السلام عليكم ورحمه اللخ وبركاته




يابنات حواء ابغى مساعدتكم عندي سمك زبيدي وحابه اسوي مطبق زبيدي
بس ماني عارفه الطريقه اللي تعرفي تلحقني فيها
محتاجتها في اقرب وقت بليييييييييييييييز


الحقوني دام السمك فريش قبل لا يخيس
يابنات حواء مساعدتكم لا تخلوني

او اي طريقه حلوه اعمل فيها عالنوع من السمك




واللي بتساعدني لها دعوه مني




يالله عاد همتكم
12-06-1427 هـ, 04:35 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وش دعوه يعني ماحد يعرف

وين بنات الكويت السنعات هالطبق مشهور عندهم بالكويت
12-06-1427 هـ, 05:39 مساءً
 
13-06-1427 هـ, 11:24 صباحاً
 
13-06-1427 هـ, 11:34 صباحاً
 
مطبق زبيدي كويتي ولا اسهل وايضا كيفية عمل دقوس صباره
المقادير :
زبيدي العدد الي تبينه
مجموعه من البهارات(ملح-كركم-كزبره-كاري-كمون-دارسين حب يعني اعواده-وفلفل اسود حب على عداله-لومي مطحون- ولومي على عداله..الخ اي نوع تبينه من الهارات وتفظلينه)
بصل للحشو الزبيدي وللحشو العادي اللي للأرز
خشروات للسمج مثل البقدونس وقزبره
كوبين او ثلاث ارز على حسب اللي تبينه

الطريقه:
1- اول شي تاخذين الزبيدي وتقصينه من النص لانه نبي نحشيه وبعداها ننظف السمجه عدل

2- ناخذ بصل نقصه صغااار فرم ناعم ونحط معاه الخضرا بقدونس وقزبره ونفرم الخضرا فرن ناعم ايضا ونحط معاه لومي ناعم وملح وكاري وكركم كزبره فلفل اسود اي نوع تبينه من البهارات يكون ناعم وتخليطنهم مع بعض كل المقادير وتحشين الزبيدي وتخيطين الزبيدي وتقلينه بدهن ولمن تخلصين القلي تخلين على صوب

3-بعدين تاخذين جدر حق الارز وتحطين شويه زيت وثوم وبصل ولمن يحمر تحطين كل البهارات اللي تبين وتحطين البهارات العواده مقل دارسين وفلفل اسود حب ولومي على عداله وتحمسين وبعدين تاخذين ماي وتحطينه ويا الحمسه ولمن الماي يغلي تحطين فوقه الارز المنقوع طبعا والنار عاليه طبعا لمن تلاحظين انه الارز ما بقا شي ويخلص خلي النار هادي وحطي فوق الارز الزبيدي اللي قلينااه والحشو


طريقة الحشوو
بصل + ملح+لومي ناعم+وفلفل اسود
الطريقه
تحطين البصل بروحه بالمقلاة وتحمسين لمن تحسين انه نشف البصل تزيدينه شوي ماي وتحطين الملح واللومي الناعم والفلفل اسود يكون بودره ناعم يعني وتحطينه فوق الارز لمن يقرب يخلص ومعاه الزبيدي

وخلص مطبقنا




الحين دقوس الصبااره
مقادير:
تمر هندي (الصبار)
قزبره ناعمه
ثوم

الطريقه:
1- ناخذ التمر الهندي وننقعه بقليل من الماء او يعني نحطه ويا قليل من الماء عشان نتخلص من اللب وتصير لينه شوي لمدة 10 دقايق او ربع ساعه
2- تاخذين جدر وتحطين شويه دهن والثوم مهروس وتحطين ماء شويه وقزبره وتحطين التمر الهندي فيه وتخلينه يطبخ لمدة ربع ساعه بنار هاديه

وفي طريقه ثانيه لدقوس الصباره انج تاخذين من دقوسج العادي وتاخذين التمر الهندي المنقوع وتحطينه ويا الدقوص بس يكون التمر الهندي اكثر من الدقوص الطماطم اللي انتي مسوينه وتحطين وياه قزبره وبس
13-06-1427 هـ, 11:37 صباحاً
 


الساعة الآن 04:06 .