مكالمة هاتفيه دمررررررررتني

الترفيه والتسلية

سلاااااااام على كل الحبااااااايب

والله عارفه ومقدره اني هلايام غاااااااثتكم بس ميخالف تحملوني شوي لانكم تعرفوني انا كذا تجيني طفره على المواضيع وبعدين اهجد لي كم شهر والله يعينكم علي هالشهر

الليله بقولكم عن خطر يهدد ربات البيوت وخااااصه المصرقعاااات ويجب عليهم في الحااااااااااال ان يتخلصو من هذا الخطر لانه بدمر حياتهم اذا كانها مابعد تدمرت الى الان فتراها بتتدمر فأنتبهوا وركزو زيييييييين
لانها حادثه حصلت لي انا شخصيا محاكيتكم وسيعة صدر ومن وساعه صدرها بغت تدمر حياتها :34:

القصه تبدأ من المطبخ نعم من المطبخ يوم هذاك اليوم الي فكرت فيه اني اسوي حلى وياليتني ما فكرت بس وش اسوي فكرت :11:
المهم كنت توني ماخذه طريقه حلى فطيره التفاح من وحده وقلت لازم اسويها وانا منسجمه اسويها عاد انا على بالي بتفنن قلت بحطها في قوالب صغار وعاد تعرفون القوالب تاخذ وقت مهوب بسيط المهم ياصينيه داخله ويا صينيه طالعه ( طبعا داخله وطالعه من الفرن مهوب من المطبخ ) واثناء دخول صينيه وطلوع الثانيه رن التلفون ورحت اكلم والقى اختي على التلفون وسواااااااااااااااااااالف معها والصينيه في الفرن وانا اسووووووووووووولف ولا دريت الا واشم الريحه وقلت وشذا الريحه واسأل اختي قلت لها الريحه هذي عندك ؟؟؟؟؟؟( انا سألتها عشان عندي خدمة اظهار الريحه ) قالت لا قلت اجل من وين واتذكر على طووووووووووووووول الفرن بس بعد ايش :mad:
وعاد انتم تعرفون قريحتي الشعريه ( العشماوي على غفلة :05: ) رحت وكتبت لكم الابيات هذي وكلي حزن على طبختي الي احترقت وعلى ذيك المكالمه :08:


دخلت المطبخ مثل كل الحريم الي يطبخون
وجمعت المقادير وولمت الصحون
وبديت في شغلي وانا لعيالي اقول
بسوي لكم طبخه اصابعكم من وراها بتاكلون
وانا اشتغل في طبختي رن التلفون
وأروح اسرع له مثل المجنون
وأكلم اختي والكلام يطوووول
ما هقيت اني من الناس الي ينسووووون
طبخهم في الفرن ويجلسون يسولفووون
ويحترق حلاهم وهم مايدرون
وأركض اطفي الفرن قبل عيالي مايجون
وينشرون الخبر في الجرايد والتلفزيون
والناس من يوم مايجيهم خبر يفرحون
وفي نشر الاخبار يحبون يزيدووووون
وتصير قصتي بين الناس تدووووور :mad:
وياحريم بقصتي لا تشمتون
الحين انتم متعافين وبطبخكم تتباهون
واليوم بي تشمتون وبكره تبتلون
ونصيحتي اذا دخلتو المطبخ تطبخون
لاتنسون قبل كل شي تفصلون التلفووووووون

وسلاااااااااااااااااااااااامتكم
وتصبحون على خير والله برد الليله بروح اتلحف واخمد :cool:
11
951

هذا الموضوع مغلق.

حسناء الوجود
حسناء الوجود
ياحبيبتيييييييييي

يا خسارة الطبخة

يلا الله يعوضك

ياي حلوة القصيدة والله

وسيعة الصدر العشماوية نياهاهاهاهاه

حسناء الوجود :38:
وردة الربيع
وردة الربيع
الله الله
ماشاء الله عليك وسيعه هذي ثاني قصيدة تبدعين فيها
يالله الطبخه فدى ياما نسينا من الثرثرة في التليفون
وانا كمان حصلي نفس الموقف بس مو في الفرن على نفس الغاز
المصيبه انه غداء وزوجي في الدوام هاتك حكاوي وراء الثانية وناسيه القدر على النار
ومادريت الا والريحه واصلتني في الغرفه بس الحمد لله عدت على خير وقدرت اتلاحق الطبخه
قبل زوجي يجي ولا كان فيها كلام ثاني ههههههههههههههه

ونصيحتي اذا دخلتو المطبخ تطبخون
لاتنسون قبل كل شي تفصلون التلفووووووون
والله انك صادقه فيها لازم نفصل التليفون ولا نروح فيها
يسلمووووووو يا احلى وسيعه
ذكرى
ذكرى
يا زينك يا وسيعة صدر انتي وسوالفك

والله قصيده رائعه وجات في وقتها وماشاء الله عليك اشوف الابداع يطلع عندك

في وقت الازمات اذا احترق اكلك والا اذا احد قهرك خخخخخخخخخخخ

وذكرتيني بموقف صار لي يوم كنت في الرياض في الاجازه الصيفية كنت سهرانه انا والمريخيه

نقرقر قبل صلاة الفجر عاد متعودين نتقهوى قبل ما ننام >> ادري اننا معكوسين :32:

المهم قامت وحطت القهوه على النار واتصلت علي سمركيك وهاتك يا سوالف وضحك

وتعليقات والمريخيه عندي جالسه تتسمع في خرابيطنا المهم واشم ريحة شيء محترق

عاد اللهم يا كافي القهوة اذا احترقت ريحتها تصير مخنزه وعععععع وعاد انا من زود

الذكاء قلت سموره تشمين الريحه قالت وجع وش ريحته قلت مدري انا اشم ريحة مهب

زينه واناظر بالصالة قدامي الا الدخان طالع من المطبخ وتفز المريخيه وتطفيء النار

وتفتح الشبابيك قبل ما تشم امي الريحة وتحوسنا :D :D
عصفورة الأحلام
هلا عيوني وسيعه

ما شا الله اجل فيه خدمت اظهار الريحه <<<<<<<<< حلوه هذي صدقت انا من بكره بطلبها خخخخخ

بس تصدقين عااااد احسن ان طبختك احترقت تدرين ليش عشاان نكتشف القريحه الشعريه حقتك خخخخخخخ
أسرار الكون
أسرار الكون
والله مشكلة ..وحدة قريبتي أحترق بيتها كله بعد شهر من زواجها يعني راح كل الفرش الجديد وطبعا لو تشوفين الزوج وهو مصدوم ( لسه بدري على الخساير ) والسبب مكالمة هاتفية من أختها وهي كانت تقلي البطاطا ...... أخذتها السوالف وبعدين واااااااااااااو المطبخ أنحرق وتنقذ نفسها وتروح عند أهل زوجها والنتيجة البيت أنحرق والجنين في طور التكوين يسقط ..........

طولت عليكم ........لكن أنا قولت لأهلي لما أتزوج لابد من طفاية الحريق >............إعلان للدفاع المدني خخخخخخ

وثاني شي حتبرأ منهم ومن التليفون لما أدخل المطبخ ........
حلوة قصيدة يالوسيعة الصدر .......يسلموا
باااااااااااي