بنات بما اننا في قسم المطبخ كل وحده تكتب اول طبق سوته لزوجها
وهل اعجبه اولا
وهل انتي كنتي تعرفين تطبخين قبل الزواج لئن اكيد صارت مواقف محرجه اكيد وقت العزايم علشان نستفيد منكم يالمتزوجات

بصراحة فكرة تجنننننننن

تسلمين حبيبتي

أنا احب الطبخ من قبل الزواج يعني هوايه عندي

وبالنسبة لأول طبق سويته لزوجي كنت عند اهلي وهو حلى البودينق

وعجبه مررررررة وصار يطلبه باستمرار

وبالنسبة للمواقف المحرجة كنا في رمضان الساعة 2:30 الفجر دق علي زوجي

وقال إنه بيتسحر في العمل رحت أنا وتسحرت بسندويشه

والساعة 3:00 دق عليه وقال بجي اسولف معك شوي

واستانست يوم قال إنه بيجي لأني مليت من جلسة البيت

وتوه دخل عندي إلا يوم يدق عليه خويه قال له ابغى مطعم الاقي فيه سحور الحين

لأني كل ما مريت مطعم يقولون خلاص مافيه

دق على صدره ابو الشباب وقال والله ماتتسحر إلا عندي

(( اخونا بالله جته شهامه ونخوه ذاك الوقت ))

المهم دخلت أنا المطبخ وبسرعة اسوي السحور

أول مرة اسمع بكبسة تجلس بس 20 دقيقة

المهم تسحروا ومرت على خير

تصوروا بعد السحور وش سويت؟؟؟

جلست ابكي زوجي يسألني اشفيك بس مارديت

والحمدلله مرت بسلالالالام

وفيه مواقف كثير بس ماذكرها الحين

وبانتظار تجارب باقي البنات

وتسلمين ياقمر على الموضوع الحلووووووو

سبحان الله وبحمده .. سبحان الله العظيم
حلوة الفكرة ...:
انا بصراحه قبل الزواج احب اسوي بس المكرونات لأني اعشق المعكرونه بأنواعها
اول طبق سويته له بعد الزواج كان مكرونه بالباشيميل وحبها مرة..
الموقف العجيب اللي صار لي ان كان مالي الا يومين من تملكنا كلمني قالي بمرك ونطلع نتعشى بره
رديت عليه مدري اسأل ابوي
<<<< مسوية فيها سنعه
المهم بعد ما اخذ الأذن ووافق ابوي رحت وتزينت ولبست واستناه بس يتصل يقول اطلعي انا بره
شوي الا يكلمني يقول لي انتم ما عندكم في البيت خيار وطماط وبيض!!!!!!!!!!!!!
طبعا انا استغربت سؤاله ورديت الا عندنا قال اجل خلاص بجي اتعشى عندكم نواشف انا متملل مرة من أكل المطاعم!!!!!!!!!
انا انجنيت معقولة احط لخطيبي خيار وطماط وبيض!!!!
المهم خواتي الله يعطيهم العافيه اسعفوني وتساعدنا وطلعنا بصحن كباب بالفرن وبطاطس مقلي وسلطه خضرا وعصير برتقال فرش وراااااااااااااااااحت ريحة العطر الى بصل وثوم والشعر صارت ريحته بدل البخور والطيب كباب المصيبه انه جا وانا ما خلصت وما امداني حتى ادخل اتروش او حتى اغير ملابسي تصوروا!!!!!!!!!!!
انواع الإحراج وبعد كل هذا لقيت بوجهه علامات التعجب وقال لي انتي ليش سويتي كل هذا اصلا انا ما احب اثقل في الليل
بس الحمد لله جاملني وتعشى وضحك شويه على شكلي وعلى طول خلصنا عشا وقلت له ياللا باي باي اشوفك بكرة
مواقفكم حلوه ونتريا المزيد
حبك بالقلب دوم زايد (--زايـــــــد--)


حزينه وحزنها غالبنها (حزينة زايد) على فرقا عقيد بلادها (--زايـــد--)
كان سندها وعضيدها نعم (--قايد--) كان فخر وعز بلادها (--زايــــد--)

حزينه وحزنها غالبنها (حزينة زايد)


الساعة الآن 04:16 .