السلام عليكم ..

بالنسبه لي اكبر مصيبه لما يطلبون مني اسوي عشى ما ادري شسوي واقعد اعصر مخي ادور على طبخه زينه ومو مكرره ملينا كليوم نجتس ومعكرونا وهمبرجر ماصارت ..

فياريت تعطونا وصفاتكم الحلوه ..

من شوربات وحمسات ومقالي ومعكرونيه واي شي ثاني يكون لذيذ وحلو وخفيف وسهل ويزاكم الله الف خير ..

اختكم / غروب

مراحب عزيزتى
تصدقين انا اعانى من نفس المشكلة بس عندى بعض الوصفات الخفيفةاكتبها لش و***** الله تعجبك
1:مثلا اسوى نفس خلطة المكرونة بس ماخلطهم مع بعض يعني اسلق المعكرونة لحالها واسوى الصلصة لحالها بعدين اجيب صينية الفرن احط طبقة مكرونة مسلوقة بعدين طبقة من الباشميل بعدين طبقة من الصلصة وهكذا بالتناوب واخر طبقة تكون الباشميل وبعدين حطيها فى
الفرن
2:المسقعة بالباذنجان على طريقتى
حمري شرائح البطاطس والباذنجان وخليهم على جنب سوي الصلصة على حسب رغبتك سواء بالدجاج او اللحم وخليها على جنب
الحين جيبى طبق الفرن وحطي طبقة من البطاطس والباذنجان وبعدين حطى الصلصة كلها وبعدين حطي باقى البطاطس والباذنجان وبعدين
فىالخلاط اخلطى طماطم مع خل مع قرن فلفل مع حبة بصل وقليل من معجون الطماطم وصبيهم فوق المكونات السابقة ودخليها الفرن
و*****الله اكملش بكرة
من جد يحير العشاء

عندي طريقه للهمبرجر سهله بعد وطعمه

لحم مفروم + فلفل اخضر بارد مفروم ناعم + بصل مفروم ناعم + كزبره مفرومه ناعم

اخلطيهم مع اللحم واذا عندك مفرمه احسن بعد

وتبليها ملح وفلفل اسود وشكليها اقراص وحطيها في المقلاه وقلبيها حتى تتحمر والزيت خليه قليل لان اللحم يطلع زيت

واحشيها في السندوتيش مع طماط وخيار وخس ومايونيز وكتشب

وصحه وعافيه
انا عندي كذا طريقه سهله مره وخفيفه..
==================
سانويتش كلب..

خذي اربع قطه سنويتش سليس..

وخليهم فوق بعض وشيلي اطرافهم..

في اول طبقه حطي بيض وطبعا البيض يكون مقلي..

واضيفي معاه جبن سليس..وخيار

في ثاني طبقه حطي همبرجر + مرتديلا + شريحة طماط

والطبقه الاخير مايونيز..

وانتي عاد زيدي على حسب ذوقك..
============
بيتزا سريعه


خذي خبز لبناني عادي وحطي فوقه صلصه جاهزه وبعدين مشروم وزيتون وفلفل اخضر بارد واخر شي جبن موازيلا..

ودخليها داخل الفرن الين تسيح الجبنه

=============
وبرضوا ممكن تاخذين خبز لبناني وتكسرين فوقه بيضه نيه وتنتبهين لايطلع برا الخبز.. وتحطين فوقه شوية بصل محموس وزيتون وجبن كيري وبقدونس ونعناع..

وتدخلينه داخل الفرن...

لذيذذذذذذذذذذذذ ذذذذذذذذذذذذذذذ ذذذ..

****لله تعجبك...

وفي شي اسمه مهياوه..... يمكن ماتعرفينه بس اتوقع عندكم بالكويت... وهي خلطه ايرانيه..

لكن ايش لذيذذذذذذذذذذذذ ذذه..

تاخذين هذي الخلطه وتصبينها فوق خبز لبناني والافضل هولي..

وتسخنينها فوق مقلى به زيت قليل..

وتاكلينهااااااا اااااااااااا لذيذه وتصلح للعشاء..


والسلام....


الساعة الآن 06:53 .