مب العبايا والشيل بس اللي غلت ...

من اسبوع كان فخاطري اتحنا ... اتصلت بالصالون وسألتها بكم تحني

اتخيلو بكم تحني؟؟؟؟

ب 250 درهم ريول

و 150 درهم ايدين

حنا يومين وبيطير شحقه ب 400 درهم ؟؟؟

وياليت صالون اوك ... صالون عادي ومب معروف حتى


مب حرام ...


ولا المكياج

عشان ايونج البيت ب 800 درهم غير التسريحه

وين عايشين نحنا


والله صرت اكره اسواق الامارات استوى كل شي غالي


ومشكوره اختي ع الموضوع
طيب الكل عارف انه الاسعار ارتفعت مع انه نفس الخامات .. يعنى ما في اصلي ولأ تقليد كله حركات عسب نشتري ويقصون على البنات بلسانهم الحلو
طيب انا عندي حل
شو رايكم تحطون لنا اسامي المحلات اللى شغلهم وخاماتهم حلوه وسعره يكون يناسب الكل
ياريت لو تحطون اسم المحل وفي اي إمارة
هلا خواتي
رجعت مره ثانيه
اوافق الاخت صبح وليل بخصوص ارتفاع الايجارات
وبابوظبي بعد في ارتفاع اكثر من غيرها بسبب ارتفاع الايجارات الغير طبيعي عن بقية الدول يعني تعتبر دولة الامارات اعلى دوله خليجية في الاسعار ويمكن حتى عربية تعتبر هي اغلاهم
هذا بالاضافة لارتفاع الايقامات والرخصه والتجديد والصحة

لكن كمان في ارتفاع زايد جدا في اسعار العبايات يعني ممكن يربح اقل شوي ما في داعي للجشع والطمع الزايد على شي ما يستاهل يعني عبايه عاديه جدا ليش تكون بـ 400 ريال عشان شو ؟!!!

وفيه محلات تفصل عبايات عاديه بسعر رخيص انا الصراحه كنت افصل زمان يوم كنت بالامارات عند محل اسمه (البزاز) في ابوظبي وسعره رخيص ومعقول جدا وكاسروه بالسعر ينزل وهو مكانه مقابل سوق مدينه زايد عند محل مالك والشيد مال الكلف جمبه على طول

بس انا صار لي سنه ونص بره الامارات فما ادري اذا تغير الخياطين بس على وقتي كان كله تمام

فعلا عزيزتي الغلاء في العبايات رهيييييييييييب.. ..

انا اقول لو تفصلون لكم عبايات ساتره ومحتشمه ومافيها موديلات ولا ولا تطريزات ولا زركشه ولا بلاوي
بتنالون رضا الله سبحانه وتعالى،،،، احسن من هالرجاجيل اللي مايظنون يشوفون هالالوان عليكم وهالبلاوي.. ويأثمون بالنظر لكم وتأثمون بتحريضهم على النظر،، سواء بقصد او بادعاء الموضه..

الله يستر علينا وعليكم دنيا واخره..

سبحان الله وبحمده
اللهم اغننا بحلالك عن حرامك وبفضلك عمن سواك
وبطاعتك عن معصيتك وبرضاك عن سخطك
وبالثبات عند سؤالك
لا اله الا انت
سبحانك اني كنت من الظالمين



ستيج لاين الامارات الغاليه

فعلا في صالونات مبالغ فيهم بالاسعار ويا ليت يكون شي زين لا عادي جدا
بالنسبة لابوظبي اللي اعرفه من يوم كنت في الامارات انه في صالون اختي دايما تسوي الحنا عنده وهو الفراشه الذهبية مخصص للحنا بس واسعاره جدا معقوله حنا يدين من بره وداخل بـ 75 درهم بس وشغلهم زين ويسوون حنا لونين وحركات حلوه ورسمات تهبل وفي واحده اسمها رابعه او ربيعه فنانه وفي غيرها بعد
واسعارهم جدا معقوله هم بس صالون مختص بالحنا

وفي بعد صالون ثاني بعد للحنا هنديات وشغلهم حلو بس نسيت اسمه واسعارهم كمان جدا معقوله


الله لا يراويك انا انصدمت باسعار الصالونات في السعوديه يوم جيت اسكن بالسعوديه الصراحه نار اسعارهم بالامارات ارخص بكثير
يعني القص بالامارات احيانا تقصين بـ 40 درهم او 50 درهم وبعض الصالونات الرخيصه جدا تقصين بـ 35 درهم
بس بالسعوديه نار الاسعار القص على 70 درهم بالصالونات
والسشووار للشعر القصير بـ 60 درهم او 50 درهم مع انه بالامارات القص للشعر القصير جدا جدا بـ 40 ريال وفي صالونات العاديه للسشوار العادي يعني بـ 35 درهم

بس بالسعوديه الصراحه الاسعار مرتفعه وفي صالونات ياخذون على القص 100 ريال

بصراحه كثير غالي

الله يعين بس تدرين كلام اختنا الغلـا صحيح جزء كبير من كلامها منطبق على الكثير من البنات للاسف اللي هم يدورون الغالي ويبون بس الغالي حتى لو نفس الرخيص بس المهم انه شروه من المحل الفلاني وبالسعر الفلاني مع انه هالشي احسه سوء في التفكير لانه الانسان يدور الارخص والنوعيه الزينه اما اخذ عبايه ولا اي قطعه بسعر نار وهي ممكن تتحصل بسعر ارخص بكثير فحرام هالشي!!

السبب في هالزياده والتمادي في الاسعار سواء الكوافيرات والممكيجات والعبايات هو الناس اللي تدفع هالاسعار الغير طبيعيه وفي مثل يقول:
رزق الهبل على المجانين

يعني مثلا الماكياج يوم يصير بـ 2000 درهم وبـ 3000 درهم حتى لو لعروس هذا سعر مو طبيعي
عشان ايش تاخذ الواحده هالسعر شو حطت لها بوجهها الماس .. ذهب .. ياقوت ..
حتى المواد وحتى التعب وشغل اليد ما يطلع نصف هالمبلغ حرام هالمبلغ الغير طبيعي بالاسعار عشان الماكياج لحاله حتى لو كان لعروس

الله المستعان


الساعة الآن 05:24 .