Analysis Services
  • «
  • 1
  • 2
  • >
  • »
السلام عليكم بنات قطر
انا من البحرين و عندي اكسسوارات و مجوهرات و جلابيات راقيه قاعده اجهزها لرمضان فقط
ابي اخذ فكره...شنهي المعارض اللي تقام ي قطر و عليها اقبال كبير من الحريم؟؟
واذا ما عليكم كلافه ابي اعرف التكلفه..
ناطره ردكم على الخاص بليز..
تسلمون
26-07-1427 هـ, 11:07 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ،

أختي اللي فهمته منك أنج تبين تبيعين بضاعتج بالمعارض اللي تسويها
قطر .
فاذا كان مثل ما فهمت فالمعارض اللي بقطر تنظمها عادة وزارة الاقتصاد بقطر وبالتعاون
مع البنوك ومؤسسات أخرى وتجمع لنا بضائع لشركات ومحلات من خارج الدولة
وبصراحة أحنا بالدوحة ما نصدق تصير عندنا معارض ، فتلاقين الاقبال والازدحام عليها خاصة برمضان وقبل الاعياد
وتعالي على الاسعار منهم من يستغل كثرة الناس ويبيع لاكثر من واحد بسعر مختلف
صديقتي باع لها واحد سورى جلابية بسعر 250ريال وقالها هذا سعر لا تقولين لاحد عنه
خاصة لج ، وتشوف وحدة من الحريم اللي أشترت من عنده وتقولها بكم عطاج تقول ب150ريال
شفتي أشلون الطمع والاستغلال .
فلا تسوين مثلهم عشان تكونين لج زبائن وممكن مستقبلا تعطينهم أرقامج بالبحرين أو تفتحين محل عندنا .
وبالنسبة للتكاليف أعذريني ما أعرف .
بس أختيارج للدوحة لبيع بضائعتك أختيار جيد .
وأحنا بنتظارج بالدوحة "" حياج الله وموفقة ""
واذا عندج اي أستفسار آخر حاضرة .
27-07-1427 هـ, 09:48 صباحاً
 
للرفع

لان عندي طلب نفس طلب الاخت نجلاء

يليت تفيدونا يابنات قطر
09-10-1427 هـ, 02:59 مساءً
 
حبيبتي لازم تسألين في أرض المعارض عن المعارض القادمة (كان ودي أسألج بس والله مب في الدوحة )

وحياج الله في دوحة الخير
11-10-1427 هـ, 11:09 صباحاً
 
ارض المعارض تصير فيها معارض كبيره من كل دوله

انا اتمنى لو في معرض صغير ..

يعني مثل المعارض اللي تصير في البحرين والكويت

لوازم المراه مثلا .

يليت وحده من تاجرات دولة قطر تنظم لنا مثل هالمعرض ... تراه فرصه لان مثل هالمعارض مو منتشره عندكم ..
11-10-1427 هـ, 11:31 صباحاً
 


الساعة الآن 01:58 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏