Analysis Services
شكرا لك أختي طوق الياسمين وسلمك الله من كل مكروه ...

طيب انا اجتني فكرة ...

با ترى انت بتحطي المكدوس بالبراد شي ؟

يعني إذا كان بالبراد ما رح يحمض يعني متل المخلل بيحمض لجلوسه برا ومن الملح ...

فكمان المكدوس لاااااااازم يكون حامض من التوم والفليفلة والملح

يا اما انت ما عم تكتري توم متل الكمية المظلوبة
يا اما عم تخلي فيهم مي يعني ما بتصفيهم منيح ...

شوفي وين الغلط ورديلنا خبر بركي منحللك المشكلة ....

سلمات
04-06-1423 هـ, 03:31 مساءً
 
تعبتكم والله معي أخواتي فالله يجزيكم كل خير

ويحفظكم لكل حبيب وغالي عليكم

غاليتي شام

بالنسبة للبراد فأنا تركت المكدوسات بره مو

بالبراد ولا تتصوري مدى فرحتي بهالمعلومة اللي

أعطيتيني لأنه أنا تركته برة على البركة

وأول مرة أعرف أنه تركه بره بيحمضه.

وهوبالغالب تخمينك التاني هو اللي صح المشكلة

إني ساويته من فترة طويلة بس كأني بتذكر إني

قللت الثوم.

هلأ موسم الباذنجان الصغير عندنا وإن شاء الله

بجرب مرة تانية بس بحط نفس مقدار الثوم المكتوب.

بقيت شغلة صغيرة بدي اتأكد منها:

اذا سويت المكدوس بس لمااستوى (بعدأسبوعين)

كان دايب من جوه،وين بيكون الغلط هل بكون كترت الملح ولا في

غلطة تانية ؟

المكدوس كان ذايب من جوه بس متماسك من برة أنا

قاعدة بقارن بين المكدوس الجاهز والبيتي ،الجاهز

البيتنجانة قاسية من جوه كأنها مخللة بس ومو مسلوقة

بنوب ؟؟

فهل هالمرة أقلل وقت سلق الباذنجان ؟؟

والله يعطيكم ألف ألف مليوووووون عافية ويجزيكم عنا كل خير
05-06-1423 هـ, 02:47 مساءً
 
مرحبا أختي
بس حبيت أنه أكد متل ما قالت شام عالتوم لازم يكون مثل الكمية المطلوبة و انشاالله رح يطلع ظريف هالمرة

و كذا بالنسبة لتصفيته من الماء يجب أن يكون مصفى جدا جدا و كلما كان مصفى أكثر كلما سيحافظ على طعمه و حمضه أكثر
05-06-1423 هـ, 07:36 مساءً
 
مرحبا طوق الياسمين
اليوم حكيت مع أمي و سألتها عن المكدوس و قالتلي أنه ما منضيفله شي نهائي غير المكتوب بالوصفة
و بالنسبة للحموضة قالتلي أنه لازم تكتري التوم و مع الفليفلة بيطلع حامض انشاالله
و بالنسبة للتزييت بتقدري تاكلي منه بعد ما تزيتيه ب 2 أو 3 أيام و بتقدري تخليه فترة طويلة مثلا 2 أسبوع بالزيت و بعدين تاكلي منه مع العلم أنه كل ما ضل بالزيت فترة أطول كلما بيكون حامض أكثر و بيكون أطيب
أما بالنسبة لطراوة الباذنجانة فمن المؤكد أنك سالقتيها زيادة عن اللزوم يعني لازم لا تكون طرية كتير و لا قاسية كتير

انشاالله كون أفدتك و خبرينا شو بيصير معك و ابعتيلنا كم مكدوسة و انشاالله ألف صحة و هنا
06-06-1423 هـ, 08:45 صباحاً
 
أهلين غاليتي الفتاة الشامية

تعبتك والله وتعبت الماما الله يخلي لك اياها

ويحفظها ويحفظك لكل حبيب وغالي عليكم

خلص إن شاء الله راح جرب متل ما حكيتي بالزبط بس بدك

تستني عليه شوي لأن البيتنجانات اللي كانوا عندي

طاروا بس لا تسئليني كيف

فراح انزل وأشتري باذنجان جديد واعمل فيه وإن شاء

الله أول ما اجني المحصول بدعي لك كتييييييييييير

إنتي والغالية شام والله يجزيكن كل خير ويرزقكم سعادة

الدارين
06-06-1423 هـ, 02:29 مساءً
 


الساعة الآن 11:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏