[جزاكم الله خير جميعا يعني الاطفال اللي ممكن استقبلهم شرط يكونون من نفس الحي والا لا
وكم اخذ مبلغ على الطفل الواحد
طيب يلزمني راس مال وتجهيزات لهالمشروع
شوفي اختي مو لازم تقولين لازم من نفس الحي
هم بكيفهم هم اللي بيقطعون مسافه عشان يوصلون لك

لكن ميزانيه انا برايي وهي مو ضروريه لكن للترغيب اكثر
تخلين غرفه فاضيه للعب الاطفال
جيبي فيها العاب مناسبه للاطفال لكن انتبهي تجيبين العب فيها قطع صغيره وماتنتبهين وتعرفين الاطفال عبثين
يقعدون يدخلونها فمهم
لاجيبي مثلا المرجيحه الصغيره وكم كرسي صغير
وكم كوره وكم عروسه بس لاحظي لاتجيبي عدد الا واحد واثنين اذا شفتي اقبال زيدي
خذي شي سعره مره مناسب لانك جايه تتكسبين منهم
وضروري يكون عندك فيديو واشرطه اناشيد وافلام كرتون لازم اسلاميه
انتبهي لازم اسلاميه
ولا اذا فيه عندك قناة المجد اشتراك يكفي عن الفيديو
اما الاسره للاطفال الصغار مره خلي كل ام تخلي طفلها عندك
تجيب له سرير اللي تشيلينه وين مارحتي
اكيد تعرفينه والاطفال اللي شوي كبار ماادري
اذا فيه مكان ولا امكانيه لازم لكل واحد فراش ومخده وبطانيه صغيره

وطبعا خلي اللي نايم بمكان واللي يحب يجلس بغرفة الالعاب التلفزيون
ولو صار عندك ازدحام ان شاء الله
شوفي اي وحده تعرفينها تقدر تساعدك لكن هي تجيك للبيت وتعطينها نسبه على كل طفل

واتوقع الاخوات المصريات واليمنيات بالسعوديه
دائما يسوونها وماشاء الله دائما مخلصات وعندهم
ذمه وعليهم اقبال
شوفي اي وحده تساعدك اذا زاد العدد عندك


اما كم تاخذين عليهم هم بيجون معهم الحليب والفطور
لكل واحد يعني انت عليك بس تنتبهين وتراعين
خلي ثلاث ميه لكل طفل وان كان تحسين انه قليل زيدي على راحتك لكن انا اقولك كذا لاني شفت حاضنه يمنيه تنحط على الجرح يطيب
300 عليها وربي قليله تدرين ان الاطفال عندها متعودين عليها بالمره والله
انهم يدخلون امهاتهم ويطلعون ولا اصلا يعطونهم بال
لانها مخلصه والطفل دائما يحب من يحبه عارفه كل طفل اكيد
فيه شقاوه لكن لاحظي لما تراعين الله فيه وتكسبين بامهاتهم اجر
ربي بيبارك لك
وطبعا لما تجي ام معها كم طفل يعني اخوان خفضي لها بالسعر عشان يكون الاقبال عليك اكبر
ولو تقدرين بعد بلغيهم انه العصر تتقبلين مثلا لما يروحون سوق ولا طلعه العصريه
وخذي على كل ساعه مثلا 25 ريال
ترى مكسب كل الامهات يبون الفكه من الاطفال وقت روحة السوق واحيانا وقت الاعراس
طبعا انت بلغيهم وزعي رقمك على اللي تعرفين واكتبي هنا بالمنتدى
ولو تكونين مشغوله مثلا وقت العصر عادي تقدرين تعتذرين


وان شاء الله عقبال ماتبنين حضانه وتحطين حاضنات تشرفين عليهم باذن الله

وبلغيني بالتنايج
وانت من وين خلين نعلن عنك لو بديتي
جزاك الله خير اختي مني كفيتي ووفيتي والله لكن والله المساله يبغالها تفكير عميق خصوصا احنا السعوديات محنا جريئات بمثل هالامور وزوجي ماشجعني ابد قال انا يالله اتحمل عيالي تجيبين لي عيال الناس والمساله فيها مسئوليه ممكن طفل يتعب او يمرض واتوهق معاه والرزق على الله
استخيري وقولي له يستخير
والله يكتب لكم الخير
حاولي تتجرئين
صدقيني باذن الله يكون لك فيه خير


الساعة الآن 06:29 .