل مشكوره وماقصرتي
اغراضك حلوووه !!! طيب وبعدين ؟؟؟؟؟؟؟؟
ليش ماتعلقين داخل المنتدى ؟؟؟؟!!!!!
طبعا ما اقدر اشمل الكل بهالموضوع بس والله الاغلبيه وقله قليله جزاها الله كل خير
من غير اي تذكيير منك من نفسها اتفاجأك بطيب اخلاقها
صح السانج والله

واللي ما عنده شي يسكت احسن
إما تقول شي طيب أو تسكت وما تكسر بخاطر حد

الله يوفق الجميع ان شالله
أَعْجَزُ النَّاسِ مَنْ عَجَزَ عَنِ اكْتِسَابِ الاِْخْوَانِ، وَأَعْجَزُ مِنْهُ مَنْ ضَيَّعَ مَنْ ظَفِرَ بِهِ مِنْهُمْ.


الساعة الآن 05:41 .