مرحبا أختي
هذه الطريقة أيضا بيطلع حامض و أعتقد أنه الحموضة تأتي من الفليفلة الحدة مع الثوم و الملح
و عالعموم جربي هذه الطريقة و رح تطلع ****الله ألذ بكتير من المكدوس تبع السوق
يعطيكي العافية أختي الفتاة الشامية


أنا جربت كتييير وصفات وكانت كلها بتخرب بعد فترة قصيرة

وما بتزبط معي

بس وصفتك ما شاء الله عليها أنا جربتها والحمد لله كانت

جداً رائعة وعمرت معي ما شاء الله فترة طويلة (مو متل تبع برة

بعد فترة بسيطة بيعفن) بس شغلة الحموضة هي الشغلة الوحيدة اللي

كانت ناقصة معي.

ما ني عارفة ليه ما طلعت حامضة هنا المشكلة معقول ما بينحط

عليه خل أنا كنت أظن انه الحموضة من الخل وقرات في كتاب

الشيف رمزي إنه بيكبس المكدوس في ماء مملح عليه خل وزيت زيتون

فحبيت اسألك اذا مجربة مرة تكبسيه بهيك خلطة؟؟؟

والله إني خجلانة منك بس هذا الهدف أولاً وأخيراً من منتدانا

الغالي نتبادل الخبرات ولك مني أحلى دعوة
كل عسير إذا استعنت بالله فهو يسير ، وكل يسير إذا اعتمدت فيه على نفسك أو أحد من خلق الله فهو عسير.


مرحبا أختي طوق الياسمين
لاتخجلي و لا شيء و على راحتك قد ما بدك اسألي

و الله فرحتيني أنه الطريقة عجبتك و ظبطت معك
أما بالنسبة لسؤالك فلا أعتقد أنه يضيفوله شيء آخر
و الخل لا نضيفه

و لكن عالعموم سأسأل لك ( أمي الله يخليها ) و سأخبرك اذا عرفت شيء آخر
السلام عليكم ..

كيقكم يا بنات ....

الحموضة تأتي من الفترة اللي منحلي البيتنجان يستوي بالزيت ....

يعني بعد ما منزيت المكدوس بحوالي 10 إلى 15 يوم تأتي الحموضة ويصبح جاهزا للأكل وليس من مجرد اليومين أو الثلاث أو حتى أسبوع .....

فهو بيستغرق حوالي الأسبوعين وبعدها بصير جاهز للأكل .....

وطبعا ما بده لا خل ولا شي مجرد زيت بلدي وبس ...

وألف صحة وهنا
وعليكم السلام ورحمة الله وبركاته

الحمد لله على سلامتك غاليتنا شام

يتربى النونو في عزك وعز أبوه يا رب

والله يجعله من الذرية الصالحة ويسعد قلوبكم فيه .

أشكر لك تفاعلك معي غاليتي بس أنا نطرت أكثر من اسبوعين

وهذا اللي صار معي ما طلع حامض أنا نفسي أعرف لو حد غيري

جرب يسوي مكدوس بيتي وأتأكد منه هل طلع حامض أو لا ؟

في انتظار ردك غاليتي الفتاة الشامية والله يخلي لك الماما

ويحفظ لك اياها ويحميها.

الله لا يحرمكم من بعض


الساعة الآن 03:56 .