انا معلمة انجليزي

والحمد لله لاني نفس فكرة الاخت سائرة الى المعالي

مقنعه نفسي ان عملي واخلاصي لوجه الله وليس للموجهه

افعل كل ما استطيع لاوصل المعلومه لطالباتي

واكسبهن اللغه

وكل يوم اقول قبل الذهاب للعمل اللهم اني اعوذ بك ان اضل او ُاضل او اظلم او أُ ظلم او اجهل او يُجهل علي

اهم شي بالمعلمه الثقه بالنفس

مع ان فيه معلمات ما تطلع الوسائل الا اذا جت الموجهه

الله يهديهم

والله مدري وشلون ما يستحون من البنات


انا بالعكس ومو مدح لنفسي بس والله احس درسي والموجهه فيه اشين من اي يوم ثاني

لان البنات يتوترون

بس لان موضوعكم عن المواقف
صار لي موقف اول مره حضرت لي الموجهه

وانا حظي شييييييييييييييييييييييييييييييييييييييين


انا لست تربويه

يعني ما تدربت

باشرت يوم السبت
وعطوني الجدول السبت

ومن بكره انا مجهزه نفسي
بس اول مره ادخل على البنات
وطبت الموجهه
والله كنت مرتااااااااااااااااااااااااااااااااااااااااااعه

من الموقف كله لاني اول مره ادرس فيه

ومشى الدرس وانتقدتني بشي لايمكن يصير كان الدرس قطعة قراءه
عن اثنين بيصلحون اللمبه اللي بالسقف

المهم واحد فوق السلم والثاني تحت
عشان يفك اللمبه قام الثاني يدور بالسلم
المهم
قالت لي ليه ما جبتي سلم ودرتوا به !!!!!!!!!!!!!!!!!!!!

طبعا انا كنت اروح من الرياض لهالقريه
قلت لها وشلون اجيب السلم من الرياض ؟؟؟
قالت ايه ليه ماجبتيه ؟؟؟ قعدت اصيح قدامها

احتقر نفسي كل ما تذكرت الموقف

قهر

وعقبها قلت والله ما عندهم سالفه

انا ادرس مو لهم انا اخلاصي لرب العالمين ثم لهالبنات اللي المفروض انهم على اقل تقدير يقدرون يفهمون ويدبرون نفسهم باللغه

وقررت ان اكون كان كل يوم عندي موجه وهو رب الناس

سبـــــــــــــــــــــــحانه وتـــــــــــــــعالى


والله اني ارتحت نفسيا

وهذي عاشر سنه لي وانا فل والحمد لله مع الموجهات ومع البنات ومع الاداره


الاخلاص من القلب ما فيه مثله


اسفه طولت عليكم

وبااااااااي

طرح جيد اختي ليمارا ...
زي ما قالت اختي سائرة إلى المعالي .. دخول الناظرة أو الموجهة ليست كارثة ... متى تكون كارثة للي اصلاً ما تخلص في عملها.. فعلاً تنهار لما تدخل لها الموجهة .. وهنا ما امدح نفسي أو أزكيها لإن بني ادم خطاء وخير الخطاءين التوابون ... لكن كنت انتقد اي معلمة تبدع في حصص الموجهات وتهمل في غير ذلك ...

بصراحة أنا تأثرت بمعلماتي الله يجزاهن خير ويذكرهن بالخير ... كانت حصصهن بوجود الناظرة أو الموجهة زي حصصنا العادية من بساطة وإبداع وتعاون ... ما أنكر ان بعض المعلمات وليس كلهن يتغيرن في حصص الموجهات ...
فالطالبة عندما تجد معلماتها متناقضة تشعر بعدم مصداقيتها ولا تتعلم منها ولا تحترمها لانها تشعر ان هذه المعلمة ليست اهلاً للتربية ...

طيب سؤال ...
تتوقعون ليش المعلمة متناقضة بهذه الصورة ..؟؟؟
أتوقع والله أعلم ...
إن الشخص إذا أخطأ ولم يجد شخص يصححه ويُعلمه استمر في خطئة وإن صادف ونصحه شخص شديد ومتعصب لرأية وسليط لسان فماهي النتيجة ؟ فماذا تتوقيعن من معلمة إذا أخطأت أهينت أمام الكل ... سواء جاءها النصح من الناظرة أو الموجهه ..
صدقوني أنا لما أخطأ وتأتيني وحدة سليطة لسان ويا زعم قاعدة تنصحني راح اضرب بكلامها بالجدار ...لكن لما تأتين وحده بلطف ولين ومحبة واحترام والله راح استحي وأسوي اللي قالت عليه عن طيب خاطر ..
مرة حضرت لي موجهة.. وهذه الموجهةالله يذكرها بالخير معروفة بدماثة الخلق والاحترام وكذلك التعامل الجيد المهذب .. اول ماجيتها قبل الحصة سلمت علي وسألت عني وعن عيالي ... فااستغربت منها ... وأدب واخلاق وبعدين قالت باحضرلك الحصة الفلانية .... وبعد الحصة ... قامت تمدح الشرح ,,, وما شاء الله على البنات رغم انهن متعبات ما شاء الله عليك مسطيرة عليهن .. وبعد هذا كله دخلت في الدرس قامت تقيم الدرس كل فقرة شرحتها وتقارنه بالاهداف- مع اني كنت رايحة في خرايطها مش لاني ما حضرت لا .. كان الخوف من نقد الموجهةالجارح - وبعدها نبهت على حاجة بسيطة... سؤالك حق التعليل كان ممتاز لكن لو جبتيه بطريقة ثانية زي كذا .. وقالت الصورة الصحيحة ...
بصراحة هذي الموجهة اثرت في نفسيتي كثير ... وتعلمت منه كثير .. خاصة فن التعامل ..سواء مع المعلمات أو الطالبات .. فصرت ابدع في مادتي ولا اشيل همها لما تجي ... وكانت تتفهم وضع كل معلمة ..- انت مستعدة احضر لك اليوم - ، خاصة لما تشوف نفسية المعلمة تعبانه .. يعني تراعي الكل ما شاء الله عليها الله يذكرها بالخير ...
انا اتكلم عن تجربة مش سنة أو سنتين لا ...جربت عدد من الموجهات ... وجربت عدد من المديرات ...فوجدت إن المديرة الخلوقة لها تأثير على جميع المعلمات وعلى عطاءهن ...ووجدت الموجهة الخلوقة أيضاً لها تأثير على المعلمة وعلى عطاءها وإبداعها ..

عذراً أخواتي طولت عليكن .. لكن كانت هناك كلمات محجووزة في صدري عن سؤء بعض المديرات والموجهات هداهن الله ...وأثرهن في تحطيم المعلمات وقتل لإبداعهن ...

كلامكم أخواتي كله صحيح .. والمسألة تبدأ بداخلك .. إذا عقدت العزم و النية خالصة لوجه الله تعالى لن يضيرك من الأمر شيء ..
بالنسبة لتجربتي الخاصة بدأت في التربية العملي حيث سخر لي الله نعمة من عنده وهبة منه لازلت حتى الآن أشكره عليها و أدعو لها أن يبارك الله لها في جهدها .:. الأبلة المشرفة .:. في احدى المتوسطات كانت جدا دقيقة في كل شيء وبشكل ماتتصوروه علمتنا كيف نكون معلمات خطوة خطوة و بالنسبة لدخولها كان دائما مفاجئ عدا أول مرة تدخل فيها و لما تدخل مو مرة ولا مرتين بل مرات عديدة .. تشجعنا دائما على الابداع زرعت فينا كل ميزة رائعة احنا نتمناها في أبلاتنا .. جزاها الله خير و جعل مافعلته لنا في موازين حسناتها .. المهم كل شيء عملته لنا كان أساس لا يهتز أمام أي أحد .. حتى رهبة الموجهة لم نعرف لها طعما لأنه بعدها صار نقد أي أحد لنا مو مهم إلا ( طبعا ) إذا كان مفيدا هادفا فالمعلمة والموجهة تلتقيان في البحث دائما عن المفيد فلماذا إذا لا تكون هذه الكلمة ( المفيد ) نقطة اللقاء و يصبح حضورها يوم التجديد و الحصول على كل مفيد و أناقشها وآخذ وأدي معاها من غير ما أحط في بالي أشياء سطحية و غير مهمة .. مشكلتنا دائما أنه ندقق على أتفه الأمور ( نقاط الاختلاف ) ونترك المهم ( الفائدة ) واللي هي هدف المعلمة والموجهة كليهما ..

وربنا يوفق الجميع ..

انا موجهة بس باقولكم عن تجربتي أول سنة تعينت فيها كانت لي زميلة في نفس التخصص ولما باشرت عطوني فصل من فصولها يعني أريحها شوي من عدد الحصص وكانت تبي ذاك الفصل عشان فيه بنات يحبونها يعني سالفة اعجاب وكلام فاضي المهم اني غبت يوم ودخلت زميلتي فصلي وشرحت الدرس وماقالت لي شي ثاني يوم وتجيني الموجهة واكتب العنوان قالوا البنات أخذنا الدرس يـــــــــــــــــأبلة أمس !!!!!!!!المهم اني شرحت الدرس اللي وراه وعدت على خير بعد ماعرفت الموجهة السالفة

اخواتي الغاليات ..
اشكركم جميعاً على ردودكم الطيبة وتفاعلكن الرائع وأسال الله العلي القدير لي ولكم التوفيق والسداد في القول والعمل .