السلام عليكم ورحمة الله وبركاته
اليوم كان علي الغدى ولأول مره أسوي شي مب محترق لأني أحب الطبخ وخاصتا أدوات المطبخ
أمي كل يوم تعلمني شي بس هي الله يهديها ماتخليني !!أقصد ما تعتمد علي ...! اتقولي وتيلس يمبي
لين ماأخلص بس هذي المره ما خليتها في المطبخ؟؟!قتلها اليوم يلسي وأنا بسوي كل الي تبينه!
ما استوى الى الخير بس طلع مالح وناشف طبعا الي هي العرسيه المشهوره في دولتنا الحبيبه

الغاليه انا الملح مااقدر اتحكم فيه يعني لازم حد يعطيني مقاير الملح بالضبط وماعليه مره تخيب ومره تصيب ،،، بس مشالله عليج عرسيه مره وحده
الله يهني اميمتك فيك ويرزقك برها
حلو انك تبدين ولولا الغلط ماطبخنا وانتي في البدايه لاتكثرين ملح وذوقي وبعدين زيدي الكميه المطلوبه ومثل كذا المااا
بس سؤال وش هي العرسيه اول مره اسمع فيها؟؟؟؟
ام الحلوين

الغاليه هذي اكله شعبية اماراتيه عباره عن رز (ينهرس) و دجاج وهي مثل الهريس بس على رز
وهذي طريقتها اذا بغيتي تسوينها

العرسيه بالدجاج :
نصف دجاجه
أربع أكواب عيش
قليل من الملح + بصل محموس اذا حبيتي
كميه كافيه من الماء تقريبا ضعف كمية العيش
الطريقه سهله نخلط جميع المقادير مع بعض وتوضع في طنجرة الضغط الخاصه بسلق اللحم
وتوضع على نار هادئه لمدة ساعه نصف
بعد ان تنضج نقوم بهرس العرسيه جيدا
في حالة اذا وجدناها ناشفه نضيفلها قليل من الماء الساخن اثناء الهرس
أما اذا كانت مايعه يعني بها ماء زياده توضع على نار خفيفه مع التقليب المستمر
الى ان تنشف ويفضل استخراج العضم اثناء الهرس
ثم توضع في طبق التقديم بعد ان يسوى الوجه بالسمن البلدي
اتمنى للكل التوفيق والاجتهاد .. في الحياه ... يجعل الشخص ناجح بإذن الله


الساعة الآن 01:04 .