Analysis Services
مرحبا يا سيدات الأعمال ...

راح ادخل فالموضوع على طول ... انا عندي هواية تجميع الصنادل والابوات الفخمه والغريبه ...
وطحت على وكيل يزود صنادل وابوات رووووعه ... عنده كافة الماركات واسعاره تتراوح بين الغالي جداوالوسط والرخيص... كل الماركات ينزلون عنده الصنادل والابوات اللي مخفضين عليها جدا ... وبصراحه عنده شغلات من جد سعرها مناسب بالنسبه لماركتها ... هذا محل اسمه outletوكل الماركات يصرفون بضاعاتهم القديمه عن طريقه ...

وبما اني اذكر معاناتي في البحث عن الصنادل والابوات الكشخه واللي اسعارها مناسبه ... فكرت اني اسوي بزنس صغيرون وافيد البنات وانا برضو استفيد ... الا وهو اني احط الصور في المنتدى واللي تبي تراسلني وانا اشوف لها المقاس وأتفاهم مع الوكيل واشحنه لها علما بأني ساكنه في امريكا والوكيل هذا في امريكا ... وطبعا انا ما بحط كل الصور لانه هو عنده بالآلاف بس اللي عندها موصفات معينه اقدر ادور لها واجيب لها اللي يناسبها ...وبرضو عنده شنط بس حسيتها غاليه ماتسوى...بس مو عارفه كيف الطريقه

الموووووهم ... انا ابيكم تشورون علي ... كيف ابيع ؟ ووانا ماابي اتضرب فالاسعار لان هو ما راح يعطيني اياها رخيصه مره ... انا بس ابي فلوس الشحن والعموله ... كيف احسب العموله ؟؟ يعني ايش المتعارف عليه ؟ انصحوني هل هي فكره ناجحه والا لا ؟ وانا ابي الزبونه تحول الفلوس وبعدين ارسلها الشي اللي هي تبيه ... لان هو ما راح يعطيني الا اذا دفعت ... يصير اسوي كذا والا هذي مو اصول التجاره تحسون من اسالتي مره ما اعرف شي ... ترى هذي اول محاوله وعمرري ما فكرت ابيع واشتري بس لما شفت اللي عند هذا قلت لااااااااااا هذا شي ما يتفوت وبصراحه احنا سوقنا يعاني من فقر في الصنادل والجزم ...

بانتظار ردودكم ومشكوريييييييييين
13-06-1427 هـ, 03:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمه الله وبركاته

مراحب أختي ومنوره المنتدى

بخصوص مشروعج شوو صعب

لا تبدأي بالمجازفه

أول شي حطي صور للبضائع الي عندك وشوفي التاجرات لانهم هم الي بيوزعون البضاعه عن طريق مندوباتهم إذا عجبتهم

فلازم يشوفون عينات علشان إذا عجبهم يطلبون كميه كبيره ومن ثم يعطيك صاحب المحل دسكاون لانك أخذتي بضاعه كبيره في حال رفض حاولي توصلي معه لسعر مناسب علشان التاجرات يقدرون يشترون منك

بعدها يكون تعاملك مع التاجرات هم الي بيحولون لج الفلوس مع سعر الشحن

تكون لج عموله من صاحب المحل وعموله من التاجره

أتمنى لك التوفيق
13-06-1427 هـ, 03:01 مساءً
 
مشكووووره يا أشجان الإمارات على ردك ونصيحتك الغاليه...

في تاجرات بالمنتدى ؟؟؟ لووول يمكن سؤالي غبي بس ترى انا مادري عن شي ابد ...

انا راح اسوي بنصيحتك واحط الصور مبدئيا واشوف اذا يعجبهم والا لا
13-06-1427 هـ, 11:53 مساءً
 
السلام عليكم ،،،

قبل كل شيء آمل ان تأخذي بعين الإعتبار ما يلي :

1- غلاء الشحن من امريكا لدول الخليج.
2- كذلك تحويل قيمة الطلبية ! سوف تأخذ عليها البنوك او شركات التحويل مبلغ اضافي.

هذين الأمرين من شأنهما رفع تكلفة الطلبية.

الحل من وجهة نظري ان تقومي بالآتي :

1- تحديد يوم في الشهر تقومين فيه بشحن الطلبيات جميعها فهذا من شأنه تقليل قيمة الشحن ويكون التحويل على جهة ما كقريبة او شريكة هنا في السعودية او الخليج وهي بدورها تشحن للمدن الاخرى عن طريق شركات الشحن البري الرخيصة جداً.
2- فتح حساب بنكي لكِ في الدول المستهدفة كالسعودية والإمارات وفي عدة بنوك كي لا يكون هناك عمولات تحويل دولية.

ملاحظة :
طريقة ان تقوم العميلة بوضع مواصفات ثم تعرضين الصور فهذا أمر مزعج جداً للعميلة، الذي اقترحه هو ان تضعي كل شهر 100 صورة لـ 100 موديل مع ذكر الألوان المتوفرة بدون وضع صورة لكل لون.

العمولة :
اقترح ان تكون نسبة ثابته كـ 10% مثلاً.

آمل ان اكون قد افدتك

وبالتوفيق غاليتي
14-06-1427 هـ, 02:30 صباحاً
 
عذراً على التكرار
14-06-1427 هـ, 02:30 صباحاً
 


الساعة الآن 02:31 .