الســـــــــــــــــــــــــــــــــلام عليكم يا حلوات .. كيفكون ؟؟ بخير ان شاء الله

اوكي ندخل بالموضوع دوغري

هذه طريقه لـ عمل البيض .. انا شفت الرجال اللي بالفندق يسويها فـ سويتها ومررررررره عجبت أهلي وأبوي خاصه الله يخليه لنا يا رب .. وأول مره ما شاء الله ياكل كثير

فـ قلت أفيد حبيباتي ..

المقادير:

نص فلفل أخضر (فليفلا) وممكن أحمر مو مشكله
بصله
2 فلفل الحار (دراز ، حبحر) طبعاً هذا على حسب الرغبه بس لان ابوي واخوي يحبون سبايسي شوي
1 طماطم
4 او 5 حبات فطر
6 بيضات او ممكن أقل طبعاً وتقللون شوي كمية الخضار اذا بتحطون أقل
جبنه مازورلا او جبنه كرفت اللي بعلب زرقا
ملح , فلفل أسود

الطريقه ..

تقطعون الفلفل الاخضر والفطر والبصل والطماطم مكعبات صغيره
نفس الشي الفلفل الحار تقطعونه صغير ..

تحطون ع المقلا زيت زيتون وتحطين النار على 7 تقريباً وتحطين الخضار
تخلينها 5 دقايق حتى تذبل شوي .. بعدهل قللي النار لـ 2 او حتى low
واصبري الين تبرد المقلا .. لأن اللحين بنحط البيض وما نبيه يصير مثل الشكشوكه ..

بنات ترا انا ما عندي مصطلحات مطبخيه فـ استحملوني يعني لازم اشرح

اوكي اللحين تاخذين الـ 6 بيضات وتفقشينهم ( صح تفقشينهم؟ ) على صحن وتخفقينهم بالشوكه جيداً
وتضيفين ملح وفلفل أسود عليهم حسب الرغبه ..

بعدها تحطين البيض ع المقلا تكون بردت وتحركين حركه وحده و بسررررررررعه حتى يختلط الخضار مع البيض
ما أبي البيض يستوي ويصير كل جزء لحاله ..

حطي النار تقريباً على 5 ..

ايه صح تذكرت شي .. ترا انا اذا سويت هالكميه اقسمها على جزئين .. يعني نص الخضار مع 3 بيضات
والنص الثاني مع باقي البيض .. يعني أول شي أطبخ الجزء الأول بعدين الثاني

المهم حطيتي البيض على المقلا وحركتي بسرعه حطي اللحين النار على 5
انتظري دقيقتين ثلاثه .. حطي الجبنه ,, تكون مبشوره صغير صغير
عشان تسيح بسرعه ..
اصبري اربع دقايق .. واقلبي نص البيض على نصه الثاني .. شلون يعني
يعني فرضاً عندك خبز عربي .. تقومين تطبقينه بالنص فـ يصير عندك نص دائره .. فهمتوا ؟

انتبهوا وانتوا تطبقونه حتى يصير مرتب ( مع انه ما بيصير مرتب الا للماهره )
وبعدين قلّبوه على وجهه الثاني .. يعني اقلبيه كل مره على وجه .. حتى تضمنين انه استوى من كل الجهات

واذا طبقتيه وكان صعب انك تقعدين تقلّبين فيه اقسميه نصين وقلبي على كيفك ..

زي ما هذا قاعد يسوي بالدجاج بس يعني صعبه تطيرونها مثله

ومعليه طولت عليكم .. بالعاااااااااااافيه يا رب
26-07-1427 هـ, 02:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكوووورة على الوصفة عزيزيتي

وان شاء الله بجربها

الله يخليلك الوالد يا رب ويحفظه
26-07-1427 هـ, 08:49 صباحاً
 
مشكورة عزيززتي بجربها لابو عالعيال ان شاء الله تعجبه
26-07-1427 هـ, 11:02 صباحاً
 
الله يعطيك العافيه
26-07-1427 هـ, 11:15 صباحاً
 
الله يعافيكم يا حلوات ..

حياكم الله وان شاء الله تعجبكم
26-07-1427 هـ, 02:42 مساءً
 


الساعة الآن 06:40 .