ترمس واحط فقط وشوفي اذا مشي حاله لان كثير ناس تحب التقهوي عالصباح وجيبي بطاطس برنقلز والطاطس الحلزوني الي ينقلي و هذا وجهي اذا ما انشرا بس اهم شي الاسعار او نقت الدجاج والفطاير تعاقدي مع مطعم يسوي لك طينية فطاير مشكله والحبه بريال وخلي عندك مايكرويف عشان تسخني كل حاجه لان الاكل مايسوا من غير تسخين ابدا خاصة المعجنات والفطاير اذا ما تجي حاره ماتسوى وخلي عندك ماكينة فشار مو الكبيره حقت البوفيها ت لا الصغيره حقت شغل البيت قيمتها حوالي المئه وجيبي اكياس ورق وعبي فيا ولا تسويه الا قبل لايدق جرس الفسحه بدقايق عشان الريحه تجذبهم
والفكره الاحلي خلي المطعم يسوي لك صينية دجاج فهيتا وحطيه بسرفيس والي يبي سويله ساندوش وسخنيه وهذي مره مره ماشيه وجيبي ورق عنب صينيه وحطي كل ثلاث حبات بصحب بلاستيك صغير وبيعيه بريالين وطلبي كمان من المطعم يسوي لك ساغندوتش كلوب وهذا للمدرسات والوحدة يثلاثه ريال واذا ادارة المدرسه تسمح جيبي دفاتر تلوين ومجلات وحطيها في ستادر هذا حق المجلا ولتجنب الخساير خذيه مستعمل والمجلات خذيها من الموزع عشان الي ماينباع ترجعيها له وعشان سعر الجمله
خليك محترفه ولاتقولي ابدا هذي مدرسه ابتدائيه ووشوله الخساير اضمن لك بعد شهرين تطلعي الربح وكمان ايجار الشهر الي دفعتيه ولا يكون هدفك الطالبات توجهي للمعلمات بعد فتره سوي استبيان وشلون شايفين مستوي المقصف يعني زي التقييم جيد سيى والا ممتاز وخانة وش اكثر شي حبيتوه وخانه وش تتمنى وجوده بالمقصف ووش رايك بالاسعار واي افكار او ملاحظات وحطيه بشكل خلاب مو بس جميل لان كثير من الناس يحقر هالشغلات وما عنده وقت يكتب فخلي كل الفقرات عباره عن اختياري وسوي قائمه بالمعروض في المقصف ووزعيها مع الاستبيان دبسيهم مع بعض ومعاهم في كيس صغير تلاقيه عند محل ادوات الخياطه الي ينحط فيه الازارير حلوه جالكسي
وحتقولي ليش كل هالتعب ابقولك انا اسوي برزنتيشن في معهدي يعني عروض شرحيه وساعات لازم يكون فيه وسائل مساعده مثل الاستبيانات فالما امدها للطالبات ورقه بيضا يمين بالله بعد ماانتهي القيها على الارض لكن لما تطبعيها بشكل راقي وترفقي معها شي تشدين الانتباه اكثر لان الانسان بطبيعته يحب الاشياء المجانيه...ماكني طولتها المهم سوي عروض وخصوصا على الاكل الي ممكن يفسد لو ما احد شراه ويسبب لك خساير مثل الساندوتش والفطاير مثلا اشتري ثنتين والنسكافيه علينا
وهالعروض اطبعيها عالورد وحطي لها صور اكل تناسب العروض ووديها خدمات الطالب يكبرها قد الصحيفه بعشره ريال ..وسوي عروض ثانيه جيبي الصحون المقسمه من محل ابو ريالين حطي فيه النقت دجاج مع بطاطس حلزوني مع بطاطس عادي مع حبة فلافل او فطيره بثلاثه واربعه وخمسه ريال وصدقيني يطلع لك ربح ريال ريالين بالصحن
وصدقيني اول شهر لازم تبذلي جهد مضاعف يكون هدفك كسبهم وتطليع راس المال وبعدين الربح وكل ماصرفتي على شغلك كل ما رجع لك الربح واستعيني بطالبات يساعدونك وعطي كل وحده المقسوم


الساعة الآن 01:08 .