للأسف ما دخلت منتدى الا ولقيت ...السيدات ..مسوين نياحة بسبب الوظائف.

الغريب ان كل واحدة تقعد تشتكي وشوي تبكي على النت ...ابي وظيفة وابي اشتغل وابي ..وابي

يعني اللي
- خريجة كمبيوتر مثلاً وعندها خبرة بالحاسب ومشاكلة ...ماتقدرين تنزلين اعلان بالجريدة ( اصلاح اجهزة حاسب للسيدات ) وقيمته 200 ريال ، وخلي الزبونة تجيك وتشرح لك مشكلة الجهاز ....الخ ...اتوقع دخلك بيزيد وبدون اختلاط مع الرجال ...
- ياللي تدورين وظيفة : الله خاطب مريم واهي في اشد حالات الضعف ( حامل وفي الشهور الاخيرة) خاطبها بقولة تعالى ( وهزي اليك بجذع النخلة ) حنا عارفين ان النخلة ماتهزها امراءة قوية فمابالك بامراءة ضعيفة وحامل ...البداية من عندك تغيري وفكري كيف تستفيدين بشهادتك ...
- ياما نساء يشتغلون من بيوتهم طباخات والحين فاتحين مطاعم وصاروا سيدات اعمال ...اتمنى انه بكرة مانشوف نياحة ونشر الضعف بالمنتدى ..مافيه احد بيرحمك وانتي مضعفة نفسك للجميع ...بالعكس بيزيد استغلال الموقف لمصالحهم الشخصية او حتى العملية ...

نبي بنات مبدعات ...مو مقلدات ولا كسولات ...تكفى روحوا دوروا لنا وظايف بالمنتديات الثانية ....خلو هالمنتدي يخرج مبدعات ...والمبدعة اللي تفكر وتدرس وتشاور وتسال وتقرر وتنفذ ...

اذا انتي بارعة في اقناع الناس استفيدي من هالموهبة ، واذا انتي كاتبة مقنعه كمان استغليها في كسب رزقك ، فيه ناس الله رزقهم بسبب رجولهم ..وفيه ناس الله معطيهم جوال + سيارة+ نت + بيت ملك + ...الخ ولكن للأسف مو عارف قيمة نفسة .....

محدثكم صارت لي قصة مختصرها ...مامعاي ولا ريال واحد وكلي ديون ...من كثر الديون ماقدرت انام ...ووالله لا اقول الا حقاً ...نقزت من نومي رحت شرب مويا الساعة 2 بالليل ...مسكت ورقة وقلم وبدأت اخطط وشوي ارسم ملعب كرة قدم وشوي صارت عندي فكرة ...قلت في نفسي اشلون اخلي الجرايد يدفعون لي فلوس ؟؟؟ رحت لجريدة هنا بالرياض وعرضت عليهم الفكرة وشرحتها لهم وقلت لهم تراها بتدخل لكم ملايين ....بس في النهاية ضحك سكرتير رئيس التحرير وقال لي حنا مانشتري افكار ...لازم انت تجيب شركات ترعى هالفكرة حنا ننشرها لك ...ركبت مع واحد من اخوياي وقلت له رجعني البيت ...ما يائست ابداً والله زعلت مدة ربع ساعة بعدها ...قررت ازور الشركات ...اذا قلت لكم اني قابلت مدراء واصحاب قرار اكثر من 90 شخص تراها شوي وكنت اتنقع بالساعات عندهم على مابال يدخلوني على المدير برضه شوي ....

الحمدلله ...نجحت وجمعت مبلغ 850.000 ريال خلا 60 يوم ونشرت الفكرة في الجريدة ومستعد اعطيكم اسم الرجل تتأكدون منه واعطيكم اسم الفكرة ونشرت في هالجريدة واخذت مقابل مادي عليها لي ورحت سددت مديونية تفوق الـ100.000 ريال في اقل من يوم ...

انا متأكد ان عندكم افكار وابداعات واختراعات ....تفوق ابداعات الآخرين ...بس شوية تفكير ودراسة مصاريف وتوكل على الله ...لو رفضوا الفكرة 573255 شخص برضه واصل فيه ناس راح يقبلونها ...

@@@@@@@@@@@@@@@@@@@@@@@@@@@

عندنا قدرات بس للاسف ماعندنا شجاعة في طرحها ولا حتى مناقشتها مع انفسنا ولا نقدر حتى نواجه مجتمعاتنا واهالينا وقبائلنا ................وكله انهزام في انهزام

نص حوار بيني وبين احداهن : (مافيه احد بينقذ احد في هالزمن .؟؟؟؟ الا بمقابل و وووو المقابل يامادي او هتك عرض ....

او حتى استغلال .....شوفي الشركات اللي بتستغل حتى الاطفال في العمل وين ظمايرهم ؟؟؟ اختفت كيف وانتي امراءة ؟؟؟

اللي بتدور وظيفة لازم تنزل للميدان ......ايش فيهم النساء اللي يشتغلون في بيوتهم ........انا اعرف موظفة في بيتها تدخل اكثر من موظفة في شركة او قطاع حكومي مئات المرات ...ومعها شهادة جامعية ...

فيه بنت اعرفها تسوي خلطات عطورات ....لانها مميزة في هلمجال ....اهلها ساعدوها بعد ما هي اثبتت لهم ...احدى سيدات الاعمال تبي تشاركها وارفضت .....لانه حلالها ...

منهو الشخص اللي بيصرف على احد بهالزمن كل واحد يالله يشيل همه ........انتم لازم تتغيرون لازم تبدعون .....غيري طريقة تفكيرك ...غيري مشيتك ......اذا انتي بطيئة في المشي جربي المشي بسرعه ...وهلم جرا

الدعم يجي بعد ما الناس يشوفونك متغيره .....لو جيتي تطلبين فلوس قرض من احد واهو يعرف انك فقيره ماراح يعطونك وجهة بس اذا اعرفوا ان عندك ملايين وتبين قرض بيعطونك واذا عندك مشروع بيعطونك ....

صاحب مطاعم البيك كان انسان عادي جدا وبسبب الخلطة صار انسان مليونير .....

العقيد كنتاكي موظف في امريكا عقيد مو اي كلام وحاول 1009 مرررررات يعرض خلطته والحين موجود بكل مكان.......شاب سعودي مدرس اعرفه شخصيا جاء ومه جيك بايخ بالنسبة له الان الجيك صارت مبيعاته بالملايين واسم الجهاز لقمة القاضي .....

اذا انتي عطشانه مو تقولين للناس انا عطشانه ابي مويا ....انتي لازم تشربين وتجيبين لنفسك مويا ....

منهو اللي يبي يتغير فكريا ومهنيا بدون مايتحرك ؟ السكر مايذوب الا بالتحريك .....حتى يطلع طعمه .
والله عندكم مواهب ماهي موجودة عند احد .....ناظري الطقاقات اللي صاروا مطربات ملايييين وهم منهم ؟

بس مشكلتنا في الاستهزاء ببعض والتحطيم ....اذا انتي من النوع ايش قالوا فيني ؟؟؟ ماراح تسوين شيء وراح تبقين اسيرة الاحزان وللاوهام .....

اتركي اذنك مفتوحة للتشجيع اول ماتسمعين التحطيم اضحكي في وجوههم ....فيه ناس يبونك متحطمة كي يستغلونك في اشياء انتي ماتدرين عنها ولا تدرين اهدافهم وايش هي بالظبط ....ودائما المجتمع اللي تنتشر فيه مشاريع الخدماتية اعرفي انه مجتمع كسول ( طيب استغلي هالموضوع لصالحك )

ناظروا جوالاتكم ..........سؤال : كم تعرفون رجل اعمال او سيدات اعمال النتيجة = 0 صح ؟

كل اللي بجوالاتكم ........خالتي عمتي خواتي ؟؟؟

ايش الفايده من هالمثال ؟ الفايده انه متى الواحد غير طريقة كلامة بيحصل = كلام اهو ينتظر جوابة .
يعني لوقلتي لزوجك احبك النتيجة = حب .

ولو قلتي ابي وظيفة لاني محتاجة وفقيرة النتيجة = استغلال ( مادي - اجتماعي - وظيفي ) .

لكن لو قلتي عندي مشروع يربح ذهب ودراسته هذي = النتيجة شريك ...الخ .

اللي بيعرض مشكلته مثل ( وظيفة ) وين تبي تطرحها ؟ ولمين بتقول هالكلام ؟ ووين المكان المناسب ؟

واحدة تبي وظيفة براتب 10.000 ريال ...اكيد ماراح تقدم بمشغل كموظفة ؟؟؟

بس تغييير ( غيري في طريقة كلامك ، غيري في طريقة طرحك ، .......هيئتك )

جوال مليان خالات = اوضاع مئساوية وشكاوي وبلاوي وكلام فاضي ....الخ .

وجوال مليء بالشخصيات العملية ورجالات الاعمال = شخص مهم وناجح ولدية علاقات ....

العلاقة كيف تكون ؟ اختيار الشخص المناسب ...واختيار الوسيلة الممتازة لطرح افكارك عليه ....

والله رزقكم جوال ...يعني = تقدر توصل كلامك بسهولة ، يعني تقدر تقنع أو لا تستطيع ان تقنع .

تخيل واحد عنده جوال رئيس شركة سابك ....ايش العبارات اللي بتقولة كي تلفت انتباهه .....

بتقوله والله محتاج وظيفة وساعدني ...و ...و ...عبارات الضعف ؟؟؟ = معاملتك تتحول للأرشيف .

لكن اذا قلت له عندي مادة كذا وكذا ....على طول بيدور مصلحته .

واحد يبيع بطانية بـــــ1000 ريال مثلا .....وواحد يبيع نفس البطانية بـــ10 ريال ايهما بتصير مبيعاته اكثر ؟

هذا يعاقب نفسة ....والثاني بيصير شخص محبوب عند الناس وموثوق فيه ....

انتي السبب ...واذا عرفتي هالقاعده ....لازم تغيرين مو تروحين لغرفتك وانواع البكاء وجلسة قدام المرايا ...

لايكون البكاء غاية للتعبير .....

غيري ....بيئة - ملابس - اكل - مشي - طريقة تحدث - ...الخ

فيه ناس يحبون الناس يتوسلون لهم علشان يعرفون مدى احتياجك للعمل وانك انسانة جادة ...لا تصيرين من النوع اللي من اول كلمة تيئسين ..............نفس اللي كلمتيهم عيدي عليهم الكره ......بدون تزهيق كل مرة اسلوب غير وشوفي الفرق وانا متأكد ومتأكد تماماً ( انك لو حلفتي على نفسك انك بتتوظفين راح تتوظفين ) لأنه هالقسم بداية تغييير ....

وكلامي موجهة للجميع وخصوصاً للي عندهم ابداع زي اختنا ميهاف وشبيهاتها كثير .......

الشهادات هذي لك انتي ......مافي احد راح يحتاجها غيرك انتي .....الوظيفة بتجي والبلد فيها خير ....

يعني الاجانب افضل منكم ؟ مستحيل ؟ بس رجال الاعمال وسيدات الاعمال يدورون المميز وليس المقلد ..

والمقلد لا يحب التغيير )

تحياتي
@@@@@@@@@@@@@@@@@@@@@@@@


هلا وغلا

في حياتي ما اعجبني موضوع مثل هذا الموضوع الله يسلم صاحب الفكره

احنا ضحايا الاحباط .. نستسلم بسهوله مع الاسف ... لا تحتقر اي فكـــــره

والاهم طبعا .. النيّه الطيبه .. قرأت في كتب اللي جمعوا ملايييين واصبحوا

من اثرى اثرياء العالم .. ان البداية كانت فكره ولاحظت ايضا انهم يتفقون على

مقولة ( اطلق العنان لمخيلتك ) هذي الكلمة للي يفهم معناها .. عمر العاجز

ماراح يوصل ... الطموح هو اللي يوصل .. بكل ببساطه القي نظرة على اللــي

حولك .. وش اللي ناقص ممكن اوفره ؟؟

وابدا بصغير حتى تكبر مو العكس بكبير حتى تصغر ( يعني لا تبدأ بدين ابدأ براس

مال صغير ) كتبت موضوع قبل سنه .. انني خسرت نصف مليون واكثر بشــــوي

في مشاريع .. صحيح خسرت بس الاهم من هذا تعلمت اخطائي ...

وللنساء خاصه .. انتم تملكون الذكاء وكيف اقناع الزبون في البيع والشــــــــــراء

استفيدوا من هذا الشي ....



تحياتي للجميع


منقوووووووووووووول من مستعمل
03-08-1427 هـ, 11:15 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يعطيك العافيه اخوي سماوي بس والله الامور ماهي بهالسهوله

الي تتخيلها ممكن تكون سهله للشباب بس البنات مااعتقد

يعطيك العافيه
03-08-1427 هـ, 12:49 مساءً
 
أختي وسن ...

أرجوا أن تدخلي الرابط هذا ...

http://forum.hawaaworld.com/showthread.php?t=391099
والله يوفقك
03-08-1427 هـ, 06:04 مساءً
 
يعطيك العافية بس ولو احنا النساء بحاجة لمسك اليدين
03-08-1427 هـ, 09:32 مساءً
 
اخوي السماوي انا والحمد الله عندي مبلغ مش بطال ومعرفتي في الاسهم

زينه الحمد الله واشتغل فيها بس لا تقولي الوظيفه غير كل اخر شهر ليكي راتب محدد غير الاسهم الي ممكن تخسري في الشهر ماتربحي فيه ريا ل

يعني الوظيفه لابد منها لو عندك واسطه يارية توظفني لي متخرجه 9 سنوات وماخلية شي

ولم اجد ايش رايك ب9 سنوات ؟؟؟؟؟؟؟؟؟؟؟؟؟؟
03-08-1427 هـ, 10:06 مساءً
 


الساعة الآن 09:28 .