السلام عليكم ورحمة الله وبركاته

حبيت اكتب هالكلام اللي فعلا مضايقني وايد ومتعبني وما توقعته من البنات

انا يا بنات ابيع الشدو المخملي وبسعر حلو والتوصيل مجاني وين ما كانت البنت والله محد مثلي

من التاجرات (اسمحولي يا التاجرات ) يوصل ببلاش لاصار ولا استوى مثل هالشي

يعني انا اللي ادفع رسوم الأرامكس ويوصلها للبنت اللي تبي الشدو واخرتها تتصل وتقول

ما وصلني ومتى بييني وليش تأخر شو ذنبي انا عالأقل كلمة حلوة ما سمعتها منها حتى

مشكورة وتسلمين ما سمعتها ولا حتى حطت موضوع وشكرتني فيه والله مستغربة

حتى كلمة يعطيج العافية ما سمعتها ابدا ليش وين ساروا بنات البلاد وشو اللي استوى فيكم

والا ناس وناس ترى ناس عن ناس تفرق مو كل نجمة في السما تبرق

وليش هذا جزاة المعروف انا خلاص بترك هالشغلة لأني فعلا تعبت وايد وتعبت زوجي عندي

المسكين ما خلا مكان ما طرشته لين ما قالي والله ما تسوى علينا هالشغلة صدق بهدلة

وغير بنات الخليج اللي حجزوا عندي وسرت اييبه واللي قالت لي خلاص ما اريده

واللي للحين كل يوم تقولي بكره بدفع وانا يالسة اترياهم صدق ما عندي سالفة

واللي توصلها تقولي مكسورة واللي تذمر واللي تشتكي من التأخير يعني اذا كان عن طريق

الشحن وانكسر شو اسوي وشو بيدي كيف اقدر اعوضج وشو الحل

انا موقاعدة اشحت من حد انا اترزق الله حالي حالكم بس ليش هالتعامل اللي يلوع الجبد

والتعامل الجاف هذا اللي بغيت اقوله وسلامتكم انا ما اقصد حد معين انا اقصد البعض

مكنم لكن الشكوى لغير الله مذلة بس الله يسامحهم ...

فدييييييييييييت ج والله
الله يعطيك العافيه على هالكلام بس يالغاليه ليش تشيلي تكلفة الشحن عليك كذا وش الفايده هذا من ناحيه ومن ناحيه ثانيه خلي عوضك على الله ولاتخلي بعض مواقف تيأسك ترى الكل مر في مواقف صعبه ومحرجه استهدي بالله والتجاره فيها اهم عامل هو الي اوله شرط اخره نور
مافي شي يستاهل ولا تضايجيييييييييي ين
الصرااحه ما اعرف اقولج غييير هذا اوقات عصيبه وانت شكلج متروووسه من الاول والصراحه معااج حق انت اسعارج وااايد حلوه وفووووووووق هذا كله اتوصلييين مجانا
سؤال انت شواللي تربحينه
اخافج بس اتحطيين من جيبج بعد
حبيبتي ****لله بتهدييين وبتتراجعيين عن هالقرار الخاطئ
ويا بنااااااااااااا ت صدق اللي تشتري شي من التاجره اقل شي تشكرها او تمدح البضاعه عسب البنات يتشجعوون ويشتروون ويثقوون فالتاجره
بس في بنات فيهم الخييير وما قصرووو مع بعض التاجراااات
(وفي بنات فالحيييييييييين بس يجعمووون التاجره ويخربووون عليها الله المستعااان)
ولج يا اغلى عمر كل التقدير والاحترام مني انا ماشفت منج غيييييييير كل خييير وسمعتج ماشالله ما عليها كلام
ما عليه يا أختي خلي اللي تسوينه لوجه الله و لا عمرج تتريين شكر من البنات ... انتي بيضتي الويه و كلن بيتكلم و بيقول حسب تربيته بصراحة ..
بقولج موقف مع وحدة سعودية ماشاء الله عليهاااااا
طلبت مني 5 غراش دخون و 2 عود ...
و انا غلفت و سويت اللي علي و حطيت جرايد و غيرها و طلبت منهم يحطون ملصق قابل للكسر
المهم وصل للحرمة 3 غراش مكسورة من الشحن و انا ما كنت ادري و ذيج الساعة خلاص وقفت بيع الدخون ... اتصلت فيني الحرمة تبا تطلب طلبية كريمات حليلها و هي تضحك تقولي ترا غراش الدخون وصلوني متكسرة 3 غراش .... و الله بطريقة غمضتني و بأسلوب حسستني بخجل كبيييييييير .... و لو كان عندي جان طرشتلها بس انا وقفت تعاملي ويا الحرمة اللي تبيع الدخون ...

المهم المقصد من الكلام ان الناس اجناس
و الشدو االلي وصلهم مكسرين تراه مب منج انتي سويتي اللي عليج
و صدق غميضة جان بعتي لبنات الامارات احسن من الشحن و بلاوي الشحن
لان الشدو مش متوفر في كل مكان و مطلوب خص انه مقطوع من السوق حاليا ...

الله يعوض الجميع بكل خير ....
و ربي يوفقج دوم يارب


الساعة الآن 03:51 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 2016 Hawaa Forum, Co.