هذه النصايح من احدى الأخوات
السلام عليكم ورحمة الله وبركاته
اخواتي كثرت عمليات النصب و لابد من لمن ارادت ان تشتري من النت ان تكون على وعي لا على عمى
الخت التي نصب عليها ارادت ان تشتري حاسوب محمول ( لاب توب ) بالفين ريال
حولت الأخت النقود ورفضت الأخرى اعطائها رقم الهاتف فقالت لا باس وتمر الأيام والشهور والمشترية ترى الأخت المدعوة( نكتار) في المنتدى تبيع ولا ترد على الرسائل باختصار كانت عملية نصب
واليكم نصيحة المحامي المختص
بسم الله الرحمن الرحيم
الأخت / ...
انا جبت لكم خبر من واحد خبير في المحاماة وله تجارب ناجحه ويقول عليك اتخاذ الاجراءات التالية:
1- روحي للصراف وكأنك بتحولين فلوس لها راح يطلع اسم ثلاثي لصاحب الحساب وبعد ماتاخذين الاسم اضغطي على زر الإلغاء علشان مايتحول لها شيء.
2- أسألي البنك عن الفرع اللي هو فيه ورقم الفرع هو اول ثلاث ارقام من اليسار.
3- اسالي البنك عن اسمه وكامل بيناته من رقم ثابت وجوال عام ورقم الهوية واذا ماتعاونوا معك اطلبي من المحكمة خطاب للبنك وراح تتيسر الامور.
4-قدمي خطاب شكوى للمحكمة واكتبي فيها الموضوع واهم شيء (((اكتبي طلباتك منها ))) للقاضي .
5-غالبا رقم الحساب مو لها ولا لأحد اقاربها واحتمال صديق لها وفي هذي الحالة المحكمة اذا جروه هو راح يجرها واذا جرها بلغي الهيئة وراح يسحبون في تاريخهم الاثنين ومن الفواتير تبين اتصالاتهم ببعض.
6-ارسلي لها على الخاص صورة خطاب المحكمة وارسلي لها على العام طلباتك وهي : لاب توب ولا تقولين ابي فلوسي لالا قولي لاب توب وبالمواصفات اللي بينكم لأن البيع قد تم وهذا حقك علشان تتأدب هي وغيرها وإذا اللاب توب ماله مواصفات بالاتفاق اللي بينكم فاطلبي فلوسك لأن البيع على شيء مجهول الوصف لأنها ربما تعطيك لاب توب قديم ومستعمل مايسوى حتى الف ريال.
7-هدديها بنشر الاسم الثلاثي الحقيقي والبنك ورقم الفرع ورقم الحساب على جميع الاقسام وعلى موقع (الساحات العامة) من باب التحذير وليس من باب الفضيحة.وحتى لو الغت الحساب القديم يبين انه باسمها او اسم قريبها او صديقها.
وإبلاغ البنوك بفاكس او ايميل للتحذير من هذا العميل ويخلونه او يخلونها بالقائمة السوداء ونسخه للغرفه التجارية.على الاقل حتى لو مارجعت فلوسك تبرد حرتك وكذلك علشان ماتسكتين على منكر.
8- اذا عندك رقم الهاتف الثابت او العام بلغي الهيئة بالموضوع لأحتمال علاقتها برجل غير محرم لها. وان كان الرقم سوا اتصلي على 902 يلغونه حالا اذا مو باسمها يعني مجهول صاحب الرقم.
9- لاتسامحينها ابدا لقول الله تعالى (( فمن عفى وأصلح)) ولم يقل فمن عفى وأفسد.. لأن سماحك لها راح يخليها تتمادى . ولازم تصير عبره لغيرها.
10- على فكرة لو تبين تقدرين تطلبين منها 10 آلاف ريال بدال الألفين لأنه الان الكورة في ملعبك وهي اللي ورطت نفسها الغبية.
* واخيرا اذا عندك استفسار ابشري بسعدك.
ومن يتوكل على الله فهو حسبه؛؛؛


اتمنى لكن الأستفادة
01-07-1427 هـ, 10:39 مساءً
 
الله لايوفق كل نصابه وكل وحده تسوي هالحركات واللي تسرق غرق جبين غيرها وتنسخ مواضيعهم وتنصب على بنات الناس لا دنيا ولا اخره
02-07-1427 هـ, 08:51 صباحاً
 
صاحبة المشكلة ووووووووين
04-07-1427 هـ, 06:53 مساءً
 
أم عبد اللطيف النصابة اللي تحلف بربي كذب لها شخصيتين في المنتدى

ما خافت الله ولا تعرف الله لكن الله يعرفها والله ما راح يتركها النصابة اللي تاكل أموال الناس بالباطل حسبي الله عليها تحلف بالكذب تحلف بربي كذب تجرأت على الله وحلفت فيه كذب

وش بتنفعها الفلوس اذا الله انتقم منها عاااجل

والله اني للحين متضررة بسببها الله لا يسامحها

أنا اللي نفسي أعرفه هي للحين في السعودية ولااا لاااااااااااا
05-07-1427 هـ, 09:21 صباحاً
 
الله المستعان ان شاء الله يكون درس لكل البنات على المنتدى
05-07-1427 هـ, 09:59 صباحاً
 


الساعة الآن 09:10 .