السلام عليكم
اخواتي تكلمت في مره عن شركة ايلايت..وقلت انه احدى التاجرات ارسلت لي اغراض من ابوظبي ..لابوظبي والمستلم كانت صديقتي
اللي صار انه التاجرة تقول انها ابرت ذمتها وارسلت الاغراض عن طريق الشركة تقريبا من ثلاثة اسابيع ..لكن ربيعتي ما استلمت اي شي من الشركة ولاحد اتصل فيها ..كلمت التاجرة وقالت انها دقت للشركة وقالولها خلاص الحرمة خذت اغراضها وهذا الشي ما صار

الحين انا ما اشكك في صدق التاجرة نهائيا الحرمة محترمة وخلوقة..وواثقة من صديقتي
بس بالله عليكم شو اسوي ..قلت للتاجرة عطيني وصل ارسال الشحنة وانا بتفاهم وياهم ..
او بشتكي عليهم ...لكن للحين ماردت علي خبر..وهي تقول ابرت ذمتها (انا ابا الوصل) يعني كيف اخذ حقي بدون وصل

انا اخاف اتصرف اي تصرف يزعلها مني ..يعني ما ابغي اسوي مشاكل ويا الشركة وبعدين هي تزعل مني..لانه ربيعتي بتسير ابوظبي هذا الاسبوع


الحين شو الحل ...انا ابي الاغراض بسرعة وضروري..
ابي مشورتكم
08-06-1427 هـ, 03:47 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ان شاء الله ربنا يوفقك وتلاقين حل ياقمرايا
08-06-1427 هـ, 03:52 صباحاً
 
حاولى انك تأخذين الوصل منها بأى طريقة
لكن يارب يكون لا يزال معها و لم تتخلص منه
08-06-1427 هـ, 04:06 صباحاً
 
هلا حبيبتي

المفروض التاجره تعطيك الوصل لانه كل تاجره مسؤوله عن متابعة شحنتها للمشترية حتى وصولها هذا امر مهم
مش بس اني ارسل الاغراض وووصلت او ما وصلت مو مهم
لا المفروض التاجره تشيك مع البنت وترجع تشيك مع الشركه خاصه انه بعض الشركات وخاصه مثل شركة ايلات اللي الشكاوي عليهم كثيره ممكن فعلا يكونوا كذابين

وبعدين الشركه المفروض انه لما يسلموا اغراض لاحد المفروض انه توقيع البنت موجود على وصل استلام الاغراض او الدفتر الخاص باليوم اللي سلموا فيه الاغراض لانه كل شركه مفروض عندهم مثل هالشي

وايضا التاجره اللي ارسلت الاغراض مفروض محتفظه بالوصل وتعطيه للبنت عشان تراجع من احق حقوقها الصراحه

بس اهم شي تراجعوا الشركه وتطالبوهم بانكم تشوفون التوقيع على الورقه لانه اصلا مفروض اي تسليم يكون بتوقيع المستلم للاغراض

والله يعين
08-06-1427 هـ, 08:48 صباحاً
 
الله يعينج الصراحه
لازم اتكون محتفضه بالوصل هذي مسؤليه
الصراحه يوم اطرش بضاعه لزبونه عن طريق شركة شحن كل مره اصور الوصل وارسله للزبونه عن طريق الرسايل
وحتى يوم حط فلوس في حساب تاجره اطرش لها صوره عن الوصل

اضمن للحقوق
08-06-1427 هـ, 09:10 صباحاً
 


الساعة الآن 03:40 .