ابي طريقة...المحمر الي هو رز بسكر...وفوقه بيض...ابغى طريقه مضبوطه....والله يجزاكم خير
03-06-1427 هـ, 05:43 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
المحمر عندنا بسكر بس ينأكل مع سمك

المهم بعطيك الطريقه

تاخذين السكر على حسب الذوق وتحمسينه الى ان يصير اشقر او عسلي غامق بعدين تحطين عليه الماء وتخلينه يطبخ,,,طبعا انتي كنتي غاسله الرز ومنقعته وبعد مايطبخ الماء تكبين الرز عليه وتخلينه الى ان يستوي...


وانا اكتب لك طريقة المحمر فكرت تقولين بيض عليه ...لايكون تقصدينالعصيده؟؟؟
من كوناتها الطحين..
04-06-1427 هـ, 09:25 صباحاً
 
المحمر عندنا بسكر بس ينأكل مع سمك

المهم بعطيك الطريقه

تاخذين السكر على حسب كمية الرز
وتضعينه في الجدر (( القدر )) الى ان يصير اشقر او عسلي غامق
بعدين تحطين عليه الماء وحاسبي وانت تضعين الماء لانه يرفقع
وتخلينه يطبخ,,, مع دارسين وحبة حلوة (( الشمر )) وقليل من اليانسون (( كله حب )) وهيل
طبعا انتي كنتي غاسله الرز ومنقعته وبعد مايطبخ الماء تكبين الرز عليه وتخلينه الى ان يستوي...
وقبل الاستواء الكامل تشخلينه في المشخال


تضعين الدهن او السمن البلدي في الجدر ومعه شوي هيل حب ولما يسخن
تخلطينه مع الرز اللي في المشخال وتضعينه على نار هادية لحد ما يستوي


ممكن تعملين له خلطة جميلة وناشفة من الربيان الناشف او المجمد
او من التنونه في قاعة القدر مثل المشخول
وتقلين بجانبة سمك وصالونه السمك (( المطفي ))



اما انه بالبيض ممكن تقصدين (( الشعيرية )) البلاليبط وهي تأكل مع البيض
والبلاليط يطبخ بالسكر

وبالهناء والشفاء
04-06-1427 هـ, 09:37 صباحاً
 


الساعة الآن 06:34 .