السلام عليكم ورحمة الله وبركاته .....
اول مرة اشارك (بموضوع) في هالقسم وياليت الطبق ينال اعجابكم....:26:
الي مخليني اكتبها لكم كانت عندي عزيمة وسويتها لضيوفي وعجبهم واكتبوا الطريقة عندهم
وانا كنت مسوية رجيم وما ذقت منها فقلت بعطيكم الطريقة لتتذوقوها وبالهنا والعافية عليكم..
وانا بعد 4 ايام بوقف الرجيم واول طبق بطبخة (الدجاج بالمكسرات)يممممممم يمممممممي
الي كنت محروووومة منه <<<<<<<<قصة حزينة هههههههههه.....
المقادير + الطريقة :
2 دجاج مقطع قطع صغيرة
ثوم مع زنجبيل مهروس + فلفل احمر + كركم + علبة روب + عصير 2 ليمونة
ملح حسب الرغبة ويتبل نص سا عة تقريبا .........
نص كوب( كازو) ونص كوب (لوز) تطحن بالمطحانة وبعد طحنها تخفف بقليل من الماء ويضرب
بالخلاطة الكهربائية وتصبينة على الدجاج...
تخلطين في بيالة الشاي(صبغ الزعفران + ملعقة نشا) مع ماء وبعدين تصبينة على الدجاج....
ويطحن (قرنفل كم حبة + دارسين + هيل ) وترشينة فوق الدجاج......
يوضع الدجاج المتبل بالخلطات السابقة في صينية الفرن ...
ويزين بالكزبرة + فلفل اخضر+ نعناع اخضر + 2 طماط مطحون بالخلاطة + شرائح بصل محمرة..
غطي الصينية بالقصدير ودخليها الفرن لمدة ساعة او الى ان يستوي الدجاج....
وبالعافيـــــــة.........
