ابغي طريقه سهله للازانيا بسرعه ابغي اسويها اليوم وتكون بالتفصيل الممل لاني موشاطره بالطبخ
10-06-1427 هـ, 12:34 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي حبوبة هذي طريقه سهله:::
المقادير::
تقريبا نص كيلو لحمم مفروم عادي يا ناعم او خشن نفس الشي او حتى الي مثلح
معجون طماط او تبين اسهل صلصله المعكرونه او البيتزا الجامه في ماركات وايد انا جربت العلالي و في ماركات احنبية احلا شوي طبعا علبه لازانيا اهيا تكون 500 جرام او 250
و بشاميل اقولج طريقتي السريه للبشاميل
اول شي الباشميل::
في الي جاهز من ماجي نفس جيس الشوربه مال ماجي بس بشاميل مكتوب شلون طريقته او ان انتي تسوين الباشاميل :: الي اهوا عبارة عن تقرببا لتر حليب و تحطين 4 او 5 ملاعق طحين ابيض و قطعه ماجي و فلفل اسود و تحطينهم عالنار لين يثخن و بعد ما يستوي و يصير ثقيل الباشميل اذا من ماجي او الي انتي مسويته حطي عليه شوي قيمر (قشطه) و جبن كرفت او اي نوع جبن سائل ((قلاصات)) و بعدين خليه شوي يطبخ عشان لا يصير خفيف ..

نروح حق اللحم المفروم... تقصصين كميه كثيرة من البصل وايد وايد و تقصين فلفل اخصر و ثوم
تحطين شويه زيت بالمقلاة و تحطين البصل و تحمسينه شوي يا دووب يذبل بعدين تحطين الفلفل و تحمسينه شوي و بعدين تضيفين اللحم المفروم و تحطين عليه البهارات الي تبينها
و تحمسين اللحم عدل و تحطين الثوم و تحمسينه لين تحسين راحت الزفرة و بعدين تضيفين صلصه الطماط و قطعه ماجي و تظبطين الملح

اللازانيا تسلقينها عادي نفس المعكرونه بس ديري بالج لا يلزقون ابعض
يعني لو تحطين بالجدر 4 ورقات لازانيا يكون احسن او ان تفرقينهم لما تحطينهم بالماي عشان لا يتجعون على بعض

مم الحين اللحظه الحاسمه لما تجمعين المكوات على بعض

تجيبين طينية للفرن و تحطين شويه بشاميل فيها و بعدين تصفين ورقات الازانيا تحطين طبقتين من الازانيا بعدين تحطين اللحم و شويه بشاميل
بعدين طبقه لازانيا بعدين اللحم و الباشاميل
و تمكلين الطبقات جذي بس ان تنتهي طبقه لازانيا و تغطينها بالباشاميل بعديي تغطين الوجه كله عدل عدل بالموزاريلا انااحبها متروسه جبن موزاريلا
والله تطلع احلا من مالت المطاعم

قبل لا ياكلون قوليلهم يديرون بالهم على اصابعهم
بالعافية على قلبج حبيبتي
10-06-1427 هـ, 04:49 مساءً
 


الساعة الآن 09:57 .