بدش في الموضووع على طووول
بنات اذا تذكرون حطيت موضوع عن طريقه تخلي شعر الجسم مايطلع بعد..
باختصار حق الي ما قرا الموضووع ، في شي اسمه خشووف بس كلكم ماعرفتووه ، واهو ينحط على المكان عقب الحفاف بس بشرط الحفاف بشيره او حلاوة يعني نتف مو بموس..
الي تبي تشوف الموضووع كامل .. اهني
المهم يا بنات .. امس اتصلت في العطار لأن لما رحت له قال لي ماعندي الحين خشوف باجر بييب لج
المهــــــــــم لما اتصلت فيه قال ان عنده بس اهو ماعرف قصدي لأن له اكثر من اسم، وخشووف اسم قديييم معروف بين العيايز :42:
واسمه الي الحين اهو سفيدأج .. وفي بنات من العراق قالو ان اسمه عندهم اسبيداج
بس نفس الشي مافرقت
حبيت بس اقولكم اني عرفت اسمه المعروف بين العطارين
وهذي صورته
اهو لونه ابيض على بيج، وصاير جنه حصى عليها بودره
والبودره تكون بيضا على بيج ..
تعرفون في شي يسوونه يكون تمر وفوقه طحين ؟؟
بالضبط نفس الشكل والطريقه بس اختلاف في اللون
ويا بنات اذا بتشرتونه قولو حق العطار يعطيكم حبه كامله مو مطحوونه، لأن العطار لما ليوم رحت اخذه من عنده قال لي ان المطحون يكون مخلوط او بقايا ..
اهو يبيعونه بالحبه يعني في البحرين عندنا الحبه بـ 100 فلس = 1 ريال
وحجمها اممم مادري بس يكون تقريبا مثل المشمش
ومو شرط تكون مدوره، يصير ان يكون فيها شوي تضاريس وهضاب <<< ههههههه بدت تخربط
واي استفسار انا حاضره :)