الغالية انا ما يخصني بالتجارة بس الواحد يرووم يشوف الناس شو الحين محتاية و تبيعين ها الشي ..
نصيحتي لج لا تستقيلين اذا راتبج فوق العشر الا اذا وصل دخلج في المحل فوق العشر اللي كنتي تاخذينهم في الوظيفه ..
اذا انتي من النوع اللي يسافر خصوصا تايلند سوي تقليد ماركات و بيعيهم لان الناس الحسن وااايد يشتروون تقليد الماركات .. فكره ثانيه بعد ترومين اذا عندج خبرة في التصميم تسويين عبي و تبيعينهم لانه عرفت انه وااايد فيه حريم بالعين يسوون عبي و يبيعونهم و يربحون وااايد ...

تحياتي لج و الله يوفقج
حسافة يا غرشوب...
كنت اتمنى يكون سبب الاستقالة ضغط شغل ..انشغال بالعيال.. الرغبة في الجلوس بالبيت..!
لكن بسبب حركات تطفيش المواطنين؟؟..لا تكونين سلبية ..اذا انتي و غيرج و غيرج..تركتوا الشغل بسببهم من من لمواطنات بتشتغل؟؟
علاعموم الله يوفقج في مسعاج...و اتمنى لج الخير..و الاخوات كفوا ووفوا و نصحوج انج ما تتركين الوظيفة لين ما يوقف المشروع على رجوله..و دوري على شي مختلف و مميز..ترا اشوف الكل تاجرات عطور و بخور و مفارش و مدري شو...خذي وقتج بالتفكير و بالنهاية كله حسب ميولج و رغبتج
و الله يوفقج
عيون الورد او اي وحده تجاوبني تكفون والله صدق مدري عنهالموضوع
كنت استغرب من وين يجيبون بضاعتهم وهل موجود منها بالسوق والا لا!!!!!!!
جاوبوني نوروني بلللللللللللللل لللليز وتبيعون بسعر السوق والا اغلى
أنا أحبني


اختي اول شي مشكوره على المشاركه ومشكوره على الدعوه الحلوه مثلج ثاني شي حركات التطفيش اللي يمارسونها ضدنا في الدوام تخلي الواحد يكره يروح الدوام الصبح يعني تحسينا كلنا غصب يالله يالله نمشي كم ساعه في الدوام ليش لانه ماشي راحه نفسيه ولا قدره على العطاء من كثر التهميش والتحبيط اللي يمارسونه معانا
وفي شي ثاني فوق القرف اللي في الشغل دوامنا طوووييييييييييي ييييييييييييييي يل يعني لين العصر وانا عندي بيت وعيال بالله عليج كيف اقدر اوفق بين الشيين وكلها قعده بدون شغل مثل ماقلت لج واذا في بس لين الظهر وفترة بعد الظهر مووووووووووول ماشي شغل نقعد نسولف ونشرب شاي او نقرا مجلات وقعده على النت بالله عليك مب قعدتنا في بيتنا بين عيالنا بهالوقت اولى ؟؟؟ عشان جي تلقينا اول ما يطلع المدير الظهر ( طبعا هو مايتحاسب يداوم تسع والا تسع ونص ويطلع وحده ونص او ثنتين ان كثر !!!!) نحن وراه
لكل هالاسباب وفي اسباب ثانيه وايد بغيت القالي مشروع صغير استثمر فيه فلوسي وبنفس الوقت احس اني اسوي شي واحصد شي
yuliaa

حبيبتي مشكوره على كلامج ونصايحج وصح اللحين الكل هاب في الماركات بس تعرفين انا مااسافر عشان جي ماقدر اشتغل بهالشغله والعبي يبغيلهن حد يصممهن ويخيطهن ووو يعني عباله وشغلانه تعرفين فكرت بالجلابيات لانه وايد حريم يحبن هالسوالف وانا شفت كذا وحده والله يكسبن ذهب من ورا الجلابيات بس لين اللحين مالقيت اسعار مناسبه


الساعة الآن 07:14 .