محتاره مع البعثات اقدم او لا ؟ انصحوني

السلام عليكم ورحمة الله وبركاته
انا بصراحه هذي اول مشاركة لي .. بالرغم من اني اتابع المنتدى وادخله يوميا من قبل وكانت تعجبني ردود ونصائح الاخوات لانها صادقه ومن قلب و مافيها مجاملات وخصوصا ان الواحد يمر بعض الاحيان بالاوقات كثرة الاراء و النصائح المتعدده تساعده على اتخذ قراره على وفق ما هو مناسب له ... المهم ما اطول عليكم انا عندي موضوع شاغل بالي و محيرني .. انا ادرس ما جستير و الحين ما بقى لي الا سنه و اخلصه ..عمري 23 و غير متزوجه .. قررت اني على طول اقدم على دكتواره على نهاية هذي السنه علشان اول ما اتخرج من الماجستير ابدا فيها ولكن المفاجاءه انه قسمي ما فيه دكتواره بالرياض وقالوا على جامعه الملك سعود ولما سالتهم قالوا لي انهم ما يفتحون الا كل 2 او 3 سنوات البرنامج وبالنسبه للتخصص الدقيق ممكن ما يتوفر عندهم فادرس على حسب ما يختارون وغير كذا الدكتوراه في الجامعه تاخذ من 6 الى 7 سنوات كحد ادني و زياده على كذا ما يقبلون الا خمس طالبات او اقل يعني كانهم يقولون انسي .. ( ومع كذا ما راح اتركهم راح اجرب حظي). قلت ما هي مشكله ادرس اون لاين في جامعه من الجامعات الكبيره مع انه تكاليفه صعبه بس التعليم العالي هنا يرفض الاعتراف باي من هذي الشهادات وانا كلمتهم بنفسي و كلمت الجامعه وقالوا ما نقبلها هذا غير انه تخصصي غير متوفر من ضمن برامج الاون لاين
. لما اهلي سمعوا كذا نصحوني بالابتعاث وخصوصا اخواني الثلاث يدرسون بالخارج .. و الدكتوراه هناك ما تاخذ اكثر من سنتين يعني بدل ماتكون سبعه سنتين و اقدر استفاد في السنوات الباقي من كتابة بحوث و اشياء ممكن تفيدني و تفيد جامعتنا ..
انا بصراحه ودي بهذي الفرصه ولكن كلام صاحبتي هو الي خوفني كلهم يقولون اذا سافرت ما حد راح يتزوجك وراح تضيعين حياتك علشان الدراسه .. وحده قالت لي انه انا لو ابي اخطب لولدي و اعرف ان البنت درست بالخارج حتى لو كان معها اخوانها فما راح اخطبها ... هذا و انا ابوي بيجي معي عند اخواني .
انا بصراحه خفت لاني ما ابي اضيع حياتي لكن اسال نفسي هل لو اجلس هنا بيجيني نصيبي ؟ ما ادري لانه كله بعلم ربي يعني يمكن اجلس و ما يجي و يمكن اسافر و سبحان اتوفق و اتزوج كله بيد ربي .. لكن ما سالت وحده الا وقالت لا ما نصحك علشان ما حد يتزوجك يعني تقريبا كلهم قالوا لي هذا الكلام حتى امي صارت قلقانه من كلامهم بنفس الوقت ما تبي تحرمني الفرصه .. يعني بصراحه نظرة مجتمعنا هذي سخيفه الحين البنت الي تسافر مع اهلها كل سنه للخارج لمده ثلاث شهور او اربعه للتنزه و تغير جو ما يكون عليها كلام و الي تسافر للدراسه تكون غير محترمه وزجه غير صالحه ؟ حتى اني قررت اني لما اسافر هناك راح البس حجابي كامل حتى ولو كان بالجامعه وراح اتلثم او اتنقب .. وخصوصا بالدكتوراه اغلب الدراسه بالمكتبه او بالبيت يعني ليه هذي الفكره ؟؟
انا من جد محتاره و ارجو منكم الراي و المشوره الصادقه
وشكرا