بالنسبه لي أنا اصلا شعري بني فااتح و ما أحبه الحين لييييييييييش ؟؟
لأن شعري صاير خفيف خصوصا من جداام واِذا كنت جالسه تحت الليت (االضوء) تبين الفراغات بشكل كبير ..فأحسن حل عندي هم اِني أصبغه بالأسود لأن يكون قوي وما تبين معاه الفراغات ..
هذا و الله من تجربتي لأن زوجي دايما يقولي عن الفراغات اللي يشوفها و صدق أنقهر ..
و لا لقيت له حل ...ولما أصبغه ما تبين وااايد ...
بس الحين غيرت الطريقه لما سمعت اِنه حراام مع اِني مظطره ...
آخد من الصبغه حوالي ملعقتين بس يكونو كبار+ 3 ملاعق حنا + ملعقة زيت زيتون ((لتفادي الجفاف))
أخليها 20 دقيقه بشعري و أغسله بالشامبو والبلسم عادي ...
صدقيني هالطريقه حلوه و خفيفه على الشعر و ما تأذيه و أكررها كل شهر أو شهرين ...و النتيجه روووعه لا جفاف و لا يحزنون + اللمعه الحلوه بس لازم تحافظين عليه بالزيوت ...
و بالنسبه للون فهو يطلع أسود ياي على أحمر ما يبين اِلا مع الاضاءه القويه و صدقيني يطلع روعه خيااااااااال .. ((وهذا مو أسود قاتم يعني جائز ..))
توكلي على الله و سويها و اِذا شعرج طويل زيدي من المكونات ..
و اِنشاء الله تفيدج
ماحرم شي الإسلام إلا واكتشف العلم بعدين انه له مضار
سبحان الله
نحن نبتعد عن هالاشياء لأنها حرام والحمد لله ماننضر
وغيرنا بعد تجارب وتجارب يكتشفون السبب ويبتعدون عنها ويحذرون منها
والصبغة السوداء معروف انها حرام
وغير جيه واااااااااااااايد بنات هالصبغه خربت شعرهم وخلتهم يندمون
ماشي خلاف ان اللون اسود لون فخامه ولون ملوكي ويعطي هيبه وجمال للويه
بس شو الفايده اذا كان اول شي حرام وثاني شي يخرب الشعر؟؟!!!
وحتى لو كان في الموضوع شبهه فإتقاء الشبهات اولى
قال صلى الله عليه وسلم: (من اتقى الشبهات فقد استبرئ لدينه وعرضه ومن وقع في الشبهات وقع في الحرام)
لا تحطون نفسكم في مثل هالمواقف عشان الله لا يحاسبكم يوم القيامه ويكون السبب السعي وراء الجمال
ومثل ماقالوا الخوات شي بدايل والصبغه البنيه معروفه انها بديل للأسود