أبدأي من الان بالطبخ لترتاحي في رمضان وتتفرغي للعباااااااااده

--------------------------------------------------------------------------------

بسم الله الرحمن الرحيم
أن بإمكانك من الآن أن ترتبي فريزرك استعدادا لشهر رمضان لتتفرغي للعبادة..
طبعا الآن الوقت مبكر نوعا ما..
لكن على بال ما تستعدين وتقررين راح يبدأ شهر شعبان وهو وقت التجهيز..

إعلان

طبعا بقي على شهر رمضان أقل من 50 يوم..
والغالب ان الناس في رمضان يطبخون الكثير من الطعام مما يأخذ من وقت ربة البيت الكثير حتى ولو كان عندها خادمة.. أقل شي انشغال البال..
لذلك بإمكانك من اليوم تحاولي ترتبي الفريزر.. تطلعين الأشياء اللي لها سنة ما احتجتيها وتعطينها فقير يفرح فيها.. تحتاجين في هذي الخطوة يمكن يومين.. حسب نشاطك وفريزرك والأغراض اللي فيه..
الحين رتبتي الفريزر..
جهزي حشوة دجاج كثييييرة..
يعني كثيييرة!!
وابدأي كل يوم أنتي فاضية فيه جيبي مثلا عجين سمبوسة..
واحشيها..
حطي السمبوسة بترتيب في أكياس.. كل كيس فيها حاجة يوم واحد..
وممكن تحطي أكياس فيها كمية كبيرة إذا كان عندك اجتماعات كثير..
سويها كثيرة لأنك بتستهلكي كثير..
شهر كامل..
وكون الكمية تزيد أهون من انها تنقص..
وخليها حشوات أنواع واكتبي على كل كيس عن الحشوة اللي داخلها.. دجاج.. حاشي.. جبن...الخ
هذي السمبوسة..
وفيه أشياء ثانية.. فطاير.. بيتزا... ورق عنب(بدون طبخ)..
وبإمكانك تجهيز أشياء ثانية تساعدك في الطبخ للأشياء اللي ما تقدري تجمديها..
البصل قطعيه وافرديه بأكياس صغيرة (قدّ الطبخة الوحدة).. وعالفريزر
سوي البصل كميات لأنه يخلص بسرعة..
ومثله الجزر.. ابشري كميات وقسميه بأكياس.. (طبعا الجزر هذا للطبخ مو للسلطة)..
وأيضا أنا جربت الملفوف(الكرنب) أقطعه وأجمده.. (للطبخ أيضا مو للسلطة)
والطماط.. اخلطي منه كميات بالخلاط.. وممكن تطبخيه (أو بعضه) على النار حتى تخف مويته وقسميه بأكياس حسب حاجتك..
الليمون.. (إذا كنتِ من اللي يستهلك الليمون) اعصري منه كميات وحطيه بأكياس صغيرة وعالفريزر.. وممكن تستخدميه بكل شي حتى لو بغيتي تسوين عصير ليمون بإضافة الماء والسكر ..
الدجاج الفيليه.. جيبيه مبرد بكميات كبيره وقطعيه صغار أو كبار حسب حاجتك.. وافرديه بأكياس وعالفريزر
الدجاج العادي جيبي كرتونين مثلا (حسب استهلاكك) قطعيه بطرق مختلفة حسب طبخك عادة.. مثلا أرباع أو أثمان.. أو قطع صغيرة... الخ.. وفيه ناس يشتروه بكمية ومباشرة على القصاب ويجيبوه للبيت وتبدا ربة البيت بترتيبه بأكياس حسب احتياجها..
باختصار أبغاك تطلعين الدجاج وطوالي على القدر
وممكن تتركين بعض الدجاج كامل لأنه في طبخات تكون الدجاجة فيها كاملة
.....
هذي الطريقة تختصر لك الوقت وتساعدك انك تقدرين تطبخين لو تقومين قبل المغرب بساعة
وطبعا تنظيف المطبخ بيكون أسهل بكثييييييييييييييييييييير .. لأنه مافي مواعين تقطيع البصل ولا ....... الخ العجز
وممكن تجيبي أحد يساعدك إذا ماكان عندك خدامة...
أقل شي في هذي الطريقة تكونين مرتاااحة نفسيا.. وتتفرغي لطاعة ربك..
الله يعيننا ويعينكم..منقول
إذا تذكرت شي برجع أضيفه -إن شاء الله

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يجزاك خير اختي عطر الوفا فعلن الوحدة منا لازم تتفرغ لعبادتها والله اللى ماتفرزل راح يكون نهارها كلة في المطبخ وبعد الفطور تنظيف وراح عليها رمضان كلة طبخ وتنظيف يالله المستعان
تسلمين حبيبتي ..
وينقل للقسم المناسب وهو أطباق حواء ..
مشكورة اختي على الافكار الحلوة
والله يعطيك العافية
مشكوره الله يسلمك


الساعة الآن 01:06 .