درس اليوم ان شاء الله يعجبكم وهو طلب خاص من الغالية زهرة حواء
وانا شخصيا عجبتني الصورة وااااجد وطبقتها حق اختي يوم اطلعت من النفاس مع التسريحه المعتبره
وشكلها طلع عروس تبارك الله وزوجها طبعا تشقق ( أي فرح من كل قلبه :22: ) وقرر يفتح لي صالون (:
المهم نجي للدرس والادوات المستخدمه:-
اللون الابيض والاسود من غيرلان
اللون الاصفر والذهبي والفوشي من باليت شارمل الدائري
اللون الفضي من ماك
الايلاينر والماسكرا لانكوم
قلم تحديد الحاجب من ريميل
الكحل الابيض من ماك
فرشه دمج اللون الاسود وفرشه الايلاينر من غيرلان
وفرشه دمج اللون الفوشي والفضي من ريد ستار
والعدسات تراي كلور اللون الاخضر <<<< قويه
بسم الله نبدأ التطبيق :-
نبدأ برسم الحاجب بالقلم الخاص بدون ما نكثر اللون علشان مايطلع الشكل حاد ومبالغ فيه
بعدها نوزع اللون الابيض على الجفن الثابت ( :eek: الصورة )
ومزجت اللون الاصفر مع الذهبي ونوزعه على ربع الجفن المتحرك بدأ من مدمع العين
وعلى المساحه المتبقيه نوزع اللون الفضي ( مثل الصورة )
نجي لأهم جزء الايلاينر ( يا مجننهم )
نرسم خط يبدأ من قبل مدمع العين الى نهايتها ونرفعه للأعلى .. ونرسم تحت العين خط مفتوح عند المدمع من البدايه ونوصله بالخط العلوي ( بققوا بالصوره )
بعدها نرسم تحت العين جزء مثل رسمة الفراشه اللي سبق وشرحناها... الحين ندمج اللون الاسود فوق العين عند الاطراف بفرشة الدمج ونضبط اللون تحت العين بفرشة الايلاينر
( بعد بققوا بالصورة )
نحط اللون الفوشي بتركيز من نهاية العين ونوزعه بخفه على الجفن الثابت وصولا للون الاصفر
ونوزع اللون الفضي تحت العين ونموهه مع الاسود ( مثل الصورة )
اخيرا نوزع عند الفتحه الخارجية شوي من اللون الابيض وشوي عند مدمع العين
ونحط الكحل الابيض داخل العين واخيرا الماسكرا
وهذي النتيجه النهائيه ..
يارب يكون الدرس سهل ويعجبكم :26:
مبسوطة اني اول وحدة برد