السلام عليكم ورحمة الله وبركاته
ماراح اكذب عليكم واقولكم زي بيتزا هت بس شبيهه لها في الطعم ولذيذه ولها نكهه خاصه
وفكرت افتح مطعم بيتزا من كثر اللى يطلبونها مني وتعجبهم:22:
ومصورتها من 4 شهور بس الظروف ماسمحت انزلها الا الحين
(1)
المقادير ......
تكفي لصينيتين كبيره
2 كاس دقيق
ربع كاسة زيت
2 ملعقة كبيرة سكر
2 ملعقة كبيرة حليب بودره
ملعقة كبيرة خميره
ملعقة كبيرة زبادي
ملعقه صغيره بودرة الثوم << وهذا السر
رشة ملح
ماء للعجن لازم يكون دافي مائل الى الحراره
نعجنها جيدا في العجانه وكل ماطالت المده كل ماكان افضل ونخمرها
وبعدها نفردها بالفراده على سطح صلب ونرش عليها دقيق حتى ماتلزق
جيبي صينيه وادهنيها بزيت ورشي عليها دقيق وحطي العجينه فيها ثم ضعي عليها الصلصه
(2)
الصلصه
في قليل من الزيت حمري البصل والثوم ثم اضيفي عليها الفلفل الاخضر المقطع وقلبيها لدقيقتين ثم اضيفي البندوره المعصوره واضيفي القليل من معجون الطماطم والملح والفلفل الاسود واذا تسبكت الصلصه اضيفي عليها صلصة الصويا وخليها تغلى دقيقه وقفلى النار ثم اضيفي الزعتر وقليل من الكزبره والبقدونس المقطع
(3)
ادهني العجينه بمسحه بسيطه من الصلصه ثم اضيفي لها الزيتون وقليل من البصل والبندوره المقطعه بدون اللب وقليل من الفلفل الاخضر ودخليها الفرن من اسفل فقط واذا قاربت على الاستواء رشي عليها جبنة موزريلا ورجعيها الى الفرن حتى تذوب الجبنه
وبالف هنا وعافيه