مساءكم الله بالخير ..
بصراحة كلامكم ما عليه غبار ..
صحيح كل شيء زاد سعره .. بس المفروض ما يطير سعره
مثل اللي صاير بمحلات العبايا و الشيل ..
مثلا انا كنت ابى افصل مجموعة عبي و شيل لزهبة عرسي
بصراحة اسعااااااااااار خيالية .. خاصة عندنا في العين
محل زين شين .. عباية حلوة بايخة .. تسوى ما تسوى
كلهم يرفعوووووووووووون الاسعار بشكل غير طبيعي
الواحد يمسك راسه من الاسعار
.. يعني اذا بتفصلين عباتين بنفس الوقت يبالها ميزانية معتبرة من المعاش ..
وحتى لو الوحدة مقتدرة و ظروفها المادية زينه
مب معناته غبية تروح تدفع اي سعر يبونه الهنود ..

بس للاسف التسعير عندنا بالامارات عشوائي .. بلغة ثانية يعني مافي رقابة
والضايع في هالدوااااااااامة هو احنا .. " المستهلك " ..

التاجر رابح .. المؤجر رابح .. و المستهلك خااااااااااااسر دوماً ..

حتى مركز بوهيل اول ما فتح كانت اسعاره جدا مناسبة .. لكن الحين بدأت المحلات فيه ترفع الاسعار .. بس بعده يبقى افضل من المحلااااااااااات اللي برا .. وانا وحده ما اتوقع افصل بعد اليوم في العين الا اذا اضطرتني الظروووووووووف من الخااااااااطر ..

وحسبي الله و نعم الوكيل على هالارتفااااااااااع

وبيني وبينكم انا مفكرة افصل عباية سادة وانا اطرزها و ازينها .. كتجربة وبشوف شو بتطلع

بس الشغلة يبالها وقت ..

" كلنا فشينا خلقنا شوي " ..

أم شوق
صدقتي والله

((بس للاسف التسعير عندنا بالامارات عشوائي .. بلغة ثانية يعني مافي رقابة
والضايع في هالدوااااااااامة هو احنا .. " المستهلك " ..

التاجر رابح .. المؤجر رابح .. و المستهلك خااااااااااااسر دوماً ..))
تفائلوا بالخير تجدوه
ماطار طير وارتفع إلا كما طار وقع
والطيور على اشكالها تقع

ولا تنسون ان الحركه فيها بركه

يرحمكم يا
زايدنا وفهدنا وجابرنا
وجعل مثواكم الجنة
هيه والله صح كلامكم
وصح يا اختي الصدى

مافي اي رقابه
الهدف الاول ان شاء الله
!

انا من زماااااااااااااااااااااااااااااااان خاطري بشيل وعبي من الامارات

وكنت اتوقع انها رخاااااااااااااص وبحصل بالجملة على 150درهم

بس انصدمت من البنات اللي صاروا يعرضووووووون علي ب700واللي وصلتهم 2500درهم


والله اخذ من الكويت احسن,,,اذا ارتفع ارتفع وصل 250درهم

بس لحد الحين خاطري بشغل الامارات
والله محد خلاهم يقصون علينا غير البنات اللي يصدقون المقصة ،، لا وكل ما كان غالي احسن اونه وهي ما تدري شو السالفة والله،، بس عسب الخقة ولما حد يسألها تقول بمادري كم من الف فصلتها ،،
أَعْجَزُ النَّاسِ مَنْ عَجَزَ عَنِ اكْتِسَابِ الاِْخْوَانِ، وَأَعْجَزُ مِنْهُ مَنْ ضَيَّعَ مَنْ ظَفِرَ بِهِ مِنْهُمْ.


الساعة الآن 02:42 .