صبــــــــاح الخير يا وردات .. أدري داشة من وقت :hahaha: ..
بس شو نسوي .. هذه الإجــــــــــازة .. والله كريـــــــــم ..
شخباركم .؟؟
عساكم طيبيـــــــــن
:30: يالسيــن تقولون هذي ليش تطوّلها وهيه قصيرة !!
بس شو اسوي ..
.. مب عارفة كيف أبدأ ..ومالي غيركم حبيباتي وخواتي في الله بنات حواء ..
المهم بندخل في صلب الموضوع ..
في ناس يبون يخطوبي لولدهم .. طبعاً عن طريق اختي الكبيرة ..
لأنه هالناس نحن ما نعرفهم وساكنين في منطقة ثانية غير اللي نحنا ساكنينها ..
بس نوعاً ما مب بعيد ..
المهم هم كلمـّـوها عشان يبون يخطبوني لولدهم .. والمشكلة إن اختي مب من النوع اللي تسأل
يعني انا تقريبا ماعرف كم عمره .. بس هو مب وايد اكبر مني ..
واختي تبرد عندها السالفة احياناً .. واخواني الله يهديهم يا رب ويسامحهم ..
يوم ايي واحد يخطب .. ما يسألون وايد عنه .. كله تلقونهم مشغولين في حالهم
الله يهديهم
يعني يا دوب يسألون عن الشخص عن فلان .. او علان وخلصت السالفة عندهم
يعني ما يتطقسون وايد .. أنا اشوف ان الواحد لازم يسأل ويسأل وايد .. يسأل إمام المسيد
يسأل الجار .. يسأل الزميل في العمل .. راعي البقالة .. اي حد ..
يعني مب معقولة اسأل عن واحد عند ناس يعرفونه .. وهم يدرون انه خاطب ..
أكيد بيقولون ان فلان زين وحشيم ..
بس هذيلا اخواني .. والحمدلله على كل حال ..
المهم .. اللي صار ..
اختي كانت تقول لي هم وايد سمر .. درجة لونهم يعني .. وانا ما كنت فاهمه قصدها
لأنها ما تتكلم وايد .. وما تشرح وتفصـّــل .. كلمتين وخلاص ..
والوحدة في حالتي تستحي تسأل .. بيقولون شو فيها ملهوفة على العرس !! :eek:
بس انا لا ملهوفة ولا شي .. انا عمري 21 .. وسني سن زواج .. والوحدة استر لها تتزوج
الدنيا ما منها أمان .. وانا والله ودي بواحد خلوق يعينني على طاعة ربي وسبحان الله محد يدري
يمكن هذا الشخص يكون السبب في دخولي الجنة .. طبعا مب السبب الرئيسي .. كل شي يبيد الله
بس اقصد بإعانته لي .. يرشدني للطريق الصح ..
الناس قالوا يبون صورتي .. وهم بيعطونا صورة الولد يعني عشان اشوفه ويشوفني ..
بس امي رفضت رفض قاطع .. وانا بعد ما حبيت الفكرة ..
وهذا الانسان محترم جداً مثل ما يقولون وخلوق ووظيفته وايد زينة ماشاء الله
فتقرر اني مثلا اسير بيت اختي وهم يزورونها .. ووقت المرواح هو ينزل مثلا ومن بعيد اشوفه ويشوفني
لكن تغير المخطط فجأة فجأة .. وكنت على عماي وحليلي ..
اختي دقت لي مرة وقالت لي بنسير مركز تسوق وتعالي ويانا .. وانا على ويهي .. ماحطيت شي في بالي
في المركز شفت اهله (خواته وامه) وما كنت ادري انه هم هذيلا ..
بس كان عندي احساس قوي انه هم هذيلا الناس ..والمكان اللي كنا واقفين فيه كان خالي تماماً
يعني بس انا واختي وعيالها .. وهم .. وفجأة لمحت واحد ..
وانا من عادتي من سابع المستحيلات التفت لواحد او احط عيني بعينه او اشوف شكله حتى :arb:
فلمحته من بعيد بس .. وحسيت ان هذا الشخص غير عن الشباب ..
يعني ما كان يطالع .. بس التفت شوي .. يوم صديت صوبه .. صد الصوب الثاني
يعني بما معناه حياوي ومحترم .. ما حسيت انه من النوع البصـّـيـص ..
بس الله اعلم
بعد يومين سألت اختي اذا هم هذيلا الناس اللي يبون يخطبوني .. فقالت لي ايوه ..
قالت لي شفتي اخوهم .. قلت لها مب متأكدة .. يمكن
قالت لي ما لاحظتي انه وايد وايد اسمر !؟ :09:
قلت لها هيه لاحظت ..
بس شو بستفيد اذا خذت واحد وسيم لكنه ما يحترمني ولا يقدرني ..
واخلاقه مب ذاك الزود !؟؟؟
قالت يعني عادي عندج ؟
مثلاُ ما بتتأثرين باجر بلون عيالج اذا صار نصيب ..
مادري شو اقول ..
انا يهمني الجوهر اكثر من المظهر .. خصوصاً ان هذا زواج ..
والرسول صلى الله عليه وسلم قال إنه إذا أتانا من نرضى بدينه وخلقه نزوجه ..
بس افكر .. يمكن باجر احسس من الموضوع اذا حد من اخواني عيّب عليه ..
او رفيجاتي قالوا ليش خذتي هذا انتي وايد احلى عنه وماعرف شو ..
انتوا شو رايكم ؟؟
أنا اشوف انه ممكن تعطوني حلول أو آراء عين العقل ..
فلا تهملون الموضوع الله يخليكم
the sun light .. مشكورة اختي على الرد وجزاك الله خير