الضؤ والليزر.......

ساعدوني

السلام عليكم ورحمة الله وبركاته
مرحبا خواتي ودي اسألكم عن الليزر اللي سوت ليزر أو ضؤ ونجح معاها بحيث انه ماطلع شعر ولا كثرولا اثر بجسمها تقولي عن كل شي بالتفصيل انا نفسي اشيل بالليزر بس اولا انا خوافه:(
ثانيا ابي احد مجرب ينصحني وين سوته فيه وكم اخذ من جلسه وبكم سوته ووش احسن الليزر والا
الضؤ ووش الفرق بينهم
يالله يابنات تكفون لاتبخلون علي
نفسي انهي معاناتي مع الشعر والله تعبت:09:
والله يجزاها خير اللي ترد علي ويرزقها كل اللي تتمنى
8
640

يلزم عليك تسجيل الدخول أولًا لكتابة تعليق.

تسجيل دخول

سمراء الجزيره
هلا فيك حبيبتي ...

أنا بديت أشيل بالليزر بمركز مساعد الزلال .. لسه باقي لي جلساااااات سويت وجهي ويديني وسيقاني ومنطق الإبط ..

بصراحه رجليني كانت غزيرة وسويت لها جلسه وحده لحد الآن وماشاء الله خف الشعر بشكل ملحوظ يعني أتوقع بعد جلستين أو ثلاثه ويروح مررره ..
الوجه يمكن سويت لحد الآن 4 جلسات أو 5 ولسه يمكن باقي لي 4 جلسات ..
اليدين سويت يمكن 3 جلسات والحمد لله خف سمك الشعر بس برضو باقي لي يمكن 3 جلسات
الابط سويت 4 جلسات وماشاء الله خف مرررررررررره الحمد لله ...

أما الأسعار الوجه أنا أسوي تحديد للوجه يعني منطقة الشنب والدقن واللحيه بـ250 ريال كل جلسه
اليدين بـ500 كل جلسه
الابط 200 كل جلسه
الرجلين لحد الركبه بـ800 ريال لكل جلسه
همس الطبيعة
همس الطبيعة
انا أسوي ضوء لوجهي بس وماخلصت جلسات بس لحد الحين مرتاحه الحمدلله
وانتبهي ترا الليزر للشعر السميك أما الضوء للخفيف ويحذرون من استخدام أي كريمات ثانيه مع العلاج أو اي مستحضرات غير التونيك والصابون وواقي الشمس

انتي من وين ؟؟؟ لاني أسويه بمركز أسثتيك
طهر الطفوله
طهر الطفوله
ياقلبي انا بالرياض والله يجزاكم خير على المعلومات يالله يابنات اللي سوت بعد تعلمني خاصه
اللي صارلها مشاكل ونسيت اسألكم تحسين بشي وقت الشيل يعني فيه حراره او الم ؟؟؟
طهر الطفوله
طهر الطفوله
سمراء نسيت اسألك مركز مساعد الزلال وين فيه ابي التوصيف زين الله يجزاك الجنه واذا عندك
لهم رقم وكم الوقت اللي تاخذينه بين كل جلسه والثانيه معليش ياقلبي طولت عليك بالاسأله ....
زائرة
ياقلبي انا بالرياض والله يجزاكم خير على المعلومات يالله يابنات اللي سوت بعد تعلمني خاصه اللي صارلها مشاكل ونسيت اسألكم تحسين بشي وقت الشيل يعني فيه حراره او الم ؟؟؟
ياقلبي انا بالرياض والله يجزاكم خير على المعلومات يالله يابنات اللي سوت بعد تعلمني خاصه اللي...
أنا سويت ليزر فيه ألم زي اللسع لكن خليهاتسوي تدليك خفيف عشان يخف الألم