ما شاء الله عليكم وعلى شعوركم الطيب والله يكثر من امثالكم وزين ان احد يفكر فينا ويقدر الحاله اللي حنا فيها بس ان شاء الله يعوضنا بلازواج اللي عوضنا الحرمان اللي عشناه وربي يعطيك على قد نيتك

ادعولي انو ربي يرزقني انا واخواتي وبنات المسلمين يارب


بالزوج الصالح
اختى بنوته ونسرين 323 مشكورين على الدعوات الجميلة يارب يكون ياب السماء مفتوح ويستجاب دعاكم يارب ياكريم واهم شى يكون صالح وطيب ورمنسي يارب يلف بى الدنيا بروح تركى وماليزيا والطايف والجنوب والاماكن الاثرية كلها






دعواتكمممممممممممممممممممممممممممممم:eek: :eek: :eek: :eek:

مشكورين على تفاعلكم الحلو .. معي

وترا انا سعيت وزوجت قريبات لي ولله الحمد . بس هالحين حوليني بنات قريبنا كثير ماتزوجوا .

وافكر ان اتعامل انا مع خطابه وادلهم على البنات بس لما اتاكد ان العريس ولد ناس وجاد ومتعلم واخلاقه زينه . حتى يدعون لي وما يدعون علي.

وانا اعرف بعض اللي تزوجوا عن طريق خطابات ولله الحمد والله ان حياتهم اسعد منها مافيه الله

يهنيهم ويرزق العازبات وكمان العزابية.

وانا كتبت الموضوع في المنتدى علشان المتزوجات وكمان الانسات يعطوني افكارهم يمكن تكون هناك افكار غائبة عني والله في عون العبد ماكان العبد في عون اخيه ؟ والله العظيم ان هذ الامر من أهم الأشياء التي تسعى فيها المسلمة لقضاء حوائج خواتها المسلمات وهل هناك اجمل من ان تسام الواحدة منافي بناء بيت اسلامي شوفوا الاجر اللي راح يرجع لها .

** دعواتكم ان ربي يسهل عليُ الولادة **

المحبة للأنسات .** أم عزوز**

مو المهم انهم يتزوجون والله المهم ان يجيهم الزوج الصالح اللي يقدر على المسؤوليه واعتقد انهم قله في هذا الزمان .. الله المستعان بس

السلام عليكم ورحمه الله وبركاته

الله يرزقج ويرزق خواتج بالزوج الصالح يارب... ويرزقني معاكم يارب :)

خواتي أي وحدا تبي زوج لازم تكون نيتها سليمه في الدعاء, يعني ادعوا من الله تضرعا وخشوعا تام وايمانا تام بانكم ساعين للحلال والستر والله سبحانه وتعالى لا يمكن يخيب ضن عبد برحمته هو ارحم الراحيم.

وثاني شي اذا البنت تبغي تتزوج لازم تحاول قد ماتقدر انها تحسن سمعتها في الناس والي حواليها من اهل واصدقاء وجيران, يعني اذا اكتشفتي شي مو عدل في شخصيتج وهذي مب عيب كونا كلنا متعرضين للأخطاء, اسعي جاهده جاهده في التخلص منها, مثلا اذا كنتي ثرثاره بشكل, أو غشمريه ( يعني تمزحين وايد) زياده عن الزوم بين الاهل والاصدقاء حاولي انج تتخلصين منها<<< انا اعاني من المزح الزايد مع الكل, بس احاول اني اظبط روحي شوي شوي ومو عيب كلش اني اكتشف شي في نفسي غلط و احاول اتخلص منه والله اذا شاف المسلم يسعي اكيد الواحد الاحد بيمد يده وبساعد الانسان الي يشوفه يسعى...

وبالنسبه للزوج او الي وصل سنها سن الزواج انا دايما اسمع ان الي تبي تتزوج لازم تخرج وتروح المواجب مثل الاعراس وجلسات الاهل والاصدقاء علشان الناس يشوفونها, بس طبعا الطلعات هذي بحدود كونا بنات من الخليج وتربطتنا عادات وتقاليد وحده, موضوع الطلعات ماتعجب الاهل او الناس بس ماتكون زايده عند حدها, يعني البنت لازم اتواجد مع والدتها في المواجب من اعراس او طلعات مع امها او خواتها او يمعات على غداء او عشاء الاهل, وغيره من هذي الطلعات.

ثاني شي البنت لازم تكون ذراع امها اليمين, يعني لما ايجون للام ضيوف لازم هي من تقوم بالواجب من ضيافه عدله وسنعه, شلون تصب القهوة شلون تقصص الفواكه( هذي لاني توني متعلمه شلون اضبط قص الفواكه هههههههههههه) علشان ربع الام او ربع الاهل لما يشوفون بنت سنعه يساعد الموضوع في الخطبه, وتعرف تجلس معاهم وتعرف المواضيع الي تناسب سنها والي تقدر تفتحها معا صديقات امها او اهلهم.

اضافه لكل هذا لازم تحاول تسوي أي شي خيري يكون بمثابه الصدقه الجاريه لها, مثل انها تسوي لها قروب اسلامي تنشر فيه مواضيع الدين والادعيهن او تقوم بتوزيع الادعيه عن طريق الايميل لكل الناس الي عندها بالمسنجر, او انها توزع كتيبات اسلاميه على الناس والي تحبهم واهلها وصديقاتها, او تسوي ادعيه تخليها في المساجد وتكتب تحتها ( لاتنسوني من خالص دعائكم) علشان الكل يدعي لها.

وانا مره ياتني فكره بس لحد احين ماقمت بتطبيقها, بس اذا ربي قدرني مابتوالى عن تطبيقها بأذن الواحد الاحد وهي ان الي تبحث عن زوج تقوم بتبرع بمبلغ لصالح تبرعات( الزواج الجماعي) احنا بالبحرين عندنا مراكز مسؤوله عن الصدقات, فلما الواحد ياخذ الفلوس علشان يزكي او يسوي صدقه او يدفع حق كفاره يمين , يروح الصندوق الخيري ويعطونه شيك في اختيارات مثل كفاره يمين, صدقه, زكاه, افطار صائم, اخرى تراها الجمعيه, الزواج الجماعي, وعلشان كذا ياتني الفكره هذي.

وهذي هديه مني لكم, وهو دعاء لتيسير الزواج بأن الله, ولا تنسوني تدعون ان الله يرزقني الي في بالي يارب:

اللهم أنى أسألك بأني أشهد أن لا إله إلا أنت الأحد الصمد الذي لم يلد ولم يولد ولم يكن له كفوا أحد , أقض حاجتي وأنس وحدتي وفرج كربتي وأجعل لي رفيقا صالحا كي نسبحك كثيرا ونذكرك كثيرا فأنت بي بصير, يا مجيب المضطر إذا دعاك ، أحلل عقدتي وأمن روعتي وفرج كربتي. يا إلهي هب لي من لدنك زوجا صالحا , واجعل بيننا المودة والرحمة والسكن إنك على كل شئ قدير يا من يقول للشيء كن فيكون اللهم آتنا في الدنيا حسنة وفى الآخرة حسنة وقنا عذاب النار رب لا تذرني فرداً وأنت خير الوارثين

اللهم اميـــن