Analysis Services







السلام عليكم

جبت لكم طريقة الرز الصيني الطريقة المضموووونه والمضبوطه والشهيه

المقادير

دجاجه واحده كبيره

زنجبيل مبشور
زبدة + زيت
بصل اخضر مقطع جوليان + جزر جوليان + ملفوف جوليان + بصل ابيض جوليان + بروكلي + بازيلاء خضرا + فطر طازج شرايح + مرقة دجاج ماجي + ملح + كركم + فلفل ابيض + فلفل اسود + فلفل اخضر رومي جوليان + صويا صوص + كوبين رز الى ثلاث اكواب مغسولين منظفين مصفى زين

الحين نجي للطريقة :

اولشي خلي الدجاج يغلي في ماء مع شوي ثوم مهروس ،، وملح شوي بس لانج بتحطين ماجي خليه يسلق بس نص سلقه لاتخلين الدجاج يستوي كامل
بعدين نتفي الدجاجه وخليها على جنب ( احتفضي بمرق الدجاج عشان للرز )

اقلي الدجاج الي نسلتيه ( نتفتيه ) وخليه على جنب

اقلي البصل وخليه على جنب
اقلي الجزر وخليه على جنب
اقلي الملفوف وخليه على جنب
البروكلي اقليه وخليه على جنب
البازيلا اقليه وخليه على جنب
الفطر اقليه وخليه على جنب
الفلفل الرومي لاتقلينه خليه بس على جنب بدون قلي

الحين اخذي قدر يكفي الوصفه كلها كامله ،، اخذي البصل الابيض الجوليان حطيه بالقدر وعليه ملعقتين طعام زبده وشوي زيت عشان مايحترق ،، بعد مايذبل البصل شوي حطي الرز في القدر ،، حاولي تاخذين قدر كبير شوي عشان الرز يتقلى عدل ،،، وقلبي الرز لين يتغير لونه اقليه كويس ،، بعدين حطي عليه الصويا صوص والماجي والملح والبهارات وحركيه حطي عليه الخضار اللي قليتهم كلهم
والدجاج بعد اللي سويتيه وحطي عليهم كلهم وبعدين حطي المرق حق الدجاج وقلبيه شوي وخليه على نار هاديه متوسطه ،، لين يستوي الرز ويتكمر زين ،،
وبالهناء والشفاء وقدميه ساخن
17-06-1427 هـ, 06:10 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكووووورة حبيبتي

والله يعطيك العافية

منظر الصورة يشهي

تسلمين ياعسسسسل
17-06-1427 هـ, 06:17 مساءً
 
تسلم الايادي يارب...شكله وايد مشهي..ان شاء الله اجربه..تسلمي الغاليه
17-06-1427 هـ, 08:34 مساءً
 
تسلم الايادي
17-06-1427 هـ, 11:49 مساءً
 
تسلميييييييييييييييييين حبيبتي


والله يعطييييييييييييييج الف عاااااااااااافيه
18-06-1427 هـ, 12:23 صباحاً
 


الساعة الآن 03:45 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏