Analysis Services
ساعدوني الله يوفقكم

ابي التفصيل الممل لطريقة القرصان ابيها بكرا على الغداء
06-06-1427 هـ, 07:43 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي يالغلا ولا يهمك اسهل مافيه القرصان اول شي يعتمد على الكمية انا بحكي لك كانك تسوينها لك ولزوجك ولثنين نفر زيادة<===هاو وراها قلبت هندية

الموهيم تاخذين بصله متوسطة واربعه فصوص ثوووم وتشوحينهم مع شوي زيت لحد ما يتحمرون مزبوووط ويصير لونهم على بني فاتح وبعدين تجيبين اللحمة افضل شي هبرة نعيمي مقطعة قطع كبر الثلاثة اصابع..


وبعدين يا قمر تشوحين اللحمة مع البصل لحد ما يتغير لون اللحمة وبعدين تكونين مجهزة بخلاط الطماطم ثلاث طماطمات متوسطة وتخلطينهم مع شوية مويه.. وملعقة صلصة..


وتتركينهم يطبخون مع اللحمة لمدة ساعه وبعدين يا عسل...


تحطين عليهم مكعب ماجي وملح وفلفل اسود وبهارات مشكلة.. وكزبرة مطحونه وعن نفسي احب احط خولنجان.. وشوي قرفة وليمون اسود<===شوي

وبعدين قطعي خضار قطع متوسطة عبارة عن فاصوليا و لوبيا وكوساء وجزر وقرع.. ما انصح بالباذنجان لنه يمرر القرصان ويسودها والبطاطس ما ينحط في القرصان نهائيا..

واتركيهم يطبخون وطبعا حطيهم حسب الي يبغا طبخ اكثر يعني الفاصوليا والجزر او وبعدين القرع و واخر شئ الكوسا.. واذا استوو الاك ك مولمة القرصان كسريهم وحطي طبقة قرصان وصبي عليهم بملعقة الغرف مرق وموية المرق وهكذا بس اهم شئ والي تعتمد عليه القرصان الكشنة وهي انك تجيبين اذا قرصانك شويه ست بصلات وتقطعينهم بيدك مو بالفرامة وهذي نقطة مهمة قطع صغيرة عادية وتولعين عليها القدر من اول ما تبدين في القرصان لانها تحتاج لوقت تطبخ وحطي عليها زيت وكثري وانا بصراحة اذا بيجيني ضيووف احط زبدة لانها تخلي النكهة واااااااااااو.. واتركيه يطبخ لحد ما يذوووب البصل ويصير ناعم يعني حدود الساعه طبخ وانتبهي لايحترق.. واذا طفيتيه حطي عليه شوي ملح وبهارات وكثريها وفلفل اسوود وكزبرة مطحون وبعدين خلخلية بين الطبقات وخليه على نار هادية وانتي مغطيته لمدة ربع ساعة واذا جيتي تقدمينة تكونين مقطعه بصل ابيض قطع صغيرررررررررة مرة وراشتها بشوي فلفل اسود وخلخليها بينه برضوووو<=== هذا سر قرصان امها الي الكل ينجو عليهاااااا

بس يا عسل ..انتبهي لا تزيد مويتك ولا تنقص انتي وانتي تبلين القرصان حركيها واذا شفتيها تبي مرق زودي وان شفتيه ناقعة المرقة في اسفل القدر زودي قرصان وان شالله من يدينك بتطلع احلى قرصان..


دعواتك يالغلا لي هماه.... وتراني باحتري باتسر على الغدا حافظة قرصان لو صغيرة ذواقة...
06-06-1427 هـ, 08:09 مساءً
 
مشكووره حبيتي والله يجزاك الف الف الف خير ولا حرمنا الله من أمثالك
06-06-1427 هـ, 10:07 مساءً
 
ما اعرف طريقته
بس دايم اوصي عليه من عند ام محمد
اكلها يجنن...اذا طبقتي الطريقه قوليلنا النتيجه
07-06-1427 هـ, 12:41 صباحاً
 
هلا بنت ابوها وصلتني رسالتك على الخاص بس مع الاسف طلبك ما اقدر انفذة..

واي استفسار عن الطريقة انا حاضرة لك سواء هينا بموضوعك او بالخاص وحياك الله اختي..
07-06-1427 هـ, 01:45 مساءً
 


الساعة الآن 10:01 .