اهلين حبيبتي انا عندي كم فكره بس بامانه ابي دعواتك

اول شي جيبي صورة فله المحجبه اوغيرها ووديها لخدمات طالب يكبرونه لك وحطيها على ستاندر وتحتها حطي بيضت فله الي يجي بداخلها هديه او حلو فله واذا ماتبين الخساير لزقي الصوره وجيبي اكياس الي نغلف فيها الحلي وحطي فيها مجموعه من الحلو ا وحطي لها سعر يقدر طفل عله مثل ريال وريالين وطبعا بداخها ياحلو مع بلونه مع لعبه وكلها ماتطلع عليك بريال وبيعيها بريالين يعني المكسب ريال وانا اشوف هالحركه كثير في المحامص بس الله الله بالتغليف والذوق الحلو ترا الطفل يدقق اكثر من الكبير لان هالسوالف تهمه
وين وصلنا ايه..... خليك مميزه اسالي اطفال عائلتك وش يحبون وش ما يحبون ولفي المحامص ومحلات الاكل شوفي الافكارالجديده تخيلي انا اختى الصغيره مره ما تفسحت ورشرت من مقصف مدرستهم سندويشت فلافل بس مالحقت تاكلها ولما طلعتها من الشنطه ريحتها عجيبه وعطتني اشوي منها ثاني يوم انا وامي عطينها زود فلوس عشان تجيب لنا منها المعني من هالقصه لا يكون الربح هدفك الوحيد ركزي على انت وش بتقدمين ووش بتشترين لو كنتي مكانهم او وش بتشتري لبنتك
اكملك اهم شي الاسعار لان كثير من الاطفال مايقدر يدفع اكثر من5 ريال عني تعاقدي مع مطعم نظيف وله سمعته لان هذي مسؤلية مثلا يسوي لك100 سندويشه ب75 ريال يعني لك ربح خمسه وعشرين اذا افترضنا ان الوحده بريال وجربي ولا تطلبين كثير الين تعرفين وش المرغوب اكثر عشان ما يطيح الاكل بكبدك وجددي مثلان اطلبي من المطعم انه يسوي السناديش صغيره اوضغيره مره وكل حبتين مع بعض وخلي المقصف زي البوفي مثل مدرستي بالصيف قدمي الايسكريم وبالشتاء شاي بحليب او
ونسكافيه لا والبزارين تطورو صارو يبون موكا وايس تي مو مثل اول وابعدي عن تصغير عقولهم بانك تجيبين اشياء اي كلام مثلا انا لما اطلب من الدكان للبزارين عندي تلقين كل واحد يقول ابي ايسكريم سنكرز ابي جالكسي طب اطلبو كت كات او اوريو يردون علي لا والله اطلبيه انتي !!!!!!
يعني جيبي شي صاحي لهم وبعد اذا تقدرين جيبي حافظه اكل كبيره وسوي بليله ماتكلفك عشره ريال وجيبي الصحون البلاستيك وبيعي الصحن بريالين وكمان بطاطس مقلي وغطي الصحن بكستير
وياليت تجيبي معك القلياه الكهربايه يعني اذا طلب احد علطول تقلي وماياخذ معك خمس دقايق والريحه مالت البطاطس القلي اساسا تشهي وتخلي الي ما يشتري يشتري وخلي اسعارك حسب الصحن يعني فيه بريال وفيه بريالين ...ترا انا مو سهله انا عندي خبره بالبوفيهات واحين خل نتوسع شوي للمدرسات يعني الا ماتنزل المدرسه تشتري من البوفيه فحطي عندلك مكينة القهوه الي فيها موكا وكافيه ولاتيه وهالشغلات بتقولين المكينه غاليه تجي حول الالفين بقولك مستحيل ما يشترون اذا هم ياخذون القهوه في ستار بكس ب16 وساعات فوق بالله مايخذو منك على8 ريال وسوي قهوه عربي


الساعة الآن 07:09 .