Analysis Services
بارك الله فيكم احبتى فى الله ولكم مثل دعواتك التى اثلجت صدرى

ومشكورين عيونى وانا كلى لكم

وراح اشوف الروابط التى لا تفتح جزاكم الله خير والله يطول باعماركم
21-08-1428 هـ, 08:26 مساءً
 
هذا اقتباس للروابط التى لم تفتح



اقتباس مشاركة  (مرووج)
السلام عليكم


اولا؛ كل عــــــــــــــام وانتم بخير""ورمضان كريم


ثانيا:
ياللا كل وحده تقول ايش الوجبه الرئيسيه اللي تسونها في رمضان وماتستغنوا عنها ابدا




ثالثا:
راح ابدا انا اول


طبعا الوجبه الرئيسيه عندنا
هي
البف او السمبوسه هذي لازم يوميا
وشوربة القمح البيضاء يوميا
والسلطه الخضرا والفتوش
القيمات يوم اي ويوم لااا

ولازم العصير فيمتو

واهل زوجي
الفوووووووووووول من الفوال لازم والتميس

الهمه يابنات

وهذا الثانى

اقتباس مشاركة  (احلام كبيره)
كيفكم بنات حواء الغاليين؟

كنت ابغى اسال اللي هي وزوجها بس ايش يطبخوا برمضان :232:
انا عندي ولد صغير وبصراحه ماني حاطته في الحسبه عمره سنه ونص
بس ابغى اعرف ايش تسووا كل يوم بالضبط
انا مر علي رمضانيين من لمن تزوجت
اول رمضان كنت مشغوله بالدراسه وماكنت اسوي الا سمبوسه مع جلي او كريمه ومنتو وكنافه او بسبوسه
وكنت حاسه اني بالمره مقصره

رمضان اللي فات كنت فاضيه تماما وكنت اسوي اكلات والله اغلبها في الزباله استغفر الله احس اني اكثر والله ياما رميت صواني ماانكلت منها ولا شي الله يغفرلنا بس

وهذه السنه حابه اني اكون معتدله ابغى اعرف انتوا ايش تحطوا على سفرة رمضان

انا فكرت اني اسوي شربه ومكرونه وسمبوسه او اصابع الجبن وكريمه وحلى ومعجنات ايش رايكم كويس ولا كثير ولا قليل
ابغى اعرف اراكم
21-08-1428 هـ, 08:32 مساءً
 
شكرا ياقلبي ياأم علاء

الله يجزاك خير
21-08-1428 هـ, 08:36 مساءً
 
اقتباس مشاركة  (الأمورالحلوه)
اللي يبدأ معي للاستعداد لرمضان يدخل
انا ابغى استعد بعدة طبخات لرمضان تكون مفرزه حتى يسهل يختصر على الوقت في ذلك اناراح ابدأ في الكبه راح اصلح نوع أو نوعيين من كبب ام عزيران لأني جرب العام مدري أي وحده منها مدري بجرب لين تضبط معاي اللي تبدأ يله نبدأ وونجهز أغراضنا
كبت البرغل

2 كاس برغل نقعته لمدة 2 دقيقه فقط

1 كاس رز سلقته نص استواء

بصلتين كبيره قطعتهم صغار وبقولكم ليش زعلانه اهني

2 فص ثوم

خلطت المقادير واضفت عليها الملح والفلفل الاسود وعلى المفرمه ... وفرمتة العجينه مرتين

العجينه كانت تجنن وتتشكل معاي بسهوله وطبعا بمساعدة الماء المثلج

والقلي لازم زيت غزير وساخن

ملاحظاتي :

ان العجينه مو وايد اعجبتني يعني ما حسيت بلذتها مادري يمكن ناقصها شي من البهارات؟؟؟

والملاحظه الثانيه مثل ما انتو شايفين البصل صار واضح بالعجينه وخرب شكلها مع ان كانت لذيذه بسبب الحشو ... واكلناها يعني تبارك الرحمن خلصت بوقتها

بس العجينه مو مثل البطاط والجريش كانت عندي الذ

وانتو اشرايكم؟
كبة العيش والجريش
المقادير كوب أرز / كوب جريش / 1بطاطس متوسطة الحجم / نصف ملعقة صغيرة كركم / ملعقة صغيرة ثوم مطحون / 1فلفل أخضر حار مفروم ناعم / ملح

مقادير الحشوة / ربع كيلو لحم مفروم / 3 بصل مفروم / نصف باقة كزبرة مفرومة / 2ملعقة صغيرة ليمون أسود / ملعقة صغيرة دارسن / ملعقة صغيرة هيل ناعم/ ملعقة صغيرة بهارات مشكلة /مكن أضافة كشمش حسب الرغبة

الطريقة يوضع الرز مع الجريش بعد أن يغسل في قد وتوضع معهم البطاطس بعد أن تقطع ويصب فوقهم ماء حار يغطيهم ويزيد الماء بمقدار اصباعين ويضاف الملح والكركم ويترك المقدار حتى يغلي وتخفف النار ويترك حتى يستوي ولكن لايصبح لينا كثيرا وبعد أن يستوى يوضع في صينية حتى يبرد وتضاف له باقي البهارات

يطحن بماكينة اللحم والحشوة تعمل بالطريقة المعتادة على النار
يعمل خليط الكبة بالطريق التي ترغبينها مكن على شكل الكبة المعتادة أودائرية اوعلى شكل بيضاوي وتحشى بملعقة صغيرة من حشوة الكبة وتقلى بالزيت الغزير

ملاحظات مهمة ك من خلال التجربة لسنين في عمل الكبة وعشان تنجح عند تشكيل الكبة مهم تكونين حاطة طبق به ماء مثلج وتمسحين يدك بالماء البارد لتسهيل تشكيل الكبة
عند االقلي لاتضعين كمية كبيرة من الكبة لان الزيت يبرد وتنفتح الكبة وتخرج الحشوة وهذة الملاحظة تنطبق أيضا اذا ثلجتي الكبة في الفريزر فعند القلي مباشرة تضع الكبة وهي مثلجة في الزيت الحار بكمية قليلة لكي لاتتفكك
كبة البطاط
تاخذين 2 بطاطه كبيره وتحطينهم بالماء بعد ما تغسلينهم طبعا

وخليها تطبخ لما تستوي بس لا تستوي كثير يعني لا تصير لينه وايد

وتاخذين كاس الرز تغسلينه ولما يغلي الماء تكبينه فيه وتخلينه يطبخ لما يستوي نص استواء

الحين تقطعين البطاطه مع الرز وتحطينهم في المشخله حتى ينزل كل الماء اللي فيها وتنشف اشوي وتبرد

الحين نحضر الفرامه الكهربائيه وانا حطيتها على الحلقه الوسط وتفرمين الرز مع البطاط

الحين تتبلين العجينه بالملح وتحطين اشوي كركم عشان تكسب لون اصفر ولا تكثرين منه

العجينه راح تطلع متماسكه وما تلصق باليد

وطبعا تكوني محضره الحشو وصاير بارد

وتحطين عندك طاسه فيها ماء مثلج

تاخذين من العجينه كوره بحجم الجوز وتكورينها بايديك

وبعدين تقورين فيها يعني تعملي فيها حفره وتحطي الحشوه فيها وتسكريها

اهني تشكلينها مثل ما تبين اما اقراص او تكون مدببه من الطرفين او من طرف واحد او مكوره حسب ما تبييييييييييين

ولما تسوين حبتين جربيهم بالزيت وشوفي نتيجتهم قبل لا تكملين كل المقدار
اليوم سويت كبة الشبنت واطلعت روووووووووووعه
ومقاديرها سهله وبسيطه

2 كاس رز

2 بطاطه متوسطه

كركم وملح

واشبنت

كل هذى المقادير تفرم مع بعض

وتكبب بغمس اليد بالماء المثلج


والحشوه معروفه

لحم مفروم وبصل وثوم وبهارات وملح وزبيب او صنوبر حسب الرغبه
كبة العدس مقاديرها

2 كاس عدس اصفر
1 كاس رز

والحشوه

بصل

ولحم مفروم

وكشمكش (الزبيب)

والبهارات (كمون + فلفل اسود+ بهارات مشكله+ قرفه+)

وملح

وكزبره او اشبنت

الطريقه :

نغسل الرز والعدس نضيف وبعدها ونخليه منقول بالماء

نطبخ الرز والعدس ونضيف الملح حتى يستوي نصف استواء

نصفي العدس والرز بالمصفاة لما ينزل كل الماء ويبرد

نفرم الخليط بمفرمة اللحم

وراح تتكون عندي عجينه قابله للتشكيل


والحشوه معروفه طريقتها للجميع

وممكن نحط صنوبر بدل الزبيب
هذي أنواع الكبب بحاول أضع الرابط تبع الموضوع
http://forum.hawaaworld.com/showthread.php?t=350286
اقتباس مشاركة  (FANDA)
السلام عليكم ورحمة الله وبركاته

كلها ايام والشهر الفضيل يطل علينا الله يعوده علينا وعلى جميع المسلمين بالصح والعافيه


انه بشهر رمضان اقسم الاسبوع بين فطور في بيت اهلي واهل زوجي لانه انه وزوجي اثنين بس وما نحب القعده على السفره بروحنا حلاة الشهر باللمه والجمعه

كل سنه اقول السنه هذي بسوي وبسوي وبعدين تطلع لي اشياء تخليني ما اقدر يعني هذي ثالث رمضان يمر عليي من تزوجت اول سنه كنت توني حامل وكله نسا وتعب وسنه ثانيه توني والده ويدوب اعابل بنتي وهذي السنه قلت مصختيها يا مره تروحين تتفطرين كل يوم ولا عمرج سويتي شي
يعني يادوب اذا كان فطوري في بيت اهلي اسوي سلطه او طبق حلاوه عالسريع .......>> من سالك عن قصة حياتك

فقلت ما لي الا انتو خواتي تفيدوني بطبخات هينه وسريعه اسويها لما ارد من الدوام بس ترفع الراس او حتى اشياء اسويها قبل بيوم وتظل بالثلاجه

وحتى لو كان الطبق للسحور عادي لان اختكم من تروح تعسكر طول اليوم هههههههههه

يا الله ناطره ابداعاتكم
اقتباس مشاركة  (نكست)
FANDA
هلا والله وغلا....

الله يبلغنا صيامه وقيامه يارب ......

شوفي يا قلبوو..

انا تقريبا قبل ليله رمضان بكم يوم افرزن سمبوسه رقاق... (دجاج بالخضار - لحم بالخضار- خضار ساده ) ونفس الحشوات اسويها للسبينق رول

وتقريبا افرزن من كل نوع خمسين حبه واحط بكل كيس 6 حبات بس عشان يسهل علي لمى اطلعها من الفريزر يصير بس اطلع الكميه اللى تكفيني انا وزوجي....


فممكن انك تسوين مثل حركتي بس تصيرين تتطلعين من الفريزر4 اكياس يصير 24 حبه سمبوسه.....


ممكن تسوين سينمون المالح مرره روعه وما ياخذ وقت.....’’

*********

الشوربه يا طويله العمر انا اسويها باليوم الاول من رمضان بقدر الضغط كميه تكفي تقريبا لــ6 اشخاص....( على انه ما في الا انا وزوجي) بس اسوي فيها حركه

مثلا اخلص الشوربه على الساعه 3 ونص العصر واخليها بالقدر تبرد واذا بردت اقسمها بقدرين واحد اخليه برا احميه على وقت الفطور وواحد ادخله الثلاجه واحميه اليوم الثاني على الفطور طااااااااااااازه


ممكن تسوين صينيه مكرونه بالباشميل وفي لها كذا طريقه.....

وفي صينيه قوارب البطاطس مرررررررررره.... للاخت الغاليه ...لي لي...


********

ممكن تسوين سلطاات ومنها

الفتوش << محبب برمضان

تبوله

سلطه من ابتكاري ودائما اهل زوجي يطلبونها مني...

سطله خيار وجزر ونعناع باللبن << حلووه مع السبموسه....

********

سوي حلا

حلا جونيور

حلا الزبادي

كنافه

صينيه كريمه

سينمون....

********

وممكن ما تسوين شئ...

وطبقي هذي الافكار....

اما انك تسوين ثلاجه قهووه وتروحين عادي وعلى وقت سفره العشاء اللى عادةً الكل يحضرها الساعه عشره بعد صلاه التراويح تسوين شئ طازه هناك سواءً في بيت اهل زوجك او اهلك

يكون اما حلا او عصير طاازه او حتى مقلقل....

او انك تنتظرين لمى السحور وتسوينه انتي وبتكون فكره حلووه خاصه قدام اهل زوجك.....


********

ومن اللي سبق ذكره اللي تبين طريقته اناااااا حاضره للطيبين

واتمنى اني اكون افدتك ولو بالقليل

ولك خالص امنياتي.......,,


نكست
21-08-1428 هـ, 08:40 مساءً
 
وهذا رابط اكيد راح يفيدكم

http://forum.hawaaworld.com/showthread.php?t=382987
21-08-1428 هـ, 08:42 مساءً
 


الساعة الآن 12:34 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏