بنات الله يوفكم ويفرجلكم ,,,,, إلي تعرف محلات جملة فيها بضاعة مميزة

تدلني ,,,,وإلي ماتعرف ولاعندها مساعدة لي تدعيلي لان المحل طايح في كبدي ومافية دخل
انت من وين عزيزتي

المهم قبل ما تسوين دعاية ويجون الزباين ويلقون البضاعة عليها شوي
مراح يفكرون يجونك ابد حتى لو غيرتي البضاعة

المهم ممكن تجيبين بضاعة من الزميلات في المنتدى
وتبيعينها بالتصريف

وبعد ما تجيبين البضاعة ممكن يعلن عنها في المنتدى وبوسائل اخرى
انا اقولك

جيبي من المنتدى خلق و شنط وساعات الماركات التقليد .. وتتفقين مع اللي تمولج ان الربح النص بالنص

وايضا شغلات المتزوجات --ملابس داخلية اللي تناكل ومن هالخرابيط بتلقينهم في المنتدى

وجيبي الديرماكول وكريم العروسة

والله يوفقك
الله يجزاكم خير ويوفقكم بلدنياء والاخرة

وانتظر ردودكم يابنات
هلا اختي بنوته

بالنسبه لمحلات الجمله انا صراحه ما اعرف إلأا الأسواق العاديه

بس أصلا لو بتجيبين من الكويت ترى رخيص وايد

بأضرب لج مثال ...اختاري جلابيات ذووووق وحلوه مالت البيت بكم بالكويت بس ب 20 ريال
أنتي بيعهم ب 40
وعندج المكياجات بودره سمايلنج الغنيه عن التعريف تكاسرين الهندي تاخذينها ب 12 ريال
انتي بيعيها ب20 ريال
غير الأرواج بانواعها وقلم الكحل سمايلنج والشدو المخملي لقيته بالسعوديه ب100 ريال لكن بالكويت بس ب 30
انتي بيعيه ب50 او 60

طبعا اذا بتصيرين مثل اسعار السعوديه شنو الفايده المهم التمييز والأسعار حتى الأكسسوار بالكويت رخيص واذا اخذتي منهم وايد وكاسرتهيم بيصرون ارخص وارخص
فيه شغله بعد يحبونها حريم السعوديه و اهي عطورات المفارش بالكويت تاخذينه ب 12 ريال
ومره لقتيه ب6 ريال وبعيه بدبل اهم شي ما تطمعين وتغلين على الناس
حتى الشيال الملافع ب 20 ريال وارجع واقول اذا بتاخذين وايد كاسريهم وبيرخصون لج
طبعا الشيال عندنا ملونه وحلوه وموديلات مو موجوده بالسعوديه

الناس تبي الرخيص والكويس
انتي لما تيجبين هالبضاعه سووي دعااااااااااااي ه وان شاءالله كل شي بيكون اوكي

صدقيني لو طبقتي كلامي بتوفيق من الله ان شالله راح تربحين واااايد

لأن حريم عندنا يبيعونها من غير محل ولا شي يعني من بيوتهم سددوا ديونهم من البضاعه وبنوا لهم بيت كلام صج مو مبالغه

وبعد كل هالكلام اذا ما تقدرين تروحين الكويت .. اعتقد موضوع طموحة بوظبي بيفيدج جدا عن الشراء من النت

معلومه صغنونه سمعت ان سوق الحسا فيه مكياجات عجيبه وألوان صارخه بس والله ما ادري وما ادل بالحسا لكن ممكن تسألين الحساويات

أختي هذا كل اللي عندي واذا بتسافرين الكويت علميني عشان ادلج على الأسواق الرخيصه والحلوه

تحياتي لج والله يوفقج
كوووووووووردي


الساعة الآن 01:03 .